వెండితెర ఉత్తమ భార్యలు... ఇలాంటి అమ్మాయిలు భార్యలుగా వస్తే పండగే!
వెండి తెరపై హీరోయిన్స్ చూసి మనసు పారేసుకోవడం సాధారణంగా జరిగే విషయమే. హీరోయిన్స్ అందం, అభినయం చూశాక వాళ్ళు అలా మన మనసులో ఉండిపోతారు. ఇక ఈ మధ్య కాలంలో వచ్చిన కొన్ని భార్య పాత్రలు వెండితెరపై అద్భుతం చేశాయి. మనకు ఇలాంటి భార్య దొరికితే బాగుండు, అనే భావన కలిగించారు కొందరు హీరోయిన్స్. అలాంటి నలుగురు వెండితెర ఉత్తమ భార్య పాత్రలు చేసిన హీరోయిన్స్ ఎవరో చూద్దాం .
2019లో విడుదలైన బెస్ట్ మూవీస్ లో మజిలీ ఒకటి. భగ్న ప్రేమికుడు నాగ చైతన్యను పెళ్లి చేసుకున్న భార్య శ్రావణిగా సమంత నటించారు. ఎప్పటికైనా మారతాడు, తన మనసు అర్థం చేసుకుంటాడని సహనంగా ఎదురు చూసే ఇల్లాలిగా, భర్త ఎలా ఉన్నా, ప్రేమించే భార్యగా సమంత అద్భుతంగా నటించారు. మజిలీ సినిమాలో సమంతను చూస్తే మనకు ఇలాంటి సహనం కలిగిన భార్య కావాలి అనిపిస్తుంది.
క్రాక్ మూవీతో హిట్ ట్రాక్ ఎక్కాడు మాస్ మహరాజ్ రవితేజ. క్రాక్ మూవీలో పోలీస్ ఆఫీసర్ వీర శంకర్ గా రవితేజ కనిపించగా, ఆయన భార్య పాత్ర చేసింది శృతి హాసన్. ఓ బిడ్డకు తల్లిగా గృహిణి పాత్ర మొదటిసారి చేశారు శృతి హాసన్. పెళ్ళై, పిల్లలు ఉన్నా అనుకున్న లక్ష్యాలను సాధించవచ్చని నిరూపించే భార్యగా శ్రుతి హాసన్ కనిపించగా, ప్రేక్షకుల మనసులు దోచేశారు.
నాని నటించిన చిత్రాలలో జెర్సీ బెస్ట్ మూవీగా నిలిచిపోతుంది. ఈ మూవీలో ఉద్యోగం లేక ప్రతి అవసరానికి భార్యపై ఆధారపడే భర్తగా నాని పాత్ర ఉంటుంది. జెర్సీ చిత్రంలో నాని భార్య పాత్ర చేసింది శ్రద్దా శ్రీనాధ్. భర్తకు సంపాదన లేదన్న అసహనం ఉన్నప్పటికీ, కుటుంబాన్ని పోషిస్తూ, భర్తను, కొడుకును ప్రేమించే భార్యగా శ్రద్దా శ్రీనాధ్ నటించడం జరిగింది. జెర్సీ మూవీలో శ్రద్దా శ్రీనాధ్ రోల్ చాలా బాగుంటుంది.
సూర్య లేటెస్ట్ మూవీ సురారై పోట్రు, తెలుగులో ఆకాశం నీహద్దురా టైటిల్ తో విడుదలైన ఈ మూవీ భారీ విజయాన్ని అందుకుంది. కాగా ఈ చిత్రంలో సూర్య భార్య పాత్ర చేశారు అపర్ణ బాలమురళి. మధ్య తరగతి ఇల్లాలి పాత్రలో అపర్ణ ఒదిగిపోయారు. విమాన సంస్థను స్థాపించాలని కలలు కనే భర్తకు సపోర్ట్ ఇచ్చే ఇల్లాలిగా ఆమె అద్భుతంగా నటించారు.