Pan India Movies: ఖాన్స్ ని సైతం దాటిపోతున్నారా.. బాలీవుడ్ క్రిటిక్స్ ఒప్పుకుంటున్న నిజం

ఒకప్పుడు బాలీవుడ్ చిత్రాల గురించి సౌత్ మొత్తం మాట్లాడుకునేవాళ్ళు. ప్రాంతీయ భాషల్లో ఈస్థాయి చిత్రాలు ఎప్పుడు వస్తాయో అని ఫ్యాన్స్ ఎదురుచూసే వాళ్ళు. కానీ ఇప్పుడు పరిస్థితి మారింది.

RRR Movie

ఒకప్పుడు బాలీవుడ్ చిత్రాల గురించి సౌత్ మొత్తం మాట్లాడుకునేవాళ్ళు. ప్రాంతీయ భాషల్లో ఈస్థాయి చిత్రాలు ఎప్పుడు వస్తాయో అని ఫ్యాన్స్ ఎదురుచూసే వాళ్ళు. కానీ ఇప్పుడు పరిస్థితి మారింది. బాలీవుడ్ వాళ్ళు సౌత్ సినిమాల విజయాన్ని చూసి కుళ్ళుకునే పరిస్థితి ఏర్పడింది. సౌత్ లో గొప్ప చిత్రాలు తయారవుతున్నాయి. బాహుబలితో మొదలైన ఈ ప్రభంజనం.. ఆర్ఆర్ఆర్,పుష్ప, కెజిఎఫ్ 2 ఇలా కొనసాగుతూనే ఉంది. 

హిందీ బెల్ట్ లోనే ఖన్స్ త్రయం అమీర్ ఖాన్, షారుఖ్ ఖాన్, సల్మాన్ ఖాన్ చిత్రాల రికార్డులని వారి అడ్డాలోనే సౌత్ సినిమాలు బ్రేక్ చేస్తూ దూసుకుపోతున్నాయి.ఆర్ ఆర్ఆర్ఆర్ చిత్రం వరల్డ్ వైడ్ గా 1000 కోట్ల మార్క్ టచ్ చేసింది.కెజిఎఫ్ 2 ఆ వైపుగా దూసుకుపోతోంది. పుష్ప చిత్రం హిందీలో 100 కోట్ల మార్క్ ని అందుకుంది. 

Pushpa

హిందీ ఆడియన్స్ మంచి కంటెంట్ ఉంటే సౌత్ సినిమాలని కూడా ఖాన్ హీరోల చిత్రాల కంటే ఎక్కువగా ఆదరిస్తున్నారు. గతంలో సౌత్ హీరోలు రజనీకాంత్, కమల్ హాసన్ చిత్రాలు హిందీలో రాణించాయి. చిరంజీవి నటించిన కొన్ని చిత్రాలు కూడా అక్కడ పర్వాలేదనిపించాయి. కానీ ఈ స్థాయి ఆదరణ గతంలో లేదు. 

KGF2

సౌత్ హీరోలు.. బాలీవుడ్ స్టార్స్ ని అధికమించే స్థాయికి ఎదిగారని ప్రముఖ క్రిటిక్ తరుణ్ ఆదర్శ్ లాంటి వాళ్ళు అభిప్రాయ పడుతున్నారు. ప్రభాస్ ఆల్రెడీ హిందీలో పాగా వేశాడు. రాజమౌళి సినిమా తీస్తే హిందీ ఆడియన్స్ నుంచి విశేషంగా ఆదరణ లభిస్తోంది. తాజాగా యష్, అల్లు అర్జున్.. ఆర్ఆర్ఆర్ హీరోలు రాంచరణ్, ఎన్టీఆర్ హిందీ మార్కెట్ లో నయా స్టార్స్ గా అవతరించారు. 

రాజమౌళి, ప్రశాంత్ నీల్ లాంటి దర్శకులు ప్రాంతీయ సినిమా అనే పదాన్ని వాడకూడదు అని భావిస్తున్నారు. రాజమౌళి అభిప్రాయం ప్రకారం సౌత్ సినిమాలకు ఎప్పటి నుంచో హిందీలో మార్కెట్ ఉంది. కాకపోతే దానిని విస్తరించుకోలేదు అంతే. ఈగ చిత్రానికి హిందీలో అద్భుతమైన రెస్పాన్స్ వచ్చింది. 

Pushpa movie

ఆ కాన్ఫిడెన్స్ తోనే బాహుబలి చిత్రాన్ని పాన్ ఇండియా చిత్రంగా మలిచినట్లు రాజమౌళి తెలిపారు. ఇప్పుడు ప్రాంతీయ భాషా చిత్రం అనే అడ్డుగోడలు పూర్తిగా తొలిగిపోయినట్లే అని బాలీవుడ్ విశ్లేషకులు భావిస్తున్నారు. భవిష్యత్తులో రాబోయే సౌత్ పాన్ ఇండియా చిత్రాలు హిందీలో మరింత భారీ స్థాయిగా ఉండడం ఖాయం.