పెళ్లి విషయంలో తాను లక్కీ అంటూ.. బాలీవుడ్ బంధాలపై సోనమ్ కపూర్ షాకింగ్ కామెంట్
బాలీవుడ్పై సోనమ్ కపూర్ ఆసక్తికర వ్యాఖ్యలు చేశారు. తాను బాలీవుడ్కి చెందిన వ్యక్తిని వివాహం చేసుకోకుండా మంచి పనిచేశానని తెలిపింది. ఓ మేగజీన్ కోసం అందాలు ఆరబోస్తూ షాకింగ్ కామెంట్ చేసింది సోనమ్.
బాలీవుడ్ స్టార్స్ పెళ్లిళ్లు చేసుకుని విడిపోతున్న విషయం తెలిసిందే. హృతిక్ రోషన్- సుజానే ఖాన్, ఆర్బాజ్ఖాన్- మలైకా అరోరా, సైఫ్ అలీఖాన్- అమృతా సింగ్, ఇప్పుడు ఆమిర్ ఖాన్- కిరణ్ రావు విడుదలపోతున్నట్టు వెల్లడించారు. ఈ నేపథ్యంలో సోనమ్ ఆసక్తికర వ్యాఖ్యలు చేసింది.
అదృష్టవశాత్తూ తాను ఇండస్ట్రీకి సంబంధం లేని వ్యక్తిని పెళ్లి చేసుకున్నానని, వైవాహిక జీవితం ఎంతో సంతోషంగా సాగిపోతుందని పేర్కొంది. `వోగ్` మేగజీన్కి ఇచ్చిన ఇంటర్వ్యూలో ఈ విషయాలను వెల్లడించింది. ఈ మేగజీన్ కోసం అందాలు ఆరబోసిన ఈ అమ్మడు ఇంకా మాట్లాడుతూ.
`దేవుడి దయ వల్ల నేను ఇండస్ట్రీకి చెందిన వ్యక్తిని పెళ్లిచేసుకోలేదు. అందుకు నిజంగా కృతజ్ఞురాలిని. ఎందుకంటే, అక్కడ(బాలీవుడ్) పనిచేసే వాళ్ల ప్రపంచం సంకుచితంగా ఉంటుంది. బాలీవుడ్లో జరుగుతున్నది ఇదే. నాలాగా ఆలోచించే, ఫెమినిస్ట్ను పెళ్లాడటం నిజంగా నా అదృష్టమనే చెప్పాలి` అని పేర్కొంది.
`పెళ్లైన నాటి నుంచి ఈ ఏడాదే మేం ప్రతి రాత్రి కలిసి గడపగలుగుతున్నాం. ఎందుకంటే ముంబై- ఢిల్లీ- లండన్ల మధ్య ప్రయాణాలకే సమయం సరిపోయేది. మాకు ఒకరి పట్ల ఒకరికి అవిజ్యామైన ప్రేమ ఉంది. ఇద్దరం కలిస్తే సంతోషాలకు కొదవే ఉండదు.
లండన్లో ఒంటరిగా ప్రయాణించడం వల్ల చాలా విషయాలు నేర్చుకోగలిగాను. ఇక్కడ భారతీయులు, పాకిస్తానీయులు, బంగ్లాదేశీయులు, మధ్య ప్రాచ్య దేశాలకు చెందిన ఎంతో మంది ప్రజలను చూశాను. వాళ్లకి బాలీవుడ్ అంటే ఒక రకమైన పిచ్చి ఉంటుందని నాకు అర్థమైంది` అని తెలిపింది సోనమ్.
ఇదిలా ఉంటే 2018లో సోనం కపూర్, వ్యాపారవేత్త ఆనంద్ అహుజాను పెళ్లాడిన సంగతి తెలిసిందే. మూడేళ్లుగా వీరి వైవాహిక జీవితం సాఫీగా సాగుతుందని,చాలా సంతోషంగా ఉన్నామని సోనమ్ తెలిపింది.
సీనియర్ నటుడు అనిల్ కపూర్ తనయ అయిన సోనమ్ కపూర్ మ్యారేజ్ తర్వాత కూడా చాలా సెలెక్టీవ్గా సినిమాలు చేస్తుంది.
గతేడాది ఆమె `ఏకే వర్సెస్ ఏకే`లో నటించింది. ప్రస్తుతం `బ్లైండ్` సినిమాలో నటిస్తుంది.
సోనమ్ గ్లామర్ ఫోటోలు.
సోనమ్ గ్లామర్ పిక్స్.