Rip Jamuna: ఆ స్టార్ హీరోని ప్రేమించిన జమున... ఎస్వీర్ హెచ్చరించడంతో బ్రేకప్!

ఎన్టీఆర్,ఏఎన్నార్ శకం మొదలయ్యాక స్టార్ హీరోయిన్స్ గా వెలిగిపోయారు సావిత్రి, జమున. సావిత్రి టాప్ యాక్ట్రెస్ గా ఎవరికీ అందనంత ఎత్తులో ఉండేవారు. ఆమె తర్వాతి స్థానం జమునదే. ఆ రోజుల్లో హీరోయిన్స్ అంటే పట్టుమని పది మంది ఉండేవాళ్లు. వాళ్ళతోనే హీరోలు రిపీటెడ్ గా సినిమాలు చేసేవారు.

సావిత్రి మాదిరి జమున కూడా చేతి నిండా సినిమాలతో ఫుల్ బిజీగా ఉండేవారు. స్టేజ్ ఆర్టిస్ట్ అయిన జమున అన్ని రకాల పార్శ్వాలు చక్కగా పండించేవారు. చిత్ర పరిశ్రమకు రావడంలో సావిత్రి పాత్ర ఎంతగానో ఉంది. అందుకే సావిత్రి అంటే అమితమైన అభిమానం కలిగి ఉండేవారు జమున. సావిత్రిని అక్క అని జమున ఆప్యాయంగా పిలిచేవారట. సావిత్రి లైఫ్ లోని ప్రతి కోణం జమునకు తెలుసట. 

కాగా జమున ఓ హీరోని ప్రేమించారనే పుకారు ఆ రోజుల్లో పెద్ద ఎత్తున జరిగింది. ఆయనెవరో కాదు హరనాథ్. ఈయన అప్పట్లో రొమాంటిక్ హీరోగా వెలుగొందారు. పౌరాణిక పాత్రలకు కూడా చక్కగా సరిపోయేవాడు. మంచి నటుడు అలాగే అందగాడు కావడంతో హరనాథ్ ని హరనాథ్ ప్రేమించారట.

ఈ విషయం పరిశ్రమలో చక్కర్లు కొడుతుండగా ఎస్వీ రంగారావు జమునను హెచ్చరించారట. హరనాథ్ పేరు ఎత్తకుండా... ఓ కుర్ర హీరోకి దగ్గరయ్యావని అందరూ అనుకుంటున్నారు. అది నా చెవిన కూడా పడింది. అతడు ఎన్టీఆర్ అంతటివాడు అవుతాడని అనుకుంటున్నారు. కానీ నాలా తాగుబోతు అవుతాడు. జాగ్రత్త అని హితబోధ చేశాడట. 
 

అప్పటి నుండి జాగ్రత్త పడ్డ జమున హరనాథ్ ని దూరం పెట్టారట. ఎస్వీర్ చెప్పినట్లే తాగుడుకు బానిసైన హరనాథ్ చిన్న వయసులోనే కన్నుమూశారు. కెరీర్లో కూడా ఆయన ఎదగలేకపోయారు. మరోవైపు జమున అతిపెద్ద స్టార్ గా అవతరించి వందల చిత్రాల్లో నటించారు. 
 

జమున 1965లో జూలూరి రమణారావు అనే వ్యక్తిని వివాహం చేసుకున్నారు. ఆయన శ్రీ వెంకటేశ్వర యూనివర్సిటీ ప్రొఫెసర్. వీరికి ఇద్దరు సంతానం. అబ్బాయి పేరు వంశీ జూలూరి. అమ్మాయి పేరు స్రవంతి. 

86 ఏళ్ల వెండితెర సత్యభామ తన సినిమాల జ్ఞాపకాలు తెలుగు ప్రేక్షకులకు వదిలి వినీలాకాశంలోకి ఎగిరిపోయారు. నేడు ఆమె కన్నుమూశారు. 14 ఏళ్లకే హీరోయిన్ గా మారిన జమున సుదీర్థ కాలం సేవలు అందించారు.