ఆ స్టార్ హీరోతో మళ్ళీ ప్రేమలో పడిపోయిన హన్సికా, ఈసారైనా పెళ్ళాడుతుందా..?

స్టార్ హీరోయిన్ హన్సికా మళ్లీ ప్రేమలో పడిందా..? ఒక సారి లవ్ దెబ్బ తగిలి పడిపోయిన బ్యూటీ..మరోసారి ఆ ట్రాప్ లో పడిందా..? అది కూడా మాజీ ప్రియుడితోనే మరోసారి రొమాన్స్ స్టార్ట్ చేసిందా..? ప్రస్తుతం ఇండస్ట్రీలో హాట్ టాపిక్ ఇదే.  

హన్సిక మోట్వాని.. చైల్డ్ ఆర్టిస్ట్ గా ఇండస్ట్రీలోకి ఎంట్రీ ఇచ్చి.. హీరోయిన్ గా మారి.. స్టార్ హీరోయిన్ గా ఇమేజ్ సాధించిన బ్యూటీ. టాలీవుడ్ లో కాలం కలిసిరాక కోలీవుడ్ కు వలస వెళ్ళిన ఈ బ్యూటీ..అక్కడ మాత్రం బాగా రాణించింది. అద్భుతమైన విజయాలు సాధించింది. ఫిల్మ్ కెరీర్ ను సక్సెస్ ఫుల్ గా నడిపించింది. 

తమిళ ప్రేక్షకులు కాస్త లావుగా..బొద్దుగా ఉంటేనే హీరోయిన్లను బాగా ఆదరిస్తారు. హన్సికా కూడా కాస్త ముద్దుగా ఉండటంతో.. తమిళ తంబీలు హన్సికాతో ప్రేమలో పడ్డారు.. అక్కడ ఆమెకు పిక్చి గా ఫ్యాన్స్ పెరిగిపోయారు.. నిజంగానే పిచ్చిపనులు చేశారు.. అది కాస్తా ముదిరి ఆమెకు గుడి కూడా కట్టేశారు తమిళనాట. ఇక అభిమానులు అంతలా ఆమెను ప్రేమిస్తుంటే.. హన్సిక మాత్రం ఓ స్టార్ హీరో ప్రేమలో మునిగితేలింది.

కోలీవుడ్ ల‌వ‌ర్ బాయ్ శింబు, హ‌న్సిక గ‌తంలో ల‌వ్‌లో ఉన్నార‌ని చాలా వార్త‌లు వినిపించాయి. వీరిద్ద‌రూ డేటింగ్‌లో ఉన్నార‌ని.. త్వ‌ర‌లో పెళ్లి పీట‌లు కూడా ఎక్కే అవ‌కాశ‌ముంద‌ని జోరుగా ప్ర‌చారం సాగింది. వీరి ప్రేమాయణం ఎంత ఘాటుగా సాగిందంటే..? కానీ అనుకోకుండా వీరిద్ద‌రూ విడిపోయారు. శింబు, హ‌న్సిక ప్రేమ‌లో ఉన్న‌ప్పుడు త‌న ప్రియురాలి కోసం  శింబు ఏదైనా చేసేవాడు. ఇక ఆమె ఫారిన్ షూటింగ్ కి వెళ్లింద‌ని తెలిసి మ‌రీ అక్క‌డికి వెళ్లారు. 

ఎక్కడికి వెళ్లినా.. వీరు జంటగా వెళ్లేవారు. ప్రేమ పెళ్ళి గురించి కామెంట్లు చేయలేదు కాని.. తమ మధ్య ఉన్న అనుబంధాన్ని మాత్రం.. వారంతట వారు ఎప్పుడూ.. పబ్లిక్ గా చెప్పలేదు. ఇక అనుకోకుండా వీరి బంధానికి  బ్రేక‌ప్ అయినా త‌రువాత చాలా కాలం పాటు వీరిద్ద‌రూ క‌లిసి సినిమాలు చేయ‌లేదు.  

ఇక రీసెంట్ గా వీరి బంధానికి మళ్లీ చిగుర్లు వేసినట్టు తెలుస్తోంది. మరోసారి వీరు ప్రేమలో మునిగితేలుతున్నట్టు సమాచారం.రీసెంట్ గా  హ‌న్సిక ఓ యూట్యూబ్ ఛానెల్ ఓపెన్ చేసింది. అయితే ఓసారి ఓ వీడియోకోసం..  ఓ అభిమాని శింబు గురించి అడ‌గ్గా.. ప్రేమ‌లో విడిపోయిన వాళ్లు స్నేహితులుగా ఉండ‌లేరా..? అని ప్ర‌శ్నించింది. 

ఈ ఆన్సర్ లో  నెటిజన్లు  ఓ విషయంలో  క్లారిటీ కోరకుంటున్నారు... మరికొంత మంది మాత్రం ఫిక్స్ అయిపోతున్నారు... వీరు మ‌ళ్లీ క‌లిసిపోయారని అంతా భావిస్తుననారు.  అంతే కాదు మరో షాకింగ్ న్యూస్ ఏంటీ  అంటే..  హ‌న్సిక శింబుతో పెళ్లికి సై అన్న‌ట్టు  కూడా న్యూస్  వినిపిస్తుంది. ఇక ఈ సారైనా వీరి ప్రేమ బంధం పెళ్లివరకూ వెళ్తే చూడాలని అభిమానులు కోరకుంటున్నారు.