సంజయ్ దత్ సినిమాకి 4 రీమేక్‌లు, 3 సౌత్‌లోనే.. తెలుగులో హిట్టా? ఫట్టా?
బాలీవుడ్ మున్నాభాయ్‌ సంజయ్ దత్ నటించిన సినిమా సౌత్‌లో నాలుగుసార్లు రీమేక్ అయ్యింది. అయితే మూడు భాషల్లో అది సక్సెస్‌ కావడం విశేషం. మరి ఆ మూవీ ఏంటో తెలుసా?
- FB
- TW
- Linkdin
Follow Us
మున్నా భాయ్ MBBS సినిమా విజయం
2003లో విడుదలైన సంజయ్ దత్ 'మున్నా భాయ్ MBBS' సినిమా బాక్సాఫీస్ దగ్గర సంచలనం సృష్టించింది. ప్రేక్షకులను ఈ సినిమా బాగా ఆకట్టుకుంది. రాజ్‌కుమార్ హిరానీ దర్శకత్వంలో వినోద్ చోప్రా ఫిల్మ్స్ పతాకంపై ఈ సినిమా నిర్మితమైంది.
మున్నా భాయ్ MBBS బాక్సాఫీస్ కలెక్షన్స్
10 కోట్ల బడ్జెట్‌తో నిర్మించిన 'మున్నా భాయ్ MBBS' సినిమా 33 కోట్లు వసూలు చేసింది. సంజయ్ దత్, గ్రేసీ సింగ్, బోమన్ ఇరానీ ప్రధాన పాత్రలు పోషించారు. ఈ సినిమాకి సౌత్‌లో 3 రీమేక్‌లు వచ్చాయి.
శంకర్ దాదా MBBS సినిమా వివరాలు
2004లో 'మున్నా భాయ్ MBBS' సినిమా 'శంకర్ దాదా MBBS' పేరుతో తెలుగులో రీమేక్ అయ్యింది. చిరంజీవి, సోనాలి బెంద్రె నటించిన ఈ సినిమా హిట్ అయ్యింది. దీనికి జయంత్‌ సీ పరాంజీ దర్శకుడు.
వసూల్ రాజా MBBS సినిమా వివరాలు
2004లోనే 'మున్నా భాయ్ MBBS' సినిమా 'వసూల్ రాజా MBBS' పేరుతో తమిళంలో రీమేక్ అయ్యింది. కమల్ హాసన్, స్నేహ, ప్రకాష్ రాజ్ నటించిన ఈ సినిమా కూడా హిట్ అయ్యింది. శరణ్‌ దీనికి దర్శకుడు.
ఉప్పి దాదా MBBS సినిమా వివరాలు
2007లో 'ఉప్పి దాదా MBBS' పేరుతో కన్నడలో రీమేక్ అయ్యింది. ఉపేంద్ర, ఉమా, అనంత్ నాగ్ నటించిన ఈ సినిమా పెద్దగా ఆడలేదు.
డాక్టర్ నవారియా సినిమా వివరాలు
2017లో శ్రీలంకలో 'డాక్టర్ నవారియా' పేరుతో సింహళ భాషలో రీమేక్ అయ్యింది. అక్కడ మాత్రం ఈ సినిమా హిట్ నిలవడం విశేషం.
`లగే రహో మున్నా భాయ్` సినిమా
'మున్నా భాయ్ MBBS' సినిమాకి 'లగే రహో మున్నా భాయ్' పేరుతో 2006లో సీక్వెల్ వచ్చింది. సంజయ్ దత్‌తోపాటు విద్యా బాలన్, అర్షద్ వార్సీ నటించిన ఈ సినిమా బ్లాక్‌బస్టర్ హిట్ అయ్యింది. ఈ మూవీ తెలుగులో చిరంజీవి హీరోగా `శంకర్ దాదా జిందాబాద్‌` పేరుతో రీమేక్ అయ్యింది. యావరేజ్‌గానే ఆడింది.