శోభిత దూళిపాళని తీసేసి కుక్కని పెట్టుకున్నారు, నాగచైతన్య రెండో భార్యకి ముంబయిలో తీవ్ర అవమానం
కాసేపట్లో అక్కినేని కోడలు కాబోతున్న శోభితా దూళిపాళ పాత ఇంటర్వ్యూ వైరల్‌ అవుతుంది. ఆమె స్థానంలో కుక్కని పెట్టుకోవడం ఆశ్చర్యపరుస్తుంది.
Followహీరోయిన్‌ శోభితా దూళిపాళ కంటెంట్‌ బేస్డ్ చిత్రాలు చేస్తూ తనకంటూ ఓ సెపరేట్‌ ఇమేజ్‌ని ఏర్పర్చుకుంది. తెలుగు అమ్మాయి అయినప్పటికీ బాలీవుడ్ ద్వారా సినిమాకి పరిచయం అయ్యింది. అటు హిందీ, ఇటు తెలుగు సినిమాలు చేస్తూ రాణిస్తుంది. అయితే ఆమె చాలా సెలక్టీవ్‌గా వెళ్తుంది. ఏది పడితే అది చేయడం లేదు. సినిమాలో దమ్ము, పాత్రకి ప్రయారిటీ ఉంటేనే చేస్తుంది. అలా ఉంటే తన పాత్ర ఎంతటి బోల్డ్ గా ఉన్నా చేయడానికి రెడీ అంటోంది.
శోభితా దూళిపాళ ఇప్పుడు పెళ్లి పీఠలెక్కుతుంది. మరి కొద్ది గంటల్లో ఆమె పెళ్లి జీవితంలోకి అడుగుపెడుతుంది. ఈ రోజు(డిసెంబర్‌ 4) రాత్రి 8.13 గంటలకు శోభితా పెళ్లి హీరో నాగచైతన్యతో జరగబోతున్న విషయం తెలిసిందే. అన్నపూర్ణ స్టూడియోలో అతికొద్ది మంది సినిమా సెలబ్రిటీ, బంధుమిత్రుల సమక్షంలో వీరి వివాహం జరగబోతుందట.
అందుకు సంబంధించిన ఏర్పాట్లు ఇప్పటికే పూర్తయినట్టు తెలుస్తుంది. నాగచైతన్యకిది రెండో పెళ్లి అనే విషయం తెలిసిందే. 2017లో సమంతని ప్రేమించి పెళ్లి చేసుకున్నారు. 2021లో విడిపోయారు. ఇప్పుడు శోభితాని రెండో పెళ్లి చేసుకుంటున్నారు. వీరిదీ ప్రేమ పెళ్లినే. అయితే శోభితకి మాత్రం ఇది మొదటి పెళ్లినే కావడం విశేషం.
శోభితా దూళపాళ తండ్రి నేవీ అధికారి. తెనాలిలో పుట్టి వైజాగ్‌లో పెరిగింది. ముంబయిలో ఉన్నత స్టడీస్‌ చేసింది. తాను ఎకనామిస్ట్ కావాలనుకుంది. కానీ అనూహ్యంగా మోడలింగ్‌లోకి అడుగుపెట్టింది. అట్నుంచి సినిమాల్లోకి వచ్చింది. అయితే మోడలింగ్‌ సమయంలో తాను చాలా అవమానాలు ఫేస్‌ చేసినట్టు తెలిపింది శోభిత. ప్రారంభంలో నల్లగా ఉందని తిరస్కరించారట. ఆ తర్వాత అందులోనూ రాణించి ఫెమినా మిస్‌ ఇండియా ఎర్త్ 2013 టైటిల్‌ గెలుచుకుంది. అలాగే మిస్‌ ఎర్త్ 2013లో కూడా పాల్గొంది.
ఇదిలా ఉంటే మోడలింగ్‌ అయిపోయాక ఆమె అవకాశాల కోసం ప్రయత్నాలు చేసింది. ఓ యాడ్ కోసం ఆడిషన్‌కి వెళ్లిందట శోభితా. నల్లగా ఉందని రిజెక్ట్ చేశారట. వెనకాల నిల్చునే బ్యాక్‌ మోడల్‌గానూ పనికి రాదని అవమానించారట. మరో ఆడిషన్‌కి వెళితే కెమెరా రిపేర్‌ అయ్యిందని నెక్ట్స్ డే రమ్మన్నారు. ఆ రోజు వెళ్లితే శోభితా కాన్ఫిడెన్స్ ని చూసి షాక్ అయ్యారట. ఈ బ్రాండ్‌కి ఆమె సెట్ కాదని అన్నారట.
ఆమె స్థానంలో ఓ కుక్కని పెట్టారట. కానీ తనకు మాత్రం పారితోషికం కూడా చెల్లించినట్టు తెలిపింది శోభిత. తన స్థానంలో కుక్కని పెట్టుకోవడం చాలా అవమానంగా అనిపించిందని ఓ ఇంగ్లీష్‌ ఇంటర్వ్యూలో తెలిసింది శోభిత. ఆమె మాటలకు యాంకర్లు సైతం షాక్ అవడం గమనార్హం. అంతేకాదు ఆ బ్రాండ్ ఇమేజ్‌ కుక్కతో సమానమా? అంటూ సెటైర్లు పేల్చారు. ఈ పాత ఇంటర్వ్యూ ఇప్పుడు సోషల్‌ మీడియాలో వైరల్‌ అవుతుంది.
అలాంటి అవమానాలు ఫేస్‌ చేసిన శోభితా హీరోయిన్‌ అయ్యాక అలాంటి యాడ్ కంపెనీలే తనని అప్రోచ్‌ అయి యాడ్ కి బ్రాండ్ అంబాసిడర్‌గా చేయాలని అడిగారట. ఆమె ఐశ్వర్యారాయ్‌తో కలిసి ఆ యాడ్ చేసినట్టు తెలిపింది శోభిత. `రమన్‌ రాఘవ్‌ 2.0` అనే హిందీ సినిమాతో హీరోయిన్‌గా సిల్వర్‌ స్క్రీన్‌కి పరిచయం అయిన శోభిత `చెఫ్‌`, `కాలకాండి`, `ది బాడీ`, `ఘోస్ట్ స్టోరీస్‌` చిత్రాలు చేసింది. తెలుగులో `గూఢచారి`, `మేజర్‌`, తమిళంలో `పొన్నియిన్‌ సెల్వన్‌` సినిమాలు చేసింది. ఇటీవల `లవ్‌ సీత`లో బోల్డ్ రోల్‌లో మెరిసింది శోభిత.
read more: 40ఏళ్ల క్రితమే 10 లక్షలు వదిలేసిన రజనీకాంత్‌, అనారోగ్యంతో ఆసుపత్రి పాలైనందుకు డేరింగ్‌ డెసీషన్‌
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
