కట్టప్పకి దేవుడిపై నమ్మకం లేదు, అందుకే భార్య కోమాలో..నెటిజన్లకి సత్యరాజ్ ఎలా సమాధానం ఇచ్చారో తెలుసా

నటుడు సత్యరాజ్ భార్య కోమాలో ఉండటంపై వస్తున్న విమర్శలకు ఆయన చమత్కారంగా కౌంటర్ ఇచ్చారు.

సత్యరాజ్ భార్య

హీరో, విలన్, క్యారెక్టర్ ఆర్టిస్ట్.. ఏ పాత్ర ఇచ్చినా అందులో ఒదిగిపోయి ప్రశంసలు అందుకునే నటుడు సత్యరాజ్. 1979లో మహేశ్వరిని వివాహం చేసుకున్న సత్యరాజ్‌కి సిబిరాజ్ అనే కొడుకు, దివ్య అనే కూతురు ఉన్నారు. సిబిరాజ్ తండ్రిలాగే సినిమాల్లో హీరోగా రాణిస్తున్నారు. సినిమాలకు దూరంగా ఉంటున్న సత్యరాజ్ కూతురు దివ్య న్యూట్రిషనిస్ట్‌గా పనిచేస్తున్నారు.

సత్యరాజ్

కొన్ని వారాల క్రితం సత్యరాజ్ కూతురు దివ్య తన తల్లి గురించి భావోద్వేగ పోస్ట్ పెట్టారు. సత్యరాజ్ భార్య మహేశ్వరి నాలుగేళ్లుగా కోమాలో ఉన్నారని, తన తండ్రి ఒంటరిగా తమ బాధ్యతలు చూసుకుంటున్నారని ఆమె తెలిపారు. ఈ విషయం తెలిసిన చాలామంది సత్యరాజ్‌కి సానుభూతి తెలియజేస్తుంటే, కొందరు నెగటివ్ కామెంట్స్ చేస్తున్నారు.

కోమాలో సత్యరాజ్ భార్య

సత్యరాజ్‌కి దేవుడి మీద నమ్మకం లేదు. పెరియార్ అనుచరుడు కావడంతో, ఆయన దేవుడిని తిట్టడం వల్లే ఆయన భార్య కోమాలోకి వెళ్లారని కొందరు కామెంట్స్ చేశారు. ఇటీవల జీబ్రా సినిమా ప్రమోషన్‌లో పాల్గొన్న సత్యరాజ్‌ని యాంకర్ ఈ విషయం అడిగారు. దానికి సత్యరాజ్ చమత్కారంగా సమాధానం ఇచ్చారు.

సత్యరాజ్ కౌంటర్

“దేవుణ్ణి కొలిచేవాళ్ల ఇంట్లో ఎవరూ చావరా? పిచ్చివాళ్లా మాట్లాడుతున్నారు. దేవుణ్ణి కొలవడానికి, దీనికి సంబంధం లేదు. దేవుణ్ణి కొలిచేవాళ్ల ఇంట్లో ఎవరికీ జబ్బులు చేయవా? జ్వరం రాదా? తలనొప్పి రాదా? యాక్సిడెంట్లు జరగవా? ఆత్మహత్యలు చేసుకోరా? కుటుంబంతో ఆలయానికి వెళ్లేవాళ్ల వ్యాన్‌లు బోల్తా కొట్టవా? ఇలాంటివి మాట్లాడేవాళ్లు మాట్లాడుతూనే ఉంటారు. వాటిని పట్టించుకోకూడదు” అని సత్యరాజ్ అన్నారు.