సైఫ్ అలీ ఖాన్, కరీనాల రాయల్ వెడ్డింగ్.. అన్సీన్ పిక్ వైరల్..
బాలీవుడ్ స్టార్ కపుల్ సైఫ్ అలీ ఖాన్, కరీనా కపూర్ల రాయల్ వెడ్డింగ్ ఫోటో ఒకటి ఇప్పుడు వైరల్గా మారింది. సైఫ్ది పెద్ద నవాబ్ ఫ్యామిలీ కావడంతో వీరి మ్యారేజ్ కూడా గ్రాండియర్గా జరిగింది. అందులో భాగంగా ఓ అరుదైన ఫోటో ఇప్పుడు బయటకు వచ్చింది.
సైఫ్ అలీ ఖాన్ సోదరి సబా అలీ ఖాన్ పటౌడీ ఇన్ స్టాగ్రామ్ ద్వారా సైఫ్, కరీనా వెడ్డింగ్ ఫోటోని పంచుకుంది. ఇది సైఫ్, కరీనా మ్యారేజ్కి సంబంధించిన వెడ్డింగ్ ఫ్రేమ్ ఫోటో. రాయాలిటీ ఉట్టిపడేలా ఉన్న ఈ పెళ్లి ఫోటో ఆద్యంతం ఆకట్టుకుంటుంది.
సైఫ్, కరీనాల మ్యారేజ్ ఫోటోలు అప్పట్లో పెద్దగా బయటకు రాలేదు. కేవలం ఒకటి రెండు ఫోటోలు మాత్రమే ప్రెస్కి రిలీజ్ చేశారు. దీంతో ఇన్నాళ్లకి వారి మ్యారేజ్ ఫోటో ఒకటి బయటకు రావడంతో పటౌడీ ఫ్యామిలీ, సైఫ్, కరీనాల అభిమానులు ఖుషీ అవుతున్నారు.
సైఫ్ అలీ ఖాన్ అమృతా సింగ్ని వివాహం చేసుకున్నాడు. 2004లో ఆమెకి విడాకులిచ్చారు. ఆ తర్వాత కరీనా కపూర్ ప్రేమలో పడ్డారు. దాదాపు ఐదేళ్లపాటు వీరిద్దరు ప్రేమించుకున్నారు.
సుదీర్ఘ లవ్ స్టోరీ అనంతరం 2012 అక్టోబర్ 12న సైఫ్, కరీనా రాయల్ వెడ్డింగ్ చేసుకున్నారు. అప్పట్లో వీరి మ్యారేజ్ పెద్ద చర్చ నీయాంశంగానూ మారింది. వీరికి తైమూర్ అలీ ఖాన్, ఇటీవల మరో కుమారుడు జన్మించిన విషయం తెలిసిందే.
పెళ్లి కూతురు లుక్లో కనువిందు చేస్తున్న కరీనా కపూర్.
అయితే ఇప్పుడు తమ ఫ్యామిలీకి సంబంధించి రాయల్ వెడ్డింగ్ ఫోటోలను దశల వారిగా పంచుకుంటోంది సబా అలీ ఖాన్ పటౌడీ. మొదటగా తమ అమ్మానాన్నలు మన్సూర్ అలీ ఖాన్, షర్మిలా ఠాకూర్ వెడ్డింగ్ ఫోటోలను పంచుకున్నారు.
ఆ తర్వాత సైఫ్, కరీనా ఫోటోలను పంచుకుంది. దీంతోపాటు చిన్నప్పటికీ సైఫ్ పిక్స్ కూడా షేర్ చేసుకుంది సబా. ప్రస్తుతం ఆయా పిక్స్ సైతం వైరల్గా మారాయి. వీరిది నవాబ్ పటౌడీ ఫ్యామిలీ.