జాక్ పాట్‌ కొట్టిన బిగ్‌ బాస్‌ 6 విన్నర్‌ రేవంత్‌.. ఆయనకు దక్కే మొత్తం పారితోషికం ఎంతో తెలిస్తే మైండ్‌ బ్లాక్‌

బిగ్‌ బాస్‌ తెలుగు 6వ(Bigg Boss 6 Telugu) సీజన్‌ ఆదివారంతో ముగిసింది. 105 రోజులపాటు జరిగిన షో ఎట్టకేలకు ముగింపు పెద్ద ట్విస్ట్ తో క్లోజ్‌ అయ్యింది. టాప్‌ 5గా ఉన్న రేవంత్‌(Revanth), శ్రీహాన్‌(Srihan), ఆదిరెడ్డి, కీర్తి, రోహిత్‌లలో ఈ సీజన్‌ బిగ్‌ బాస్‌ విన్నర్‌గా రేవంత్‌ నిలిచారు. ముందు నుంచి ఊహించినట్టుగానే, ఆడియెన్స్ అభిప్రాయం ప్రకారంగానే రేవంత్‌ విన్నర్‌ అయ్యాడు. కానీ అందులోనే పెద్ద ట్విస్ట్ ఉంది. ఓటింగ్‌ ప్రకారం శ్రీహాన్‌కి ఎక్కువ ఓట్లు వచ్చాయని చెప్పి పెద్ద ట్విస్ట్ ఇచ్చారు నాగార్జున(Nagarjuna).
 

బిగ్‌ బాస్‌ 6 ఫైనల్‌ గేమ్‌ ఛేంజర్‌గా శ్రీహాన్‌ నిలిచారు. ఓ రకంగా ఆయనకు పెద్ద బొక్క పెట్టుకున్నారు. ఫ్రెండ్‌ రేవంత్‌కి హెల్ప్ చేశాడు. అది మామూలు కాదు, ఏకంగా తన ట్రోఫీని రేవంత్‌కి ఇచ్చేశాడు. తన నిర్ణయంతో లెక్కలన్నీ మారిపోయాయి. ప్రస్తుతం విన్నర్‌ అయిన రేవంత్‌(Bigg Boss 6 Winner Revanth) కూడా గట్టిగానే దక్కించుకున్నాడు. అయితే ప్రైజ్‌ మనీ మాత్రం దారుణంగా కోత పడటం గమనార్హం. ఏకంగా నలభై లక్షలు శ్రీహాన్‌ దక్కించుకున్నాడు. దీంతో యాభై లక్షల ప్రైజ్‌ మనీలో రేవంత్‌కి విన్నర్‌గా దక్కేది పది లక్షలే కావడం విచారకరం. 

ఇక రేవంత్‌కి మొత్తంగా ఎంత వచ్చిందనేది చూస్తే, బిగ్‌ బాస్‌ సీజన్‌ 6 ట్రోఫీతోపాటు పది లక్షల ప్రైజ్‌ మనీ దక్కుతుంది. దీంతోపాటు `సువర్ణభూమి` వారి 650గజాల ఫ్లాట్‌ దక్కబోతుంది. సువర్ణభూమి వారు విన్నర్‌కి ఈ గిఫ్ట్ ని ప్రకటించారు. దీని మొత్తం 30 లక్షలు ఉంటుందని చెప్పారు. మరోవైపు పది లక్షల విలువైన బ్రెజా కారుని మారుతి సుజికి వారు ప్రకటించారు. ఇలా మొత్తంగా రేవంత్‌కి యాభై లక్షలు అందుకున్నారని చెప్పొచ్చు. బిగ్‌ బాస్‌ ప్రైజ్‌ మనీ అంత ఈ రూపంలో దక్కడం విశేషం. Revanth Remuneration.

ఇక 15 వారాలపాటు ఉన్న పారితోషికం అదనం అని చెప్పొచ్చు. ఆయన ఒక్కో వారానికి రెండున్నర లక్షల(కన్ఫమ్‌ కాదు) వరకు అందుకునే వారని తెలుస్తుంది. ఈ లెక్కన మరో ముప్పై లక్షలు ఆయనకు అందుతుంది. మొత్తంగా రేవంత్‌ బిగ్‌ బాస్‌ విన్నర్‌గా సుమారు ఎనబై లక్షల వరకు పారితోషికం తీసుకోబోతున్నారని చెప్పొచ్చు. ఈ రకంగా అత్యధిక పారితోషికం అందుకున్న కంటెస్టెంట్‌గా రేవంత్‌ నిలిచారు.
 

సింగర్‌గా జీవితాన్ని ప్రకటించిన రేవంత్‌ ఇప్పుడు బిగ్‌ బాస్‌ సీజన్‌ 6 విన్నర్‌గా నిలిచి రెండు తెలుగు రాష్ట్రాల ప్రజలకు, సినీ ప్రియులకు బాగా దగ్గరయ్యారు. బిగ్‌ బాస్‌ షోతో ఫ్యామిలీ ఆడియెన్స్ కి మరింత దగ్గరయ్యారు. రేవంత్‌కి ఇటీవలే కూతురు పుట్టింది. తన ఇంట్లోకి లక్ష్మీ దేవి వచ్చిందని ఆయన సంబరపడ్డారు. తన కూతురుకి ట్రోఫీని గిఫ్ట్ గా ఇవ్వబోతుండటం విశేషం. అదే విషయాన్ని ఆయన స్టేజ్‌పై ఎమోషనల్‌ అవుతూ చెప్పారు. శ్రీహాన్‌ కారణంగా రేవంత్‌ జాక్ పాట్‌ కొట్టాడు. రియల్‌ హీరో అయ్యారు. అయితే ఈ సీజన్‌కి మాత్రం రేవంత్‌, శ్రీహాన్‌ ఇద్దరూ విన్నర్సే అని చెప్పడంలో అతిశయోక్తి లేదు.