ఆ హీరోయిన్ ని గుండెల్లో పెట్టుకున్న బాలయ్య, చిలిపి చేష్టలు వైరల్.. అడివి శేష్ షాకింగ్ కామెంట్
నందమూరి బాలకృష్ణ హోస్ట్ గా చేస్తున్న 'అన్ స్టాపబుల్' షో సీజన్ 2 ఆల్రెడీ గ్రాండ్ స్టైల్ లో ప్రారంభం అయింది. మూడవ ఎపిసోడ్ నవంబర్ 4న ప్రసారం కానుంది. ఈ ఎపిసోడ్ లో టాలీవుడ్ హ్యాపెనింగ్ హీరోస్ శర్వానంద్, అడివి శేష్ హాజరయ్యారు.
నందమూరి బాలకృష్ణ హోస్ట్ గా చేస్తున్న 'అన్ స్టాపబుల్' షో సీజన్ 2 ఆల్రెడీ గ్రాండ్ స్టైల్ లో ప్రారంభం అయింది. సీజన్ 2 ప్రారంభ ఎపిసోడ్ కి మాజీ సీఎం చంద్రబాబు, నారా లోకేష్ హాజరైన సంగతి తెలిసిందే. ఆ తర్వాత రెండవ ఎపిసోడ్ కి యువ హీరోలు విశ్వక్ సేన్, సిద్దు జొన్నలగడ్డ అతిథులుగా హాజరయ్యారు.
ఇక మూడవ ఎపిసోడ్ నవంబర్ 4న ప్రసారం కానుంది. ఈ ఎపిసోడ్ లో టాలీవుడ్ హ్యాపెనింగ్ హీరోస్ శర్వానంద్, అడివి శేష్ హాజరయ్యారు. తాజాగా ఈ ఎపిసోడ్ కి సంబంధించిన ప్రోమో విడుదలయింది. బాలయ్యతో చాట్ షో కాబట్టి శర్వానంద్, అడివి శేష్ ఎంతో ఉత్సాహంగా ఎంట్రీ ఇచ్చారు.
ఇద్దరు యువ హీరోలు.. బాలయ్య మధ్య ఎంతో సరదాగా కొన్ని అద్భుతమైన ఫన్నీ మూమెంట్స్ తో సంభాషణ జరిగింది. శర్వానంద్, అడివి శేష్ రాగానే బాలయ్యకి సర్ప్రైజింగ్ గిఫ్ట్ తీసుకువచ్చారు. గత ఎపిసోడ్ లో తనకి రష్మిక అంటే క్క్రష్ అని బాలయ్య సరాదాగా చెప్పిన సంగతి తెలిసిందే. దీనిని శర్వానంద్ సీరియస్ గా తీసుకున్నట్లు ఉన్నాడు.
శర్వానంద్ తన ఫోన్ ని బాలయ్యకి ఇచ్చాడు. అందులో వీడియోలో కాల్ లో రష్మిక ఉంది. దీనితో బాలయ్య కూడా ఆశ్చర్యపోయాడు. వెంటనే ఆ ఫోన్ ని బాలయ్య తన హృదయంలో దాచుకున్నట్లు పాకెట్ లో పెట్టుకున్నాడు. అలా బాలయ్య రష్మికపై తన చిలిపి కోరిక బయట పెట్టుకున్నాడు.
ఇక బాలయ్య వరుస ప్రశ్నలతో అడివి శేష్, శర్వానంద్ లని ముప్పతిప్పలు పెట్టారు. నేను చిరంజీవి, వెంకటేష్, నాగార్జున లలో ఎవరు యాక్టింగ్ లో బెస్ట్ అని అడిగారు. దీనితో శర్వానంద్ మహాప్రభో అంటూ బాలయ్యకి దండం పెట్టేశాడు. పెళ్లి ప్రస్తావన రాగానే.. ఇండస్ట్రీలో పెళ్లి చేసుకోవాల్సిన వారు శర్వానంద్, ప్రభాస్ ఇలా చాలా మంది ఉన్నారు. కాబట్టి నా పెళ్ళికి తొందర లేదు అని అడివి శేష్ చెప్పాడు.
ఈ హీరోయిన్ తో మాత్రం కిస్సు వద్దురా బాబు అని ఎవరిని చూస్తే అనిపిస్తుంది. అని బాలయ్య అడగగా.. వెంటనే అడివి శేష్ పూజా హెగ్డే పేరు చెప్పి సంచలన వ్యాఖ్యలు చేశాడు. దీనితో అంతా ఆశ్చర్యపోయారు. అసలు పూజా హెగ్డే గురించి అడివి శేష్ ఎందుకు అలా చెప్పాడో ఫుల్ ఎపిసోడ్ చూసే తెలుసుకోవాలి. ప్రస్తుతం ఈ ప్రోమో సోషల్ మీడియాలో వైరల్ గా మారింది.