పెళ్ళైన స్టార్ జీవితంలోకి పరాన్నజీవిలా త్రిష, భార్యతో గొడవ అందుకే ? లేడీ సింగర్ తీవ్ర వివాదాస్పద వ్యాఖ్యలు

ఇటీవల త్రిష గురించి ఎన్నో పుకార్లు వినిపిస్తున్నాయి. కొందరు చేసిన కామెంట్స్ వల్లనో, ఆమె గురించి వస్తున్న రూమర్స్ వల్లనో ఎక్కువగా త్రిష పేరు సోషల్ మీడియాలో ట్రెండ్ అవుతోంది. కొన్ని నెలల క్రితం లియో చిత్రంలో నటించిన మన్సూర్ చేసిన వ్యాఖ్యలు ఎంత వివాదం అయ్యాయో తెలిసిందే. 

అయితే తాజాగా మరొకరు త్రిష వ్యక్తిగత జీవితంపై తీవ్ర వ్యాఖ్యలు చేశారు. సింగర్ సుచిత్ర గతంలో ఎంతటి వివాదాలు సృష్టించిందో అందరికీ తెలిసిందే. కోలీవుడ్ లో దాదాపు అందరు సెలెబ్రిటీల గురించి ఆమె గతంలో సంచలన వ్యాఖ్యలు చేసింది. ధనుష్, నయనతార, ఆండ్రియా, అమీ జాక్సన్, అనిరుద్ ఇలా చాలా మంది పర్సనల్ లైఫ్ పై ఆమె సంచలన ఆరోపణలు చేసింది. 

కొన్నేళ్ల క్రితం ఆమె సుచి లీక్స్ పేరుతో చేసిన రచ్చ అంతా ఇంతా కాదు. తాజాగా సుచిత్ర మరోసారి యాక్టివ్ అయింది. లేటెస్ట్ గా ఆమె ఏకంగా త్రిష గురించి బోల్డ్ కామెంట్స్ చేసింది. త్రిషకి, ఇళయదళపతి విజయ్ కి ముడిపెడుతూ చేసిన వ్యాఖ్యలు తీవ్ర దుమారం రేపుతున్నాయి. అప్పుడే విజయ్ ఫ్యాన్స్ సుచిత్రపై ట్రోలింగ్ మొదలు పెట్టేశారు. 

విజయ్ రాజకీయాల్లోకి వస్తున్నారు కాబట్టే వ్యక్తిగత జీవితంపై బురద చల్లుతున్నారు అంటూ కామెంట్స్ చేస్తున్నారు. ఇంతకీ సుచిత్ర ఏం చెప్పిందంటే.. విజయ్ పర్సనల్ లైఫ్ లో త్రిష ఒక పరాన్నజీవిలా మారింది. అందుకే విజయ్ కి అతని భార్య సంగీతకి విభేదాలు వచ్చాయి. విజయ్ తో ఉన్న కొన్ని ఫోటోలని కూడా త్రిష లీక్ చేస్తోంది. ఆమెకి కావలసింది జనాల్లో పబ్లిసిటీ. 

విజయ్ ని పర్సనల్ లైఫ్ లో వాడుకుంటూ లబ్ది పొందాలని త్రిష ప్రయత్నిస్తోంది. క్లారిటీగా చెప్పాలంటే.. ఎంజీఆర్ ని జయలలిత వాడుకుని ఎదిగినట్లు త్రిష కూడా తనని తాను ఊహించుకుంటోంది. అందుకే పెళ్ళైన వ్యక్తితో త్రిష ఎఫైర్ సాగిస్తోంది అని సుచిత్ర సంచలన వ్యాఖ్యలు చేసింది. 

విజయ్ త్రిష లని సుచిత్ర ఎంజీఆర్ జయలలితతో పోల్చడంతో సోషల్ మీడియాలో పెద్ద ఎత్తున చర్చ జరుగుతోంది. సుచిత్రని పిచ్చాసుపత్రిలో చేర్పించండి అంటూ నెటిజన్లు విజయ్ ఫ్యాన్స్ మండిపడుతున్నారు. ఆమె వ్యాఖ్యలపై త్రిష స్పందిస్తుందో లేదా సైలెంట్ గా ఉంటుందో చూడాలి. విజయ్ త్రిష చివరగా లియో చిత్రంలో నటించారు.