- Home
- Entertainment
- Dada Biopic: తెరపైకి సౌరబ్ గంగూలీ బయోపిక్.. అదిరిపోయిన `దాదా` ఫస్ట్ లుక్.. లార్డ్స్ విక్టరీని గుర్తు చేస్తూ రచ్చ
Dada Biopic: తెరపైకి సౌరబ్ గంగూలీ బయోపిక్.. అదిరిపోయిన `దాదా` ఫస్ట్ లుక్.. లార్డ్స్ విక్టరీని గుర్తు చేస్తూ రచ్చ
Dada Biopic: భారత క్రికెట్ మాజీ కెప్టెన్ సౌరవ్ గంగూలీ పుట్టినరోజు సందర్భంగా, ఆయన బయోపిక్ 'దాదా - ది సౌరవ్ గంగూలీ స్టోరీ' ఫస్ట్ లుక్ పోస్టర్ను రిలీజ్ చేశారు. ఈ పోస్టర్ ఇప్పుడు సోషల్ మీడియాలో తెగ వైరల్ అవుతూ సినిమాపై అంచనాలను పెంచేసింది.
సౌరబ్ గంగూలీ బయోపిక్ దాదా ఫస్ట్ లుక్
ఇండియన్ క్రికెట్ చరిత్రలో సౌరబ్ గంగూలీ కెప్టెన్గా సృష్టించిన సంచలనాలు ఎలాంటివో మనకు తెలిసిందే. ఆయన ఉన్నప్పుడు అదొక చరిత్ర. టీమిండియాని తిరుగులేని పవర్ ఫుల్ టీమ్గా తీర్చిదిద్దారు. అనేక సంచలనాలకు కేరాఫ్గా నిలిచారు. టీమిండియాలో విప్లవాత్మక మార్పులు తీసుకొచ్చారు. దేశం గర్వించదగ్గ టీమ్గా మార్చారు. ఇప్పుడు ఆయన జీవితం తెరపైకి రాబోతుంది. `దాదా ది సౌరబ్ గంగూలీ స్టోరీ` పేరుతో దీన్ని రూపొందిస్తున్నారు. తాజాగా ఈ మూవీ ఫస్ట్ లుక్ని విడుదల చేశారు. ఈ చిత్రంలో బాలీవుడ్ నటుడు రాజ్కుమార్ రావు సౌరవ్ గంగూలీ పాత్రను పోషిస్తున్నారు. 2002లో లార్డ్స్లో జరిగిన నాట్వెస్ట్ కప్ ఫైనల్లో భారతదేశం విజయం సాధించినప్పుడు, గంగూలీ తన చొక్కాను విప్పి గిరగిరా తిప్పుతూ సంబరాలు చేసుకున్న హిస్టారికల్ మూమెంట్ని రాజ్కుమార్ రావు ఈ సినిమా మొదటి పోస్టర్లో పునఃసృష్టించారు. ఈ ఫోటో ప్రస్తుతం సోషల్ మీడియాలో వైరల్ అవుతోంది.
దాదా కథ ఇదే
సినిమా కథ: ఒక సాధారణ క్రికెటర్ నుండి భారత క్రికెట్ జట్టుకు అత్యంత గొప్ప, పవర్ఫుల్ కెప్టెన్గా గంగూలీ ఎదిగిన ప్రస్థానం, అతని పట్టుదల, సంకల్పం, భారత క్రికెట్ను మరో స్థాయికి తీసుకెళ్లిన పోరాట క్షణాల కథను ఈ చిత్రం చెబుతుంది. ఈ సినిమాకు విక్రమ్ ఆదిత్య మోత్వానే దర్శకత్వం వహిస్తుండగా, లవ్ రంజన్, అంకుర్ గార్గ్ నిర్మిస్తున్నారు. టి-సిరీస్, లవ్ ఫిల్మ్స్ సంస్థలు సమర్పిస్తున్నాయి. ప్రపంచవ్యాప్తంగా ఉన్న క్రికెట్, సినిమా అభిమానులు ఎంతో ఆసక్తిగా ఎదురుచూస్తున్న 'దాదా' సినిమా మే 14, 2027న థియేటర్లలో విడుదల కానుంది. భారత క్రికెట్లో కొత్త శకాన్ని సృష్టించిన దాదా కథను తెరపై చూడటానికి అభిమానులు వెయిట్ చేస్తున్నారు.
