30 ఏళ్ల తరువాత మళ్ళీ సందడి చేయబోతున్న సల్మాన్ - రేవతి, లవ్ కాంబో పై క్లారిటీ ఇచ్చిన జంట

దాదాపు 30 ఏళ్ళ తరువాత వెండితెరపై సందడి చేయబోతోంది లవ్ కాంబినేషన్. అప్పట్లో కుర్ర కారునుఉర్రూతలూగించిన సల్మాన్ ఖాన్ - రేవంతి కాంబోలో.. ప్రస్తుతం సినిమా రాబోతోంది. ఈ విషయాన్ని ఈజంట రీసెంట్ గా కన్ ఫార్మ్ చేశారు. 

సాథియా.. తూనే క్యా కియా.. ఈ పాట గురించి బాలీవుడ్ ఆడియన్స్ కు పరిచయం చేయాల్సిన అవసరం లేదు. ముందుగా అసలీ పాట  తెలియని బాలీవుడ్‌  సినీ ప్రేమికుడు ఉండడు. 30 ఏళ్ల క్రితం వచ్చిన లవ్ సినిమాలోని ఈ పాట ఇప్పటికీ  నార్త్ ఆడయిన్స్ నోట హమ్మింగ్ అవుతూనే ఉంటుంది. మెలోడీ రాగంతో మైమరపింపచేసే  ఈ పాటలో..  సల్మాన్ ఖాన్ -రేవతి జంట చేసిన సందడి అంతా ఇంత కాదు. 

ఈపాట  హిట్ లో అది మెలోడియస్‌గా ఉండటం ఒక కారణమైతే.. అందులో నటించిన సల్మాన్‌ ఖాన్‌, రేవతి జోడి మరో ఎత్తు. అప్పటి బాలీవుడ్ ఆడియన్స్ ఈ జోడీని చూసి మైమరపించిపోయారు. ఇక ఇద్దరినీ చూడటానికి రెండు కళ్లూ చాలవు అని ఆ రోజుల్లో  ప్రతీ అభిమాని అనేవారు. తెరపై వీరిని చూసి  తెగ ఆనందపడిపోయేరు. ఇక ఈ  లవ్ జంట  మళ్ళీ 30 ఏళ్ళ తరువాత మరోసారి తెరపై సందడి చేయబోతోంది. 

బాలీవుడ్‌  స్టార్ హీరో సల్మాన్‌ఖాన్‌, రేవతి 31 ఏళ్ల క్రితం వచ్చిన  లవ్‌ సినిమాలో నటించి మెపించారు. మళ్లీ ఇన్నేళ్లకు ఓ సినిమాలో కలిసి నటించబోతున్నారు. యశ్‌ రాజ్‌ ఫిల్మ్స్‌  నిర్మిస్తున్నయాక్షన్‌  మూవీ టైగర్‌ 3. ఈ సినిమాలో ఈ జంట రెండోసారి స్క్రీన్ షేర్‌ చేసుకోబోతున్నారు.  30 ఏళ్లతరువాత  సల్మాన్‌ ఖాన్‌, రేవతి ఒక సినిమాలో నటిస్తున్నారు.  అయితే ఈసినిమాలో రేవతి పాత్ర  ఏంటీ అనేది మాత్రం  సస్పెన్స్‌. 

ఈ విషయాన్ని స్వయంగా సల్మాన్ - రేవతి కలిసి రివిల్ చేశారు. రేవతి, కాజోల్‌ కలసి నటించిన సలామ్‌ వెంకీ సినిమా  ప్రమోషన్స్ లో బిజీగా ఉన్నారు. అందులో భాగంగా  హిందీ బిగ్‌బాస్‌ షోకి వచ్చారు.  ఈ నేపథ్యంలోనే టైగర్‌ 3 ప్రస్తావన వచ్చింది. అప్పుడే సల్మాన్‌ ఇద్దరూ కలసి నటిస్తున్న విషయం చెప్పాడు. 

అయితే ఈ సినిమాలో రేవతి పాత్ర గురించి మాత్రం ఇంత వరకూ రివిల్ చేయలేదు మేకర్స్. ఆవిషయంలో వాళ్లు సీక్రేట్ మెయింటేన్ చేస్తున్నట్టు బాలీవుడ్‌ మీడియా చెపుతోంది.  వచ్చే ఏడాది దీపావళి కానుకగా  టైగర్‌ 3   రిలీజ్ కాబోతోంది.  అయితే బిగ్ బాస్ లో సల్మాన్ ఈ విషయాన్ని చెప్పడంతో.. ఈమూవీపై భారగా  అంచనాలు  పెరుగుతున్నాయి. 

ఇక టైగర్‌ 3 లో నటించడంపై  రేవతి కూడా స్పందించారు..  ఓ మీడియా సంస్థతో మాట్లాడిన ఆమె కొన్ని వివరాలు తెలిపారు. ఈ సినిమాలో రేవతి రా చీఫ్‌గా నటిస్తోందట. ఇంతకు ముందు వచ్చిన  సినిమాల్లో ఆ పాత్రలో గిరీష్‌ కర్నాడ్‌ నటించారు. ఈ విధంగా చూసుకుంటే సల్మాన్ ను నడిపించే ఇంపార్టెంట్ రోల్ లో ఆమె నటిస్తున్నట్టు తెలుస్తోంది. 

ఏక్‌ థా టైగర్‌, టైగర్‌ జిందా హై సిరీస్‌లో వస్తున్న మూడో సినిమా టైగర్‌ 3. మనీష్‌ శర్మ దర్శకత్వం వహిస్తుండగా… సల్మాన్‌కి జోడీగా కత్రీనా కైఫ్‌ నటిస్తోంది. ఇంకా ఈ సినిమాలో రణ్‌వీర్‌ షోరే, ఇమ్రాన్‌ హష్మీ లాంటి బాలీవుడ్ స్టార్స్  కీలక పాత్రల్లో నటిస్తున్నారు. అంతే కాదు ఈ మూవీలో  షారుఖ్‌ ఖాన్‌ గెస్ట్ రోల్ లో కనిపించబోతున్నాడు.