రాంచరణ్ బర్త్ డే సందర్భంగా తిరకాసు పెట్టేసిన సమంత.. ఇలా అనేసిందేంటి..

గ్లోబల్ స్టార్ రాంచరణ్ జన్మదిన వేడుకలు బుధవారం రోజు ఘనంగా జరిగాయి. సినీ రాజకీయ ప్రముఖులంతా రాంచరణ్ కి బర్త్ డే సందర్భంగా శుభాకాంక్షలు తెలిపారు. రాంచరణ్ కోస్టార్స్, ఇతర నటీనటులు చరణ్ కి బర్త్ డే విషెస్ తెలిపారు. రాంచరణ్ తన పుట్టినరోజు సందర్భంగా ఫ్యామిలీతో తిరుమలకి వెళ్లి శ్రీవారిని దర్శించుకున్నారు. 

అయితే కొందరు సెలెబ్రిటీలు తెలిపే విషెస్ స్పెషల్ గా మిగిలిపోతుంటాయి. స్టార్ బ్యూటీ సమంత రాంచరణ్ కి క్రేజీగా బర్త్ డే విషెస్ తెలిపింది. అయితే సమంత చరణ్ కి శుభాకాంక్షలు తెలుపుతూ ఫ్యాన్స్ మధ్య చిన్న తిరకాసు పెట్టేసింది. 

సమంత పోస్ట్ చేస్తూ.. హ్యాపీ బర్త్ డే తో ఓజి ( ఒరిజినల్ గ్యాంగ్ స్టర్) రాంచరణ్. నీలా ఉండడం ఎవ్వరికి సాధ్యం కాదు అంటూ పోస్ట్ చేసింది. ఈ పోస్ట్ లో రాంచరణ్ సూపర్ స్టైలిష్ సూట్ లో ఉన్న పిక్ కూడా షేర్ చేసింది. ఈ ఫోజులో చరణ్ యమా స్టైలిష్ గా ఉన్నాడు. 

సమంత రాంచరణ్ కి బర్త్ డే విషెస్ చెప్పడం ఒకే కానీ.. ఓజి అని అభివర్ణించడంతో కొత్త చర్చ మొదలయింది. ఓజి అనేది పవన్ కళ్యాణ్ సినిమా టైటిల్. నార్మల్ గా ఓజి అని ఎవరిని అయినా పిలవొచ్చు. అభ్యంతరం లేదు. కానీ ఆ టైటిల్ తో స్వయంగా చరణ్ బాబాయ్ పవన్ కళ్యాణ్ సినిమా చేస్తున్నారు. 

ఇలాంటి టైంలో సమంత ఆ పేరుతో చరణ్ కి విషెస్ చెప్పడంతో మెగా ఫ్యాన్స్ మధ్య కొత్త చర్చకి కారణం అయింది. ఒక రకంగా చెప్పాలంటే సమంత ఫ్యాన్స్ మధ్య తిరకాసు పెట్టేసింది అని చెప్పొచ్చు. ఇదిలా ఉండగా సమంత, రాంచరణ్ వెండి తెరపై బ్లాక్ బ్లస్టర్ పెయిర్ అనే చెప్పాలి. 

రంగస్థలం లాంటి నాన్ బాహుబలి హిట్ లో వీళ్ళిద్దరూ జంటగా నటించారు. చిట్టిబాబు, రామలక్ష్మి గా వీళ్లిద్దరి మధ్య కెమిస్ట్రీ అద్భుతంగా పండింది. భవిష్యత్తులో ఛాన్స్ ఉంటే మరోసారి రాంచరణ్, సమంత జంటగా నటించాలని ఫ్యాన్స్ కోరుకుంటున్నారు. సుకుమార్, చరణ్ కాంబోలో రెండవ చిత్రానికి అనౌన్స్ మెంట్ కూడా వచ్చింది. మరి ఈ చిత్రంలో సమంతని ఏమైనా సుకుమార్ కన్సిడర్ చేస్తారేమో చూడాలి.