సీక్రెట్‌ ఏజెంట్స్ః చిరు, మహేష్‌, శోభన్‌బాబు, కృష్ణ, బాలయ్య, నాగ్‌, ఎన్టీఆర్‌, అఖిల్‌, కళ్యాణ్‌ రామ్‌..
కృష్ణ, శోభన్‌బాబు, రాజశేఖర్‌, చిరు, మహేష్‌, కమల్‌, బాలయ్య, అడవి శేష్‌, గోపీచంద్‌, నాగార్జున, ఎన్టీఆర్‌, కమల్‌ హాసన్‌ వంటి హీరోలు ఏజెంట్లుగా ఆడియెన్స్ ని అబ్బురపరిచయారు. ఇప్పుడు కళ్యాణ్‌ రామ్‌, అఖిల్‌ ఏజెంట్లుగా రాబోతున్నారు.
కళ్యాణ్‌ రామ్‌ తన పుట్టిన రోజు సందర్భంగా సోమవారం తన కొత్త సినిమాలను ప్రకటించాడు. అందులో `డెవిల్‌` పేరుతో ప్రకటించిన చిత్రంలో ఏజెంట్‌గా నటిస్తున్నట్టు తెలిపారు. బ్రిటీష్‌ సీక్రెట్‌ ఏజెంట్‌ అని పేర్కొన్నారు. స్వాతంత్రానికి పూర్తం స్వాతంత్రోద్యమ సమయంలో బ్రిటీష్‌ ఏజెంట్‌గా వ్యవహరించిన ఇండియన్‌ పాత్రలో కళ్యాణ్‌ రామ్‌ నటించబోతున్నారు. నవీన్‌ మేడారం దీనికి దర్శకత్వం వహిస్తున్నారు. ఈ సందర్భంగా విడుదల చేసిన ఫస్ట్ లుక్ గూస్‌బమ్స్ తెప్పిస్తుంది.
దీంతోపాటు ప్రస్తుతం అఖిల్‌ అక్కినేని కూడా ఏజెంట్‌గా నటిస్తున్నారు. `ఏజెంట్‌` పేరుతోనూ సురేందర్‌రెడ్డి దర్శకత్వంలో ఓ సినిమా చేస్తున్నాడు. దీనికి సంబందించిన ఫస్ట్ లుక్ ని ఇప్పటికే విడుదల చేయగా, అది కూడా సినిమాపై అంచనాలను పెంచుతుంది. జేమ్స్ బాండ్‌ తరహాలో అఖిల్‌ పాత్ర ఉంటుందట.
గతంలో వచ్చిన సినిమాల్లో నాగార్జున ఇటీవల సక్సెస్‌ అందుకున్న `వైల్డ్ డాగ్‌`లోనూ `రా` ఏజెంట్‌గానటించారు. ఇది థియేటర్‌లో ఆదరణ పొందలేదు.కానీ ఓటీటీలో సక్సెస్‌ సాధించింది.
రెండేళ్ల క్రితం తిరు దర్శకత్వంలో రూపొందిన `చాణక్య` చిత్రంలోనూ గోపీచంద్‌ రా ఏజెంట్‌గా నటించారు. కానీ ఇది ఆశించిన స్థాయిలో ఆదరణపొందలేదు.
అడవి శేష్‌ నటించిన `గూఢచారి` చిత్రంలో ఆయన పాత్ర రా ఏజెంట్‌ కావడం విశేషం. ఈసినిమా బ్లాక్‌ బస్టర్‌గా నిలిచింది.
యూనివర్సల్‌ నటుడు కమల్‌హాసన్‌ సైతం `విశ్వరూపం` చిత్రంలో రా ఏజెంట్‌గా నటించాడు. తెలుగు,తమిళంలో రూపొందిన ఈ చిత్రానికి సంబంధించి మొదటి భాగం సక్సెస్‌ సాధించింది. రెండో భాగం ఆశించిన స్థాయిలో ఆదరణ పొందలేదు.
ఏ. ఆర్‌మురుగదాస్‌ దర్శకత్వంలో తెరకెక్కిన బైలింగ్వల్‌ చిత్రం `స్పైడర్‌`లో మహేష్‌ రా ఏజెంట్‌గానే, సీక్రెట్‌ ఏజెంట్‌పాత్రలో నటించాడు. ఇది ఫ్లాప్‌గా నిలిచింది.
పూరీజగన్నాథ్‌ దర్శకత్వంలో తెరకెక్కిన `పైసా వసూల్‌`లో బాలకృష్ణ రా ఏజెంట్‌గానే కనిపిస్తారు. ఈ చిత్రం కూడా సక్సెస్‌ కాలేదు.
రాజశేఖర్‌ `పీఎస్‌వీ గరుడవేగ`తో వరుప ఫ్లాప్‌ల నుంచి కోలుకున్నారు. అదిరిపోయే విజయాన్ని అందుకున్నారు. ఇందులో ఆయన రా ఏజెంట్‌ పాత్రే కావడం విశేషం. ప్రవీణ్‌ సత్తారు దర్శకుడు.
యంగ్‌ టైగర్‌ ఎన్టీఆర్‌ `కంత్రి`చిత్రంలో రా ఏజెంట్‌గా కనిపించారు. ఈ సినిమా కూడా పోయింది. దీనికి మెహర్‌ రమేష్‌ దర్శకత్వం వహించారు.
చిరంజీవి `గూఢచారి నెం.1` సినిమాలో సీక్రెట్‌ ఏజెంట్‌గా నటించారు.
దీంతోపాటు `రుద్రనేత్ర` సినిమాలోనూ రా ఏజెంట్‌గా కనిపించారు చిరు. ఈ సినిమాలు యావరేజ్‌గానిలిచాయి.
సోగ్గాడు శోభన్‌బాబు `జగత్‌ జెట్టీలు`, `ఖిలాడీబుల్లోడు`చిత్రాలో సీక్రెట్‌ ఏజెంట్లుగా నటించి ఆకట్టుకున్నారు.
సూపర్‌స్టార్‌ కృష్ణ `గూఢచారి 116`, `గూఢచారి117` చిత్రాల్లో సీక్రెట్‌ ఏజెంట్‌గా, జేమ్స్ బాండ్‌ తరహాపాత్రల్లో నటించి విజయాలను అందుకున్నారు.
గతంలో వచ్చిన సినిమాల్లో కొన్ని మాత్రమే సక్సెస్‌ సాధించాయి. మరి ఇప్పుడు తెరకెక్కుతున్న సినిమాలు ఏ రేంజ్‌లో ఆకట్టుకుంటాయో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
