సిల్క్ స్మితని వాడుకొని వదిలేసిన స్టార్‌ డైరెక్టర్‌.. ఒంటరిని చేసి ఏకంగా సెట్‌లోనే వదిలేసి.. దారుణంగా అవమానం

Silk Smitha: సిల్క్ స్మిత జీవితం ఒక విషాదాంతం. నిరుపేద స్థితి నుంచి, పూట గడవని పరిస్థితి నుంచి తనే సొంతంగా కష్టపడుతూ, చిన్నా చితకా పనులు చేసుకుంటూ, ఇంట్లో పనిమనిషిగానూ పనిచేసి ఆ తర్వాత సినిమాల్లోకి వచ్చి నటిగా ఎదిగింది. వ్యాంప్‌ పాత్రలతో గుర్తింపు తెచ్చుకుంది. ఐటెమ్స్ సాంగ్స్ తో స్టార్‌గా ఎదిగింది. పాటలకే అత్యధిక పారితోషికం తీసుకునే హీరోయిన్‌గానూ నిలవడం విశేషం. స్టార్‌ హీరోయిన్ల సినిమా పారితోషికం కంటే సిల్క్ స్మిత ఒక పాట పారితోషికం ఎక్కువగా ఉండటం మరో విశేషం.  

silk smitha

Silk Smitha: సిల్క్ స్మిత తన జీవితంలో ఎన్నో ఆటుపోట్లని ఎదుర్కొంది. ఎన్నో అవమానాలను ఫేస్‌ చేసింది. చాలా ఇబ్బందులు పడింది. తనని ఛీదరించుకున్న రోజుల నుంచి తను లేకపోతే సినిమా లేదు అనే స్థాయికి ఎదిగింది. అంతగా హవా చూపించింది.

డబ్బుల కోసం కష్టాలు పడి ఆ తర్వాత అదే నోట్ల కట్టలపై పడుకున్న సందర్భాలున్నాయి. జీవితంలో లోతులు చూసింది, హైట్స్ చూసింది. కానీ కొన్ని పొరపాట్లు, మోసాలు ఆమె జీవితం విషాదం ముగిసేలా చేశాయి. 

ఇదిలా ఉంటే సిల్క్ స్మితని ఒక ఆర్‌ఎంపీ డాక్టర్‌ మోసం చేశారని అంటుంటారు. ఆయనే సిల్క్ స్మితకి అండగా ఉన్నాడట, చివరికి తనే మోసం చేశాడట. కానీ అంతకు ముందు ఓ డైరెక్టర్‌ ఆమెని బాగానే వాడుకున్నాడట. అంతేకాదు ఆమెకి లైఫ్‌ ఇచ్చాడట. ఆయనే బాలు మహేంద్ర. ఆయన దర్శకుడే కాదు సినిమాటోగ్రాఫర్‌ కూడా.

సిల్క్ స్మితని తన సినిమాల్లో బాగా చూపించేవారట. అలా ఆమె పాపులర్‌ అయ్యేలా చేశాడు. ఈ క్రమంలో సిల్క్ స్మితని అన్ని రకాలుగా బాగానే ఉపయోగించుకున్నారట. కానీ ఆ తర్వాత ఆమెని పట్టించుకోలేదు. అనంతరం ఈ ఆర్‌ఎంపీ డాక్టర్‌ వలలో చిక్కింది సిల్క్ స్మిత.

అయితే కెరీర్‌ బిగినింగ్‌లో ఓ సినిమా సెట్‌లో ఏకంగా ఆమెని ఒంటరి చేసి సెట్‌లోనే వదిలేసి వచ్చారట. అప్పట్లో స్టార్‌ డైరెక్టర్‌గా ఉన్న భారతీరాజా `సీతాకోక చిలుక` అనే సినిమాని రూపొందించారు. దీనికి ఏడిద నాగేశ్వరరావు నిర్మాత.

ఈ మూవీలో సిల్క్ స్మిత చిన్న రోల్‌ చేసింది. అప్పట్లో ఆమె కొత్త. మూడు నాలుగు సినిమాలు చేసింది కానీ ఇంకా గుర్తింపు రాలేదు. ఆమె అంటే టీమ్‌కి పెద్ద లెక్క లేదు. దీంతో ఓ రోజు ఔట్‌ డోర్‌లో షూటింగ్‌ జరిగితే, అంతా వచ్చారు, కానీ ఆమెని మాత్రం ఒంటరి చేసి ఆ సెట్‌లోనే వదిలేసి వచ్చారట. 

ఒక స్టార్‌ డైరెక్టర్‌ ఉన్న సినిమా సెట్‌లో ఒక లేడీ ఆర్టిస్ట్ కి ఇంతటి అవమానం జరగడం అత్యంత విచారకరం. ఈ విషయాన్ని ఒకప్పటి దర్శకుడు గీతా కృష్ణ వెల్లడించారు. ట్రెండ్‌ నౌటీవీకి ఇచ్చిన ఇంటర్వ్యూలో ఈ విషయాలను పంచుకున్నారు.

అప్పట్లో ఆమె అంటే గౌరవం ఉండేది కాదని, అంత దారుణంగా అవమానించారని తెలిపారు. అలాంటిది ఆమెనే ఆ తర్వాత స్టార్‌ డైరెక్టర్లు, స్టార్‌ హీరోలు కూడా వెయిట్‌ చేసే స్థాయికి ఎదగడం విశేషం.