యంగ్ హీరోయిన్ జీవితం నిలబెట్టిన సమంత.. ఆమె కన్నీటి కష్టాలు వింటే, షాకింగ్ డీటెయిల్స్

నాగ చైతన్యతో విడాకుల తర్వాత సమంత ఎక్కువగా వార్తల్లో నిలిచింది. విడాకుల బాధని దిగమింగుతూ సమంత తిరిగి నార్మల్ కావడానికి ప్రయత్నిస్తోంది. తన వర్క్ పై ఫోకస్ పెడుతోంది. చైతన్యతో విడాకుల వ్యవహారంలో సమంత ఎన్నో నిందలు, ఆరోపణలు ఎదుర్కొంది. కొన్ని యూట్యూబ్ ఛానల్స్ తన వ్యక్తిగత జీవితం గురించి శృతిమించేలా అసత్య కథనాలు ప్రచారం చేయడంతో సమంత కోర్టుకెక్కి వాళ్ళ నోర్లు మూయించింది. 

తన వ్యక్తిగత జీవితంలో జరిగిన మానసిక వేదన నుంచి Samantha ఇప్పుడిప్పుడే బయట పడుతోంది. తన స్నేహితులతో కలసి తీర్థయాత్రలకు, వెకేషన్స్ కి వెళుతోంది. అలాగే కొత్త ప్రాజెక్ట్స్ పై ఫోకస్ పెడుతోంది. ఇక సమంత సేవా కార్యక్రమాలు, గొప్పమనసు గురించి చాలా మందికి తెలుసు. ప్రత్యూష పౌండేషన్ ప్రారంభించిన సమంత ఎందరో చిన్న పిల్లలకు ఉచితంగా వైద్యం అందిస్తోంది. 

తాజాగా సమంత గొప్ప వ్యక్తిత్వాన్ని తెలియజేసే సంఘటన వెలుగులోకి వచ్చింది. టాలీవుడ్ లో యంగ్ బ్యూటీ Tejaswi madivada నటిగా మంచి గుర్తింపు సొంతం చేసుకుంది. తాజాగా తేజస్వి సమంతది ఎంత గొప్ప హృదయమో తెలియజేసింది. తేజస్వి క్యారెక్టర్ ఆర్టిస్ట్ గా కెరీర్ ప్రారంభించింది. అయితే అందరిలాగే తాను కూడా ఆరంభంలో ఆర్థిక ఇబ్బందులు ఎదుర్కొన్నట్లు తేజస్వి తెలిపింది. 

మొదట్లో చిన్న రోల్స్ చేయడంతో ఆ డబ్బు కేవలం తన ఖర్చులకు మాత్రమే సరిపోయేవి అని తేజస్వి తెలిపింది. సేవింగ్స్ చేసుకునే వీలు లేదట. దీనితో ఏదైనా పెద్ద అవసరం వచ్చినప్పుడు చాలా ఇబ్బంది పడేదాన్ని. తేజస్వి తల్లి చిన్నతనంలోనే మరణించింది. తండ్రి తాగుడుకు బానిస అయ్యాడట. దీనితో చిన్నతనంలోనేతేజస్వి ఫ్యామిలీకి ఆర్థిక ఇబ్బందులు ఉండేవి. 

సీతమ్మ వాకిట్లో సిరిమల్లె చెట్టు సమయంలో తనకు పెద్ద కష్టమే వచ్చినట్లు తేజస్వి చెప్పుకొచ్చింది. ఆ టైంలో ఆమెకు టీబీ సోకిందట. దీనితో వైద్యులు ఆపరేషన్ చేయించుకోవాలని సూచించారు. కానీ అంత డబ్బు లేదు. దీనితో తేజస్వి గురించి సమంత తెలుసుకుందట. తేజస్విని ఆదుకోవడానికి ముందుకువచ్చిన సమంత పూర్తిగా వైద్యం ఖర్చు మొత్తం తానే భరించినట్లు తేజస్వి తెలిపింది. సమంత అంతటి గొప్ప హృదయం ఉన్న వ్యక్తి అని తేజస్వి ప్రశంసలు కురిపించింది. అలా సమంత.. తేజస్వికి ఆపరేషన్ చేయించి ఆమె జీవితం నిలబెట్టింది. 

ఈ సంఘటన తాజాగా వెలుగులోకి రావడంతో అభిమానులు సమంతపై ప్రశంసల వర్షం కురిపిస్తున్నారు. సమంత ప్రస్తుతం శాకుంతలం చిత్రంలో గుణశేఖర్ దర్శకత్వంలో నటిస్తోంది. పౌరాణిక గాధతో తెరకెక్కుతున్న ఈ చిత్రంలో ఇప్పటికే సమంత రోల్ షూటింగ్ పూర్తయింది. అలాగే డ్రీమ్ వారియర్స్ పిక్చర్స్ బ్యానర్ లో ఓ చిత్రానికి సైన్ చేసింది. ఇక తేజస్వి పలు చిత్రాల్లో క్యారెక్టర్ రోల్స్ చేస్తూ.. సోషల్ మీడియాలో బోల్డ్ ఫోజులతో దూసుకుపోతోంది. Also Read: రత్తాలు కిరాక్ హాట్ షో.. క్లీవేజ్ అందాలతో కేక పెట్టిస్తున్న రాయ్ లక్ష్మి