Baahubali Facts: మొదటి రోజే 70 కోట్ల నష్టం, రాజమౌళి బాధ అంతా ఇంతా కాదు.. బాహుబలికి ఎదురైన పెను సంక్షోభం

భారత సినీ చరిత్రలో ఓ మైలురాయిగా నిలిచిన 'బాహుబలి' సినిమా, విడుదలైన మొదటి రోజే భారీ నష్టాలను ఎదుర్కొందట. ఈ విషయం గురించి దర్శకుడు రాజమౌళి స్వయంగా వెల్లడించారు.

Image Credit : Netflix

నష్టాలను చవిచూసిన బాహుబలి సినిమా

ఇప్పుడు ఇండియన్ సినిమా గ్రేటెస్ట్ హిట్స్‌లో ఒకటిగా నిలిచిన 'బాహుబలి', రిలీజైన ఫస్ట్ డేనే భారీ నష్టాల్లో కూరుకుపోయిందన్న విషయం చాలామందికి ఆశ్చర్యం కలిగిస్తోంది. తాజాగా విడుదలైన 'Baahubali: The Torchbearer' డాక్యుమెంటరీలో, సినిమా ఎదుర్కొన్న తొలిదశ కష్టాల గురించి దర్శకుడు ఎస్.ఎస్. రాజమౌళి ఓపెన్‌గా మాట్లాడారు. ఈ విషయాలు ఇప్పుడు ఫ్యాన్స్ మధ్య మళ్లీ హాట్ టాపిక్‌గా మారాయి.

Image Credit : Arka Media Works

రాజమౌళి పంచుకున్న ఆసక్తికర విషయాలు

ఆ రోజుల్లో రూ.150 నుంచి రూ.200 కోట్ల బడ్జెట్‌తో తీసిన 'బాహుబలి'ని ఓ పెద్ద రిస్క్‌గా భావించారు. షూటింగ్ ప్రతీరోజూ ఖర్చు తడిసి మోపెడయ్యేదని, మరుసటి రోజు షూటింగ్ కోసం డబ్బు సర్దాల్సి వచ్చేదని చిత్ర యూనిట్ తెలిపింది. కొన్ని యాక్షన్ సీన్స్‌కే కోట్లు ఖర్చవడంతో నిర్మాతలు తీవ్ర ఒత్తిడికి గురయ్యారు.

Image Credit : X

మొదటి రోజు నష్టం

సినిమా రిలీజైన మొదటి రోజు అనుకున్నంత రెస్పాన్స్ రాలేదు. ఆ సమయంలో సినిమా సుమారు రూ.70 కోట్ల నష్టంలో నడుస్తోందని రాజమౌళి చెప్పారు. ఆంధ్రప్రదేశ్‌ నుంచి ఎక్కువ వసూళ్లు వస్తాయని ఆశిస్తే, సోషల్ మీడియాలో సినిమాపై నెగటివ్ పోస్టులు మొదలయ్యాయి. దీంతో హీరో ప్రభాస్ కూడా చాలా బాధపడ్డాడని ఆయన గుర్తుచేసుకున్నారు.

Image Credit : Facbook / Baahubali

తెలుగులో నెగిటివ్ రెస్పాన్స్

కానీ బాహుబలి ది బిగినింగ్ చిత్రాన్ని సౌత్ భాషల్లో మాత్రమే కాకుండా హిందీలో కూడా రిలీజ్ చేశారు. హిందీ ఆడియన్స్ నుంచి ఈ చిత్రానికి సూపర్ రెస్పాన్స్ వచ్చింది. తెలుగులో టాక్ కాస్త అటు ఇటుగా ఉన్నప్పటికీ హిందీలో వచ్చిన రెస్పాన్స్ మేకర్స్ కి ధైర్యాన్ని ఇచ్చింది. ఆ తర్వాత టాక్ మారిపోయి తెలుగులో కూడా సూపర్ హిట్ అయింది.

Image Credit : Asianet News

చరిత్ర సృష్టించిన బాహుబలి

చివరికి 'బాహుబలి: ది బిగినింగ్' ప్రపంచవ్యాప్తంగా సుమారు రూ.650 కోట్లు వసూలు చేసింది. ఆ తర్వాత వచ్చిన రెండో భాగం రూ.1,750 కోట్లకు పైగా వసూలు చేసి ఇండియన్ సినిమా చరిత్రలో ఓ రికార్డు సృష్టించింది. ఒక సినిమా విజయాన్ని కేవలం మొదటి రోజు కలెక్షన్లు నిర్ణయించవనడానికి 'బాహుబలి' ఇప్పటికీ ఒక గొప్ప ఉదాహరణగా నిలుస్తోంది.