Nagma: నాకు కూడా ఆ కోరిక ఉంది... 48 ఏళ్ల వయసులో పెళ్లి కావాలన్న నగ్మా!
హీరోయిన్ నగ్మా లేటు వయసులో ఘాటు కోరికలు బయటపెట్టింది. పెళ్లి చేసుకోవాలని ఆశగా ఉందంటూ మనసులో మాట పంచుకుంది.
1990లో హిందీ చిత్రం భాగీ తో హీరోయిన్ గా వెండితెరకు పరిచయమైంది నగ్మా(Nagma). అయితే ఆమె టాలీవుడ్ లో స్టార్ హీరోయిన్ గా ఎదిగింది. చిరంజీవి, నాగార్జున, బాలకృష్ణ, వెంకటేష్ వంటి టాప్ స్టార్స్ తో జతకట్టింది. అనతి కాలంలో ఎదిగిన నగ్మా హిందీ, తమిళం, కన్నడ, మలయాళ, భోజ్ పురి, మరాఠీ చిత్రాల్లో కూడా నటించింది.
హీరోయిన్ గా రిటైర్ అయిన నగ్మా అత్త పాత్రలు చేయడం విశేషం. అల్లరి రాముడు మూవీలో ఎన్టీఆర్(NTR) అత్తగా ఆమె నటించారు. 2002 తర్వాత ఆమె తెలుగులో మూవీ చేయలేదు. 2008 నుండి పూర్తిగా నటనకు దూరమైంది. పొలిటికల్ ఎంట్రీ ఇచ్చిన నగ్మా 2004లో కాంగ్రెస్ లో చేరారు. 2015లో నగ్మా ఆల్ ఇండియా మహిళా కాంగ్రెస్ జనరల్ సెక్రటరీగా ఎంపికైంది.
48 ఏళ్ల నగ్మా వివాహం చేసుకోలేదు. ఈ క్రమంలో పలువురు నటులు, స్పోర్ట్స్ స్టార్స్ తో ఎఫైర్ రూమర్స్ వినిపించాయి. ముఖ్యంగా క్రికెటర్ గంగూలీతో నగ్మా ఘాడమైన ప్రేమాయణం నడిపారనే వాదన ఉంది. అలాగే నటుడు శరత్ కుమార్, రవి కిషన్, మనోజ్ తివారీతో నగ్మా ఎఫైర్ పెట్టుకున్నారంటూ కథనాలు వెలువడ్డాయి.
తాజాగా ఆమె పెళ్లిపై స్పందించారు. వివాహం చేసుకోవాలనే కోరిక తనకు కూడా ఉందని ఆమె వెల్లడించారు. వివాహం చేసుకోకూడదు అనే నియమం నేను పెట్టుకోలేదు. పెళ్లి చేసుకొని పిల్లల్ని కనాలి. మనకు ఒక తోడు, కుటుంబం కావాలని నాకు కూడా అనిపించింది. కాలం కలిసొస్తే నాకు పెళ్లి అవుతుందేమో చూద్దాం. పెళ్ళైతే నేను ఫుల్ హ్యాపీ. సంతోషం కొంతకాలానికే పరిమితం కాకూడదు కదా... అని ఆమె అన్నారు.
కాగా నగ్మాకు జ్యోతిక, రోషిణి హాఫ్ సిస్టర్స్ అవుతారు. వీరి తల్లి ఒక్కరే కాగా తండ్రులు వేరు. మొదటి భర్త నుండి విడిపోయిన నగ్మా తల్లి సీమ రెండో భర్తతో జ్యోతిక, రోషిణితో పాటు మరొకరిని కన్నారు. నటుడు సూర్య నగ్మాకు బావ అవుతాడన్నమాట.