Alia Bhatt: ప్రకృతిలో పరవశిస్తున్న కొత్త పెళ్లి కూతురు అలియా... గడ్డి మైదానంలో పడుకొని అలా!

పెళ్ళై రెండు నెలలు కాలేదు... కొత్త జంట అలియా భట్, రన్బీర్ కపూర్ ప్రొఫెషన్ లైఫ్ లో బిజీ అయ్యారు. ఇద్దరికీ చేతి నిండా సినిమాలున్న నేపథ్యంలో తీరిక లేకుండా గడిపేస్తున్నారు. షూటింగ్ కోసం అందమైన పచ్చిక మైదానాలకు వెళ్లిన అలియా తన లేటెస్ట్ ఫోటోలు షేర్ చేశారు.  

Alia Bhatt

'నా సూర్యకాంతి నాకు ఇవ్వు... నా దారిన నేను పోతాను' అంటూ కామెంట్ చేసిన అలియా (Alia Bhat) ఇంస్టాగ్రామ్ లో ఆహ్లాదమైన ఫోటోలు పంచుకున్నారు. కోరుకున్నవాడిని పెళ్లాడిన ఆనందం అలియా కళ్ళలో స్పష్టంగా కనిపిస్తుంది. మరోవైపు కెరీర్ పరుగులు పెడుతుండగా ఎంజాయ్ చేస్తున్నారు. 

2018 నుండి రన్బీర్ (Ranbir Kapoor) తో అలియా డేటింగ్ చేస్తున్నారు. 2022 ఏప్రిల్ 14న ముంబైలో నిరాడంబరంగా వివాహం చేసుకున్నారు. వీరి వివాహానికి అత్యంత సన్నిహితులు మాత్రమే హాజరయ్యారు. వీరి వివాహం టాక్ ఆఫ్ ది నేషన్ అయ్యింది. 

ఇక వీరిద్దరి కాంబినేషన్ లో బ్రహ్మాస్త్ర చిత్రం తెరకెక్కుతుంది. దర్శకుడు అయాన్ ముఖర్జీ సోషల్ ఫాంటసీ కాన్సెప్ట్ తో ఈ భారీ చిత్రం రూపొందిస్తుండగా పాన్ ఇండియా స్థాయిలో విడుదల కానుంది. అమితాబ్ తో పాటు టాలీవుడ్ కింగ్ నాగార్జున కీలక రోల్స్ చేస్తున్నారు. 

కాగా అలియా మరో మూడు చిత్రాలతో బిజీగా ఉన్నారు. కరణ్ జోహార్ దర్శకత్వంలో రాకీ ఔర్ రాణి ప్రేమ్ కహాని తెరకెక్కుతుండగా అలియా హీరోయిన్ గా నటిస్తున్నారు. అలాగే డార్లింగ్స్, అనే మరో హిందీ చిత్రం ఆమె ఖాతాలో ఉంది. హార్ట్ ఆఫ్ స్టోన్ చిత్రంతో హాలీవుడ్ ఎంట్రీకి సిద్ధమయ్యారు. 

అలియా లేటెస్ట్ చిత్రాలు గంగూబాయ్ కతియావాడి, ఆర్ ఆర్ ఆర్ విజయాలు అందుకున్నాయి. ఆర్ ఆర్ ఆర్ మూవీతో తెలుగు ప్రేక్షకులకు పరిచయమయ్యారు. ఎన్టీఆర్-కొరటాల శివ మూవీలో (NTR 30) అలియా నటించాల్సి ఉండగా.. ప్రాజెక్ట్ నుండి తప్పుకున్నారు.