త్రిషకి మెగాస్టార్‌ సపోర్ట్ చేయడంపై క్రేజీ ట్రోల్స్.. ఇదేం అరాచకం రా బాబూ.. తెరవెనుక ఉన్నదెవరు?

మెగాస్టార్‌ చిరంజీవి.. త్రిషపై మన్సూర్‌ అలీ ఖాన్‌ చేసిన కామెంట్లని ఖండిస్తూ పోస్ట్ పెట్టడం విశేషం. అయితే దీంతో ట్రోల్స్ చిరంజీవిని ఆడుకుంటున్నారు. నెట్టింట రచ్చ చేస్తున్నారు.  

త్రిషని ఉద్దేశించి తమిళ నటుడు మన్సూర్‌ అలీ ఖాన్‌ సంచలన వ్యాఖ్యలు చేశారు. `లియో` సినిమాలో త్రిషతో రేప్‌ సీన్‌ ఉంటుందని ఆశించానని, ఆమెను ఎత్తుకుని బెడ్‌ పైకి తీసుకెళ్లే సీన్‌ ఉంటుందని భావించానని, కానీ ఆ సీన్లు లేవని తెలిపారు. అయితే ఈ వ్యాఖ్యలు దుమారం రేపాయి. త్రిషని ఉద్దేశించి ఇలాంటి వ్యాఖ్యలు చేయడం సరికాదంటూ, ఆయన వక్రబుద్ధికి నిదర్శనమని అంతా ఆయన్ని విమర్శించారు. చాలా మంది సెలబ్రిటీలు దీనిపై స్పందించి తీవ్రంగా స్పందించారు. 

చిరంజీవి కూడా మంగళవారం రియాక్ట్ అయ్యారు. త్రిషపై మన్సూర్ అలీ ఖాన్ చేసిన వ్యాఖ్యలు తన దృష్టికి వచ్చాయని, ఇలాంటి అభ్యంతరకరమైన, అసహ్యమైన కామెంట్లని ఎట్టిపరిస్థితుల్లోనూ సమర్థించవద్దని, తాను తీవ్ర స్థాయిలో ఖండిస్తున్నట్టు తెలిపారు. ఇది ఆ ఆర్టిస్ట్ కి మాత్రమే కాదు, మహిళలందరికి కించపరిచినట్టే అవుతుందని, చెబుతూ, తాను త్రిష వైపు నిలబడ్డానని తెలిపారు చిరు. ఈ మేరకు ఆయన `ఎక్స్` ద్వారా పోస్ట్ చేశారు. 

దీంతో ఈ పోస్ట్ వైరల్‌ అవుతుంది. అదే సమయంలో ట్రోల్స్ కూడా అవుతుంది. మన్సూర్‌ అలీ ఖాన్‌ ని అంతగా తిడుతున్నారు, మరి మీరే చేసిందేంటి అంటున్నారు. మీరు ఇలాంటి పనులు చేస్తూ మరొకరికి బుద్ది చెప్పడం ఏంటి అంటూ ప్రశ్నిస్తున్నారు. ఈ మేరకు చిరంజీవి కి సంబంధించిన వీడియో క్లిప్‌లు, ఫోటోలను తోడుతూ రచ్చ చేస్తున్నారు. మెగాస్టార్‌ని ఆడుకుంటున్నారు. 

`ఆచార్య` ప్రెస్‌మీట్‌లో పూజా హెగ్డే విషయంలో చిరంజీవి వ్యవహరించిన విధానాన్ని, అలాగే `భోళాశంకర్‌` చిత్రంలో కీర్తిసురేష్‌తో చిరంజీవి వ్యవహరించిన తీరుని ప్రస్తావనకు తెస్తున్నారు. దీంతోపాటు ఆ మధ్య ఓ లేడీ సింగర్‌ పాడిన పాటకి చిరంజీవి డాన్సు చేశారు. చివర్లో ఆమెని హగ్‌ చేసుకోబోయారు. 

దీనిపై వీటితోపాటు గతంలోని వీడియో క్లిప్పులు, ఫోటోలను ట్యాగ్ చేస్తూ ఇదేం పని మెగాస్టార్ అంటున్నారు. మీరు ఇలా చేసి, మరొకరికి బుద్ది చెప్పడమేంటంటున్నారు. అలాగే మీ తమ్ముడు(పవన్‌ కళ్యాణ్‌ ) విషయంలో రేణు దేశాయ్‌కి ఎందుకు సపోర్ట్ గా నిలవడలేదంటున్నారు. 

అయితే ఈ ట్రోలింగ్‌ వెనకాల.. ఎవరు ఉన్నారనేది ఇప్పుడు హాట్‌ టాపిక్గా మారింది. ఇందులో చాలా వరకు బాలకృష్ణ ఫ్యాన్స్ ఉన్నారని అంటున్నారు. బాలయ్య ఫ్యాన్స్ ట్రోల్స్ చేస్తున్నారని తెలుస్తుంది. దీంతోపాటు వైసీపీ సానుభూతి పరులు కూడా ఉన్నారని చెబుతున్నారు. మొత్తానికి ఇప్పుడు ఎరక్కపోయి చిరంజీవి ఇరుక్కున్నట్టుగా మారిందంటున్నాయి. ట్రోల్స్ పక్కన పెడితే చిరంజీవి స్పందించడంపై హర్షం వ్యక్తం చేస్తున్నారు అభిమానులు. బాస్‌ అంటే బాస్‌ అని, అందుకే మీరు మెగాస్టార్‌ అని ఖితాబివ్వడం విశేషం.