శ్రీలీలకి దెబ్బ మీద దెబ్బ.. మరో కృతి శెట్టి అవుతుందా?.. తప్పు తెలుసుకోకపోతే తిప్పలే?

17

టాలీవుడ్‌ హీరోయిన్లలో అత్యంత క్రేజ్‌ ఉన్న హీరోయిన్‌ ఎవరైనా ఉన్నారంటే ఠక్కున గుర్తొచ్చేది శ్రీలీల పేరే. ఆమె అంతగా ప్రభావాన్ని చూపిస్తుంది. అంతగా హాట్‌ కేక్‌ అయిపోయింది. ఆమె కోసం హీరోలు, దర్శక, నిర్మాతలు వెయిట్‌ చేస్తున్నారు. పారితోషికం ఎంతైనా ఇచ్చేందుకు ముందుకు వస్తుండటం విశేషం. అయితే ఇప్పుడు పరిస్థితులు తేడా కొడుతున్నాయి. సినిమా ఫలితాలు షాకిస్తున్నాయి. 

27

శ్రీలీల `పెళ్లిసందడి`తో టాలీవుడ్‌లోకి దూసుకొచ్చింది. ఆ వెంటనే ఆమెకి రవితేజ్‌తో `ధమాఖా` చిత్రంలో నటించే అవకాశం వరించింది. దీంతో ఒక్కసారిగా స్టార్‌ అయిపోయింది. ఈ సినిమా విజయంలో ఆమె దాదాపు పది ఆఫర్లు వచ్చాయి. పది సినిమాలకు సైన్‌ చేసింది. వాటిలో `స్కంద`, `భగవంత్‌ కేసరి`, `ఆది కేశవ`, విజయ్‌ దేవరకొండ-గౌతమ్‌ తిన్ననూరి సినిమా, నితిన్‌ `ఎక్ట్స్రా ఆర్డినరీ మ్యాన్‌`, మహేష్‌బాబు `గంటూరు కారం`, పవన్‌ `ఉస్తాద్ భగత్‌ సింగ్‌`, కన్నడ మూవీ, అలాగే చిరంజీవి చిత్రంలో ఆమె పేరు వినిపించింది. 

37

వీటిలో రెండు సినిమాలు క్యాన్సిల్‌ అయ్యాయి. `స్కంద`, `భగవంత్‌ కేసరి`, `ఆదికేశవ` సినిమాలు విడుదలయ్యాయి. ఇందులో బాలయ్యకి కూతురు పాత్రలో కనిపించిన `భగవంత్‌ కేసరి` మూవీ ఫర్వాలేదనిపించుకుంది. బలవంతపు హిట్‌గా నిలిచింది. రామ్‌తో నటించిన `స్కంద` డిజాస్టర్‌ అయ్యింది. వైష్ణవ్‌ తేజ్‌తో చేసిన `ఆదికేశవ` రిజల్ట్ కూడా తేడా కొట్టింది. ఈ నేపథ్యంలో శ్రీలీలకి ఇలా దెబ్బ మీద దెబ్బ పడటంతో ఇప్పుడు చర్చనీయాంశం అవుతుంది. 

47

శ్రీలీల మరో రెండు వారాల్లో `ఎక్ట్స్రా ఆర్డినరీ మ్యాన్‌` చిత్రంతో రాబోతుంది. నితిన్‌ హీరోగా రూపొందిన చిత్రమిది. వక్కంతం వంశీ దర్శకత్వం వహించారు. ఈ మూవీపై కూడా బజ్‌ లేదు. ఈ సినిమా ఒకటి వస్తున్నారని కూడా ఆడియెన్స్ గుర్తించలేని స్థితిలో ఉంది. సినిమా బిజినెస్‌ పరంగానూ స్ట్రగుల్‌ అవుతున్నట్టు సమాచారం. ఈ నేపథ్యంలో ఈ సినిమాపై కూడా అనుమానాలు వ్యక్తమవుతున్నాయి. ఇది నెక్ట్స్ కృతి శెట్టి లాంటి పరిస్థితి అవుతుందా? అనే సందేహం కలుగుతుంది. 

57

కృతిశెట్టి `ఉప్పెన` చిత్రంలో సంచలనంగా మారింది. ఆమెకి వరుసగా ఐదారు సినిమా ఆఫర్లు వచ్చాయి. అందులో `శ్యామ్‌ సింగరాయ్‌`, `బంగార్రాజు` జస్ట్ ఓకే అనిపించాయి. `ది వారియర్స్`, `ఆ అమ్మాయి గురించి మీకు చెప్పాలి`, `కస్టడీ`, `మాచర్ల నియోజకవర్గం` చిత్రాలు బోల్తా కొట్టాయి. దీంతో ఒక్కసారిగా జీరో అయిపోయింది కృతి. ఆమె చేతిలో ఆఫర్లు లేకుండా ఖాళీ అయిపోయింది. ఇప్పుడు శర్వానంద్‌తో ఒక సినిమా చేస్తుంది. ఇతర భాషలో ఒక్కోసినిమా చేస్తుంది. కానీ కృతి శెట్టికి క్రేజ్‌ తగ్గిపోయింది.

67

ఇప్పుడు శ్రీలీలకి కూడా అలాంటి పరిస్థితే వస్తుందా అనే అనుమానాలు వ్యక్తమవుతున్నాయి. సోషల్‌ మీడియాలో ఇదే చర్చ నడుస్తుంది. అతిక్రేజ్, అతి స్టార్‌ డమ్‌ హీరోయిన్ల పాలిట శాపంగా మారుతుంది.ఆ క్రేజ్‌లో కుప్పలు తెప్పలుగా ఆఫర్లు వచ్చి పడటం, వచ్చిన ఆనందంలో, ఎగ్జైట్‌మెంట్‌లో ఆ సినిమాలకు కమిట్‌ కావడం, ఒక్కోక్కటిగా బోల్తా కొడుతుంటే డీలా పడటం చూస్తుంటే కృతి లా శ్రీలీల మారిపోతుందా అనిపిస్తుంది. 

77

అయితే శ్రీలీల చేతిలో `గుంటూరు కారం`, `ఉస్తాద్‌ భగత్‌ సింగ్‌` వంటి రెండు భారీ ప్రాజెక్ట్ లు కూడా ఉన్నాయి. అవి మినిమమ్‌ గ్యారంటీ మూవీలు. మిగిలినవి తేడా కొట్టినా అవి నిలబెడతాయనే హోప్‌లో ఉంది శ్రీలీల. ఏదేమైనా శ్రీలీల ఆఫర్లకు సైన్‌ చేయడంలో విఫలమయ్యిందంటే కెరీర్‌ రివర్స్ అవుతుంది.ఆ విషయాన్ని తెలుసుకుని సినిమాలు చేస్తే నెక్ట్స్ లెవల్‌కి వెళ్తుంది.