సమంత టాలీవుడ్ లో తన గురువుగా భావించే స్టార్ హీరో ఎవరో తెలుసా.. ఆయనే ఎందుకంటే..

సమంత సినిమాల పరంగా తిరుగులేని స్టార్ హీరోయిన్. టాలీవుడ్ లో అయితే ఆమె చాలా మంది స్టార్ హీరోలతో కలసి నటించింది. సమంత మహేష్ బాబు, పవన్ కళ్యాణ్, ఎన్టీఆర్, రాంచరణ్, అల్లు అర్జున్ లాంటి స్టార్ హీరోలతో నటించింది. ఎన్నో సూపర్ హిట్ చిత్రాలు తన ఖాతాలో వేసుకుంది. ఈ క్రమంలో నాగ చైతన్యతో ప్రేమలోపడి పెళ్లి చేసుకుంది. వాళ్లిద్దరూ మూడేళ్ళ తర్వాత విడిపోయారు. 

ఇది పక్కన పెడితే సమంత ఇప్పటికీ క్రేజీ హీరోయిన్ గా దూసుకుపోతోంది. సమంత తన కెరీర్ లో అందుకున్న బిగ్గెస్ట్ హిట్స్ లో దూకుడు, అత్తారింటికి దారేది, రంగస్థలం లాంటి చిత్రాలు ఉన్నాయి.  పవన్ కళ్యాణ్ తో నటించిన అత్తారింటికి దారేది చిత్రం ఇండస్ట్రీ హిట్ గా నిలిచింది. ఈ చిత్రంలో పవన్ తో మంచి సాన్నిహిత్యం ఏర్పడిందట. షూటింగ్ మొత్తం చాలా సరదాగా సాగింది అని సమంత ఓ ఇంటర్వ్యూలో తెలిపింది. 

ఈ చిత్ర షూటింగ్ సమయంలో ఒక పిక్ వైరల్ అయింది. అదేంటంటే .. సమంత భక్తురాలిగా కూర్చుని దండం పెడుతోంది. ఆమెని పవన్ కళ్యాణ్ ఫన్నీగా ఆశీర్వదిస్తున్నారు. ఈ ఫోటోపై సమంత సరదాగా స్పందించింది. ఫోటో చూడగానే నవ్వేసింది. నవ్వుతూ ఆయన నా గురువు గారు అని చెప్పింది. యాంకర్ ఎందుకు అలా అని అడిగారు. 

స్విట్జర్లాండ్ లో షూటింగ్ జరుగుతున్నప్పుడు సరదాగా తీసిన ఫోటో అది అని సమంత పేర్కొంది. పవన్ కళ్యాణ్ గారు యాక్టర్ కాకపోయి ఉంటే నాకు గురువుగా ఉండమని కోరేదాన్ని అంటూ సమంత తెలిపింది. ఆయన ఎవరినైనా తిట్టాలంటే కూడా చాలా మర్యాదగా తిడతారు అంటూ సమంత ఫన్నీగా చెప్పింది. 

స్విట్జర్లాండ్ లో షూటింగ్ లొకేషన్ లో కుర్చీలు లేవు. దీనితో నేను పక్కన కూర్చున్నాను. ఆయన అక్కడికి వచ్చి నిలబడ్డారు. వెంటనే దేవుడా అంటూ నమస్కారం చేశా. ఆయన కూడా ఫన్నీగా దేవుడిలాగా ఫోజు ఇచ్చారు అంటూ సమంత పేర్కొంది.