ఇట్స్ ఫ్యాషన్ బేబీ అంటూ క్రేజీ ఫోటోస్ షేర్ చేసిన సమంత.. తమన్నా, రుహాని రియాక్షన్ వైరల్

ఖుషి తర్వాత సమంత నుంచి మరో మూవీ లేదు. సామ్ కంబ్యాక్ కోసం ఫ్యాన్స్ అంతా ఎదురుచూస్తున్నారు.

ఖుషి తర్వాత సమంత నుంచి మరో మూవీ లేదు. సామ్ కంబ్యాక్ కోసం ఫ్యాన్స్ అంతా ఎదురుచూస్తున్నారు. ఏమాయ చేసావో చిత్రతో ఎంట్రీ ఇచ్చిన సమంత ఇప్పుడు ఇండియా మొత్తం క్రేజ్ ఉన్న నటి. 

ఏడాది కాలంగా సమంత మయోసైటిస్ వ్యాధితో పోరాటం చేస్తున్న సంగతి తెలిసిందే. మయోసైటిస్ కారణంగా సమంత పూర్తిస్థాయిలో సినిమాలకు సమయం కేటాయించలేక పోతోంది.  దీనితో సమంత నెక్స్ట్ ప్రాజెక్ట్ ఏంటి అనేది క్లారిటీ లేదు. 

అయితే ఇటీవల ఎక్కువగా ఆధ్యాత్మిక ప్రాంతాల్లో సందర్శిస్తూ యోగ, పూజలు చేస్తోంది. తన ఆరోగ్యం కుదుటపడడం కోసం సమంత చేయని ప్రయత్నం అంటూ లేదు. మెడికల్, యోగ, ఫిట్ నెస్ ట్రైనింగ్ ఇలా సమంత అన్ని రకాలుగా తిరిగి పంజుకునేందుకు ప్రయత్నిస్తోంది.   

సమంత ప్రస్తుతం సిటాడెల్ వెబ్ సిరీస్ లో నటించాల్సి ఉంది. తెలుగులో ఆమె ఎలాంటి చిత్రానికి సైన్ చేయలేదు. ఖుషి తర్వాత సామ్ ని వెండి తెరపై చూడాలని ఫ్యాన్స్ ఎదురుచూస్తున్నారు. 

సమంత ఆఫ్ స్క్రీన్ అయినా ఆన్ స్క్రీన్ అయినా ఆమె ఫ్యాషన్ ఐకాన్. సమంతని ఇంస్టాగ్రామ్ లో 34 మిలియన్ల మంది ఫాలో అవుతున్నారు అంటే ఆమె క్రేజ్ అర్థం చేసుకోవచ్చు. 

సమంత చేసే ఫోటో షూట్స్ ఎప్పటికప్పుడు అభిమానులని ఆశ్చర్యానికి గురి చేస్తూనే ఉంటాయి. తాజాగా స్టన్నింగ్ అనిపించేలా సమంత బ్లాక్ బ్లేజర్ ధరించి ఫోజులు ఇచ్చింది. 

ఈ ఫోజుల్లో సమంత కాస్త గ్లామర్ డోస్ పెంచి ఫోటో షూట్ చేసింది. ఈ ఫొటోలకి సమంత ఇట్స్ ఫ్యాషన్ బేబీ అంటూ కామెంట్ పెట్టింది. సమంత ఫోటో షూట్ కి ఫ్యాన్స్ మాత్రమే కాదు.. తమన్నా, రుహాని శర్మ లాంటి సెలెబ్రిటీలు కూడా ఫిదా అవుతున్నారు. తమన్నా, రుహాని శర్మ ఫైరీ ఎమోజీలతో సమంత ఫొటోస్ కి కామెంట్ పెట్టారు.