బిగ్గెస్ట్ సర్‌ప్రైజ్‌తో `సలార్‌` ట్రైలర్‌.. వచ్చేది అప్పుడే.. `జవాన్‌`తో థియేటర్లో రచ్చ ?

ఇప్పుడు  `సలార్‌` ట్రైలర్‌ రిలీజ్‌కి టైమ్‌ ఫిక్స్ చేసిందట హోంబలే ఫిల్మ్స్. సెప్టెంబర్‌ 6న గ్రాండ్‌గా రిలీజ్‌ చేయాలని భావిస్తున్నారు. బెంగుళూరులో పెద్ద ఈవెంట్‌ నిర్వహించి ట్రైలర్‌ని నిర్వహిస్తారని సమాచారం. 

ప్రభాస్‌ ఈ ఏడాది `ఆదిపురుష్‌`తో వచ్చాడు. ఇప్పుడు మరో భారీ సినిమాతో రాబోతున్నాడు. `సలార్‌` మూవీ సెప్టెంబర్‌లో విడుదల కాబోతుంది. ఈ సినిమాపైనే అందరి ఆశలు, అంచనాలున్నాయి. దీనితో గట్టిగా కొట్టాలని భావిస్తున్నారు. బాక్సాఫీసు డైనోసార్‌ రాబోతుందంటూ ఫ్యాన్స్ సోషల్‌ మీడియాలో రచ్చ చేస్తున్నారు. ప్రభాస్‌ `సలార్‌`ని డైనోసార్‌గా వర్ణిస్తున్నారు. ఇక ఈ చిత్రానికి సంబంధించి ఆగస్ట్ లో బిగ్గెస్ట్ అప్‌డేట్‌ ఉంటుందని చిత్ర నిర్మాతలు ప్రకటించారు. కానీ ఇప్పటి వరకు ఎలాంటి అప్‌డేట్‌ లేదు. అయితే ట్రైలర్‌ని రిలీజ్‌ చేస్తారని భావించినా, నిరాశే మిగిలింది. 

ఈ నేపథ్యంలో ఇప్పుడు  `సలార్‌` ట్రైలర్‌ రిలీజ్‌కి టైమ్‌ ఫిక్స్ చేసిందట హోంబలే ఫిల్మ్స్. సెప్టెంబర్‌ 6న గ్రాండ్‌గా రిలీజ్‌ చేయాలని భావిస్తున్నారు. బెంగుళూరులో పెద్ద ఈవెంట్‌ నిర్వహించి ట్రైలర్‌ని నిర్వహిస్తారని సమాచారం. ఈ మేరకు ఇందులో యష్‌ కూడా పాల్గొంటారని తెలుస్తుంది. దీనిపై క్లారిటీ రావాల్సి ఉంది. ఇక ట్రైలర్‌కి సంబంధించిన మరో ఇంట్రెస్టింగ్‌, గూస్‌బంమ్స్ తెప్పించే వార్త ఒకటి నెట్టింట చక్కర్లు కొడుతుంది. `ట్రైలర్‌`లో యష్‌ కూడా మెరవబోతున్నారని తెలుస్తుంది. 

అంతేకాదు `సలార్‌ః సీజ్‌ఫైర్‌` పార్ట్ వన్‌లో యష్‌ కనిపిస్తారట. సినిమా చివర్లో గెస్ట్ అప్పీయరెన్స్ లాగా ఓ ఐదు నిమిషాలపాటు యష్‌ మెరవబోతున్నారని సమాచారం. సెకండ్‌ పార్ట్ పై హైప్‌ పెంచేలా ఆయన పాత్ర ఉంటుందట. అంతేకాదు సెకండ్‌ పార్ట్ లోనూ ఆయన పాత్ర ఉండబోతుందని లేటెస్ట్ సమాచారం. ఇది నిజమేనా అనేది తెలియాల్సి ఉంది. కానీ ఈ వార్త అటు యష్‌ అభిమానులు, ఇటు ప్రభాస్‌ ఫ్యాన్స్ కి కిక్కెంచేలా ఉంది. ఇదే నిజమైతే బాక్సాఫీసుకి పూనకాలు తెప్పించే విషయమనే చెప్పాలి. ఏది నిజం అనేది చూడాలి. 

ఇదిలా ఉంటే `సలార్‌` ట్రైలర్‌కి సంబంధించిన మరో విషయం నెట్టింట చక్కర్లు కొడుతుంది. ఈ ట్రైలర్‌ని `జవాన్‌` సినిమాతో ప్రదర్శించబోతున్నారట. సెప్టెంబర్‌ 6న రిలీజ్‌ చేసి, ఏడున థియేటర్లలో `జవాన్‌` మధ్యలో ప్రదర్శిస్తారని సమాచారం. ఆ సినిమాతోపాటు `సలార్‌`కి హైప్‌ పెంచేలా ఇది ప్లాన్‌ చేస్తున్నట్టు తెలుస్తుంది. వాస్తవం ఏంటనేది మరికొన్ని రోజుల్లో తేలనుంది. 

`కేజీఎఫ్‌` వంటి సంచలనాత్మక చిత్రాల తర్వాత దర్శకుడు ప్రశాంత్‌ నీల్‌.. ప్రభాస్‌ వంటి గ్లోబల్‌ స్టార్‌తో `సలార్‌` చేయడం విశేషం. ఈ కాంబినేషనే అదిరిపోయేలా ఉంది. ఇందులో మలయాళ స్టార్‌ పృథ్వీ రాజ్‌ సుకుమారన్‌ విలన్‌ రోల్‌ చేస్తున్నారు. శృతి హాసన్‌ కథానాయికగా నటిస్తుంది. హోంబలే ఫిల్మ్స్ నిర్మిస్తున్న `సలార్‌`రెండు భాగాలుగా రాబోతుంది.  పార్ట్ 1 `సీజ్‌ ఫైర్‌`గా రానుంది.  సెప్టెంబర్‌ 28న ప్రపంచ వ్యాప్తంగా ఈ చిత్రం విడుదల కానుంది.