Karthika Deepam: మోనితకు షాకింగ్ వార్నింగ్ ఇచ్చిన సౌందర్య.. రుద్రాణికి మాట ఇచ్చిన కార్తీక్!

Karthika Deepam: బుల్లితెరపై ప్రసారమవుతున్న కార్తీకదీపం (Karthika Deepam) సీరియల్ ప్రేక్షకులను బాగా ఆకట్టుకుంటుంది. కుటుంబ కథ నేపథ్యంలో ప్రసారమవుతున్న ఈ సీరియల్ రేటింగ్ లో మొదటి స్థానంలోనే దుసుకెళ్తుంది. ఇక ఈ రోజు ఎపిసోడ్ హైలెట్ ఏంటో చూద్దాం. 

ఇక కార్తీక్ (Karthik) కు అనుమానం రావడంతో రోజులు బాబుగా ఉన్నాడని అంటాడు. దీప కూడా అదే మాట అనడంతో కోటేష్ (Kotesh) చెప్పడానికి టెన్షన్ పడతాడు. దీప కూడా అడగటంతో ఇప్పటివరకు తనకు 4 గర్భాలు పోయాయని అందుకే వేరే అబ్బాయిని దత్తత తీసుకున్నామని చెబుతాడు. ఈ విషయం ఎవరికీ చెప్పకూడదు అని అంటాడు.

మరోవైపు రుద్రాణి (Rudrani) దగ్గరికి తన మనిషి వచ్చి కోటేష్ కుటుంబం దీప వాళ్ళ ఇంట్లో ఉన్నారని చెబుతాడు. దాంతో తను కోపంగా రగిలిపోతుంది. ఇక హిమ, సౌర్య వాళ్ళు బాబుతో ఆడుకుంటారు. అంతలోనే శ్రీవల్లి దీప (Deepa) వాళ్లను మీరు పెద్దింటి కుటుంబంలా ఉన్నారని అడగటం తో కోటేష్ అలా అడగొద్దు అని ఆపుతాడు.

రుద్రాణి (Rudrani) విషయంలో మళ్లీ ఏమైనా చేస్తాడని భయమేస్తుంది అని కోటేష్ (Kotesh) అనటంతో తప్పు చేసినప్పుడు ఎందుకు భయపడాలి అని దీప, కార్తీక్ అంటారు. ఇల్లు మీది ధైర్యంగా ఉండొచ్చు అని అంటారు. మరోవైపు మోనిత తన ఫోటో చూసి మురిసిపోతుంది.

అప్పుడే ప్రియమణి (Priyamani) రావటంతో ఈ ఇంట్లో ఇలా ఉంటుందని అనుకోలేదు అని  మురిసి పోతూ ఉండగా అప్పుడే సౌందర్య (Soundarya) వచ్చి ఆ ఫోటోను తీసి గట్టిగా నేలకేసి కొడుతుంది. ప్రియమణి, మోనిత షాక్ అవుతారు. గట్టిగా క్లాస్ పీకుతూ మా బాధలో మేము ఉన్నాం అంటూ ఇలా వచ్చి చేయడం కరెక్ట్ కాదని అంటుంది.

కావాలంటే నిన్ను చంపేసి నీ ఫోటోలు సంతాప సభలో పెద్ద ఫ్లెక్సీ గా పెడతాను అని అంటుంది. ఏదో కొడుకు కనిపించడం లేదని ఆ మాటతోనే నిన్ను ఉంచుకున్నాను అంటూ లేదంటే మెడ పట్టి బయటికి గెంటేస్తాను అని గట్టిగా వార్నింగ్ ఇస్తుంది. దాంతో మోనిత (Monitha) మరో మాట మాట్లాడకుండా షాక్ లో ఉంటుంది.

చీకటి పడ్డాక అబ్బులు (Abhulu) కోటేశ్ వాళ్ళ ఇంటికి వచ్చి అక్క మిమ్మల్ని రమ్మంటుందని అంటాడు. ఇక కార్తీక్ వెళ్ళడంతో దీప టెన్షన్ పడుతుంది. ఆదిత్య జరిగిన సంఘటనను గుర్తు చేసుకొని బాధ పడుతాడు. మోనితను ఏం చేయలేని పరిస్థితిలో ఉన్నామంటూ అనడంతో శ్రావ్య (Sravya) ఏదైనా చేయాలని గట్టిగా చెబుతోంది.

దీప (Deepa) ఒంటరిగా కూర్చొని కార్తీక్ ను రుద్రాణి దగ్గరికి ఒంటరిగా వెళ్లాడని భయపడుతుంది.  మరోవైపు పిల్లలిద్దరూ బాబు తో ఆడుతుంటారు. ఇక రుద్రాణి (Rudrani) కార్తీక్ కు తన గురించి మొత్తం చెప్పి కొన్ని అగ్రిమెంట్ లు తీసుకుంటుంది. దీంతో  కోటేష్ అప్పు తీరుస్తాను అని కార్తీక్ మాట కూడా ఇస్తాడు.