- Home
- Entertainment
- Top Heroine: హీరోయిన్లలో ఆమె తోపు.. దరిదాపుల్లో కూడా ఎవరు లేరు.. సోషల్ మీడియాను ఏలుతున్న బ్యూటీ ఎవరు?
Top Heroine: హీరోయిన్లలో ఆమె తోపు.. దరిదాపుల్లో కూడా ఎవరు లేరు.. సోషల్ మీడియాను ఏలుతున్న బ్యూటీ ఎవరు?
Top Heroine: ప్రస్తుతం హీరోయిన్లకు పెద్ద సినిమాలు, సక్సెస్ లు, అభిమానులతో పాటు సోషల్ మీడియా ఫాలోయింగ్ కూడా తప్పనిసరి అయ్యింది. నెట్టింట్లో ఎంత ఫాలోయింగ్ ఉంటే.. ఆమె అంత తోపు హీరోయిన్.. ప్రస్తుతం ఇన్ స్టాలో టాప్ లో ఉన్న తార ఎవరో తెలుసా?
ఇన్ స్టాగ్రామ్ లో టాప్ హీరోయిన్ ఎవరు?
ఫిల్మ్ ఇండస్ట్రీలో హీరోయిన్లకు ఎంత స్టార్ డమ్ ఉన్నా.. సోషల్ మీడియాలో ఫాలోయింగ్ లేకపోతే.. పాపులారిటీని నిలబెట్టుకోలేకపోతున్నారు. నెట్టింట్లో ఎప్పటికప్పుడు తమను తాము నిరూపించుకుంటూ.. ఫాలోవర్స్ లో టాప్ లో ఉంటేనే లైమ్ లైట్ లో ఉంటారు. కొంత హీరోయిన్లు సినిమాల పరంగా అవకాశాలు లేకపోయినా, స్టార్ డమ్ లేకపోయినా.. ఇన్ స్టాలో మాత్రం మహారాణుల్లా వెలిగిపోతున్నారు. ప్రస్తుతం ఇన్ స్టాగ్రామ్ లో టాప్ లో ఉన్న హీరోయిన్ ఎవరు? ఆమె సినిమాలు, ఆస్తులు, ఫాలోవర్ల వివరాలు ఏంటి?
పాన్ ఇండియా స్టార్ గా శ్రద్ధా కపూర్
ఇండియన్ ఫిల్మ్ ఇండస్ట్రీలో తనదైన నటన, అందంతో ఆకట్టుకుంటూ దూసుకుపోతుంది నటి శ్రద్ధా కపూర్. 'ఆషికి 2', 'సాహో', 'స్త్రీ' వంటి వరుస హిట్ చిత్రాలతో పాన్ ఇండియా వ్యాప్తంగా విశేష ఆదరణ సొంతం చేసుకున్న శ్రద్ధా కపూర్, కేవలం నటనలోనే కాకుండా అత్యధిక పారితోషికం అందుకుంటున్న ఇండియన్ హీరోయిన్లలో ఒకరిగా నిలిచారు. ఈ హీరోయిన్ సినిమాలు, స్టార్ డమ్ కంటే సోషల్ మీడియా ఫాలోయింగ్ లో టాప్ అనిపించుకుంటుంది. స్టార్ డమ్ తో వెలిగిపోతున్న ఇతర హీరోయిన్ల కంటే నెట్టింట తానే తోపు అని నిరూపించుకుంది.
సోషల్ మీడియా క్రేజ్ - బ్రాండ్ వాల్యూ
సోషల్ మీడియాలో శ్రద్ధా కపూర్ సాధిస్తున్న పాపులారిటీ ఆమెను ఇతర టాప్ హీరోయిన్ల కంటే ముందు వరుసలో నిలబెట్టింది. ఇన్స్టాగ్రామ్లో 9 కోట్లకు పైగా ఫాలోవర్లతో ప్రియాంక చోప్రా, కత్రీనా కైఫ్ వంటి టాప్ స్టార్ హీరోయిన్లను సైతం వెనక్కి నెట్టి అత్యధికంగా ఫాలోవర్లు కలిగిన సెలబ్రిటీలలో ఒకరిగా నిలిచారు. ఈ క్రేజ్ కారణంగానే ఆమెను పలు ప్రముఖ గ్లోబల్ బ్రాండ్లు తమ బ్రాండ్ అంబాసిడర్గా నియమించుకుంటున్నాయి.
భారీ రెమ్యునరేషన్ - నెట్ వర్త్
సినీ వర్గాల సమాచారం ప్రకారం, శ్రద్ధా కపూర్ ఒక్కో సినిమాకు రూ. 5 కోట్ల నుంచి రూ. 7 కోట్ల వరకు పారితోషికం తీసుకుంటున్నారు. ఇక బ్రాండ్ ఎండార్స్మెంట్లు, మోడలింగ్, పెట్టుబడుల ద్వారా ఆమె ఆదాయం మరింత భారీగా పెరిగింది. మీడియా రిపోర్ట్ ల ప్రకారం, ఆమె నికర ఆస్తి విలువ (Net Worth) ప్రస్తుతం సుమారు రూ. 123 కోట్ల నుంచి రూ. 130 కోట్ల వరకు ఉన్నట్లు అంచనా. ఒక బ్రాండ్ ప్రకటన కోసం ఆమె దాదాపు రూ. 1.6 కోట్లు వసూలు చేస్తున్నట్లు సమాచారం.
లగ్జరీ లైఫ్ స్టైల్.. కార్ కలెక్షన్స్
ముంబైలోని జుహు ప్రాంతంలో సీ ఫేసింగ్ లో ఆమెకు అత్యంత ఖరీదైన ఫ్లాట్ ఉంది. ఆ ఇంటి విలువ 60 కోట్లకు పైనే ఉంటుందని సమాచారం. ఇక శ్రద్దా గ్యారేజ్ లో లంబోర్గిని హురకాన్, ఆడి క్యూ7, మెర్సిడెస్ బెంజ్, బిఎమ్డబ్ల్యూ వంటి లగ్జరీ కార్ల కలెక్షన్ కూడా ఉంది.వరుస హిట్లు సాధిస్తూనే, బ్రాండ్ ఎండార్స్మెంట్లు, వ్యాపార పెట్టుబడులలో విజయవంతంగా రాణిస్తూ సినీ పరిశ్రమలో అత్యంత బలమైన హీరోయిన్ గా వెలిగిపోతోంది శ్రద్దా కపూర్.
