RRR Movie Review:ఆర్ ఆర్ ఆర్ ప్రీమియర్ షో టాక్... కుమ్మేసిన ఎన్టీఆర్, చరణ్... దద్దరిల్లనున్న బాక్సాఫీస్

దర్శకుడు రాజమౌళి సినిమా అంటే టాక్ గురించి కాకుండా రికార్డుల గురించి మాట్లాడుకుంటారు. అపజయం ఎరుగని దర్శకునిగా తనకంటూ ఆయన అలాంటి మార్క్ సెట్ చేసుకున్నారు. బాహుబలి సిరీస్ తో ఇండియా సినిమా ఎల్లలు దాటేసిన రాజమౌళి(Rajamouli).. ఆర్ ఆర్ ఆర్ మూవీతో బాక్సాఫీస్ పై దండయాత్రకు సిద్ధమయ్యారు. 

RRR movie review

దర్శకుడు రాజమౌళి సినిమా అంటే టాక్ గురించి కాకుండా రికార్డుల గురించి మాట్లాడుకుంటారు. అపజయం ఎరుగని దర్శకునిగా తనకంటూ ఆయన అలాంటి మార్క్ సెట్ చేసుకున్నారు. బాహుబలి సిరీస్ తో ఇండియా సినిమా ఎల్లలు దాటేసిన రాజమౌళి(Rajamouli).. ఆర్ ఆర్ ఆర్ మూవీతో బాక్సాఫీస్ పై దండయాత్రకు సిద్ధమయ్యారు. 

 మూడేళ్ళుకు పైగా షూటింగ్ జరుపుకుంటున్న ఆర్ ఆర్ ఆర్ మూవీ (RRR Movie)రాజమౌళికి చాలా ప్రత్యేకం. ఆయన ఎన్టీఆర్, చరణ్ లాంటి ఇద్దరు టాప్ స్టార్స్ తో ఈ మూవీ తెరకెక్కించారు. ఈ మధ్య కాలంలో ఇంత పర్ఫెక్ట్ మల్టీస్టారర్ రాలేదు. అది కూడా నందమూరి-మెగా ఫ్యామిలీ హీరోలు ఒక సినిమాలో నటించేలా చేయడం.. మరింత విశేషంగా మారింది. 

ఇక ఆర్ ఆర్ ఆర్ ప్రోమోలు సినిమాపై అంచనాలు మరో స్థాయికి తీసుకెళ్లాయి. సినిమా కోసం ఎదురుచూస్తున్న ప్రేక్షకుల ఆత్రుతకు అనేక కారణాలు అడ్డుగా నిలిచాయి. చివరికి అందరి కల సాకారం అయ్యింది. మార్చి 25న ఆర్ ఆర్ ఆర్ వరల్డ్ వైడ్ గా 10000 పైగా థియేటర్స్ లో రికార్డు స్థాయిలో విడుదలైంది. ఇక యూఎస్ తో పాటు ఇండియాలో కూడా ఆర్ ఆర్ ఆర్ ప్రీమియర్స్ ప్రదర్శన ముగిసింది. మరి దానయ్య నిర్మాణంలో అలియా భట్ హీరోయిన్ గా.. అజయ్ దేవ్ గణ్ కీలక పాత్రలో నటించిన ఆర్ ఆర్ ఆర్ (RRR Movie Review)అంచనాలు అందుకుందా లేదా అనేది ఇప్పుడు చూద్దాం.. 

ఆర్ ఆర్ ఆర్ కథ విషయానికి వస్తే.. 1920 ప్రాంతంలో ఆదిలాబాద్ జిల్లాకు చెందిన ఓ గోండు జాతి బాలికను బ్రిటీష్ దొర బానిసగా ఢిల్లీకి ఎత్తుకుపోతాడు. ఆ విషయం తెలిసి వారిలో ఒకడైన అక్తర్(ఎన్టీఆర్) దొరలకు సవాల్ విసురుతాడు. బ్రిటీష్ ప్రభుత్వానికి వ్యతిరేకంగా పోరాడుతున్న అక్తర్ ని పట్టుకోవడానికి విధేయుడైన ప్రభుత్వ అధికారి రామ్(రామ్ చరణ్) (Ram Charan)ని బరిలోకి దించుతారు. భిన్న భావాలు, నేపధ్యాలు కలిగిన అక్తర్, రామ్ మిత్రులు ఎలా అయ్యారు. బ్రిటీష్ ప్రభుత్వానికి వ్యతిరేకంగా ఎలా పోరాటం సాగించారు అనేదే ఆర్ ఆర్ ఆర్ కథ... 

ఆర్ ఆర్ ఆర్ ప్రీమియర్స్ చూసిన మెజారిటీ వర్గాలు చెబుతున్న మాట మూవీ అద్భుతం. రాజమౌళి మరోసారి ప్రేక్షకులను ఏమాత్రం నిరాశపరచలేదంటున్నారు. ఆద్యంతం అలరించే ఎమోషన్స్, యాక్షన్స్ తో కూడిన అవుట్ అండ్ అవుట్ మాస్ ఎంటర్టైనర్ అంటున్నారు.

ముఖ్యంగా ఎన్టీఆర్(NTR), చరణ్ ల ఇంట్రో వీడియోలు గూస్ బంప్స్ కలిగిస్తాయట. ఇద్దరు హీరోలను భిన్నమైన నేపథ్యాల్లో పరిచయం చేసిన తీరు బాగుందన్న మాట వినిపిస్తుంది . అలాగే ఇంటర్వెల్ బ్యాంగ్ మరో స్థాయిలో రాజమౌళి తెరకెక్కించినట్లు సమాచారం. ఇక ఫస్ట్ హాఫ్ హైలైట్స్ లో నాటు నాటు సాంగ్ ఒకటి. మనం ఊహించినదానికంటే పదిరెట్లు ఈ సాంగ్ ఉందని, ఇద్దరు హీరోల డాన్స్ నెక్స్ట్ లెవెల్ అంటున్నారు. 

సెకండ్ హాఫ్ కూడా ఎక్కడా సినిమా నెమ్మదించకుండా ప్రేక్షకుడిని తనతో పాటు తీసుకుపోతుంది. ఆర్ ఆర్ ఆర్ క్లైమాక్స్ సైతం ఊహకు మించి అంటున్నారు. కథలో మలుపలు , ఎమోషన్స్, ఎన్టీఆర్, చరణ్ టెర్రిఫిక్ పెర్ఫార్మన్స్ గురించి సినిమా చూసిన ప్రేక్షకులు ప్రధానంగా మాట్లాడుతున్నారు. ఇద్దరు హీరోలు నువ్వా నేనా అన్నట్లు నటించారనేది మెజారిటీ ప్రేక్షకుల అభిప్రాయం.

కాగా అజయ్ దేవ్ గణ్, అలియా భట్ వంటి నటుల గురించి ఎవ్వరూ మెన్షన్ చేయడం లేదు. బహుశా ఈ పాత్రలకు రాజమౌళి తక్కువ నిడివి మాత్రమే ఇచ్చి ఉండవచ్చు. సాంగ్స్, బీజీఎమ్ ఓకె అంటున్నారు. రాజమౌళి ఆర్ ఆర్ ఆర్ తో మరోసారి మాస్టర్ స్టోరీ టెల్లర్ అని నిరూపించుకున్నాడని, ఆయన ఖాతాలో ఆర్ ఆర్ ఆర్ బిగ్గెస్ట్ బ్లాక్ బస్టర్ అవుతుంది అంటున్నారు.