మీరు పవన్‌ కళ్యాణ్‌ భార్య అయితే, వేరే అమ్మాయితో బేబీని కంటే మీకు ఓకేనా.. రేణు దేశాయ్‌ వ్యాఖ్యలు దుమారం..

రేణు దేశాయ్‌.. పవన్‌ కళ్యాణ్‌ని ఉద్దేశించి సంచలన వ్యాఖ్యలు చేశారు. వారి లేడీ ఫ్యాన్స్ కి దిమ్మతిరిగే కౌంటర్‌ ఇచ్చారు. ఆమె వీడియో వైరల్‌ అవుతుంది.  

నటి, పవన్‌ కళ్యాణ్‌ మాజీ భార్య రేణు దేశాయ్‌ ఇప్పుడు తన వ్యక్తిగత లైఫ్‌ని తాను జీవిస్తుంది. ఆమె అడపాదడపా మీడియాతో ముచ్చటిస్తూ ఆసక్తికర విషయాలను పంచుకుంటూ హాట్‌ టాపిక్‌ అవుతుంది. ముఖ్యంగా పవన్‌ కళ్యాణ్‌కి సంబంధించిన విషయాలను పంచుకున్న సమయంలో అవి చాలా వరకు వైరల్‌గా మారుతాయి. తాజాగా అలాంటిదే నెట్టింట వైరల్‌ అవుతుంది. పెద్ద చర్చనీయాంశం అవుతుంది. 

Pawan Kalyan

పవర్‌ స్టార్‌ పవన్‌ కళ్యాణ్‌, రేణు దేశాయ్‌ ప్రేమించి పెళ్లి చేసుకున్నారు. పవన్‌ తన మొదటి భార్య ఉన్నప్పుడే రేణు దేశాయ్‌తో ప్రేమలో పడ్డారు. `బద్రి` సినిమా సమయంలో వీరి ప్రేమ ప్రారంభమైంది. ఇందులో ఇద్దరు కలిసి నటించారు. `జానీ` సినిమా టైమ్‌కి ప్రేమ మరింత పెరిగింది. ఈ మూవీలో కలిసి నటించడంతోపాటు సినిమాకి రేణు దేశాయ్‌ ఇతర బాధ్యతలు కూడా తీసుకున్నారు. 

Pawan Kalyan-Renu Desai

ఆ తర్వాత 2009లో ఇద్దరు పెళ్లి చేసుకున్నారు. అప్పటికే తమ ప్రేమకి గుర్తుగా 2004లో అకీరా నందన్‌ జన్మించారు. ఆ తర్వాత ఐదేళ్లకి పెళ్లిచేసుకున్నారు. మొదటి భార్య నందినికి 2007లో డైవర్స్ ఇచ్చాక రేణు దేశాయ్‌ని పెళ్లి చేసుకున్నారు పవన్‌. అప్పటి వరకు వీరిద్దరు సహజీవనంలో ఉన్నారు. అలా అకీరా నందన్‌ జన్మించారు. పెళ్లి తర్వాత ఆద్య జన్మించింది. మూడేళ్లకే 2012లో ఈ ఇద్దరు విడిపోయారు. 

Pawan Kalyan

రేణు దేశాయ్‌తో విడిపోవడానికి ముందే ఆయన రష్యా అమ్మాయి అన్నా లెజినోవాతో ప్రేమలో పడ్డారు. ఆమెతో సహజీవనం స్టార్ట్ చేశారు. దీంతో రేణు దేశాయ్‌కి విడాకులు ఇచ్చారు పవన్‌ కళ్యాణ్‌. వీరికి కూతురు, కొడుకు ఉన్నారు. ప్రస్తుతం మూడో భార్యతోనే ఉంటున్నాడు పవన్‌ కళ్యాణ్‌. 

అయితే తాజాగా రేణు దేశాయ్‌ కామెంట్స్ యూట్యూబ్‌లో ట్రెండ్‌ అవుతున్నాయి. ఆమె తనకు జరిగిన అన్యాయంపై స్పందించారు. తనపై పవన్‌ కళ్యాణ్‌ అభిమానులు నానా రకాలుగా కామెంట్లు చేస్తున్న నేపథ్యంలో ఆమె ఫైర్‌ అయ్యారు. లేడీ అభిమానులను ఉద్దేశించి రేణు దేశాయ్‌ మాట్లాడుతూ, నాకు జరిగింది, మీకు జరిగితే మీకు ఓకేనా, మీరు ఎలా రియాక్ట్ అవుతారంటూ ప్రశ్నించారు. 

Pawan Kalyan - Renu desai

ఇందులో రేణు దేశాయ్‌ మాట్లాడుతూ, `ఆయన ఒక లేడీతో బేబీని కనేశాడు. ఈ మాటలు నేను ఈజీగా చెబుతున్నా, కానీ రియల్‌గా అంత ఈజీగా లేదు. పవన్‌ కళ్యాణ్‌ ని పిచ్చిగా ఇష్టపడే లేడీ ఫ్యాన్స్ ఎవరైతే ఉన్నారో, అదే మీరు ఆయన భార్యగా ఉండి ఉంటే. అదే ఆయన మీతో ఇలా చేసి ఉంటే, 11 ఏళ్ల పెళ్లి తర్వాత, మరో అమ్మాయితో బేబీ కని ఉంటే, అప్పుడు మీ పరిస్థితి ఎలా ఉండేదో చెబితే బాగుంటుంది. ఇలా చేస్తే మీకు ఓకేనా` అంటూ ఘాటుగా కౌంటర్‌ ఇచ్చింది రేణు దేశాయ్. ప్రస్తుతం ఈ వీడియో క్లిప్‌ నెట్టింట చక్కర్లు కొడుతుంది. 

అయితే ఇది ఎప్పుడో కొన్నేళ్ల క్రితం చేసిన ఇంటర్వ్యూ క్లిప్‌ ఇప్పుడు దీన్ని వైరల్‌ చేస్తున్నారు వైఎస్‌ఆర్‌సీపీ అభిమానులు. ఎన్నికల నేపథ్యంలో పవన్‌ కళ్యాణ్‌ తమకు పోటీగా నిలుస్తున్న నేపథ్యంలో జగన్‌ ఫ్యాన్స్ ఈ పని చేయడం గమనార్హం. పవన్‌ని బ్యాడ్‌ చేసే ఉద్దేశ్యంలో భాగంగా ఇలా ఈ క్లిప్ లను వైరల్‌ చేస్తూ ఆయన ఇమేజ్‌ని డ్యామేజ్‌ చేస్తున్నారని పవన్‌ ఫ్యాన్స్ కౌంటర్లు ఇస్తున్నారు. 

పవన్‌ కళ్యాణ్‌ ప్రస్తుతం రాజకీయాల్లో బిజీగా ఉన్నారు. ఏపీ ఎన్నికల్లో పోటీ చేస్తున్న నేపథ్యంలో రాజకీయ ప్రచారంలో ఉన్నారు పవన్‌. ఇక సినిమా కెరీర్‌ పరంగా ఆయన చేతిలో మూడు సినిమాలున్నాయి. వాటిలో `ఓజీ`, `ఉస్తాద్‌ భగత్‌ సింగ్‌`, `హరిహర వీరమల్లు` చిత్రాలున్నాయి. ఎన్నికలు అయిపోయి, ఫలితాలు వచ్చిన తర్వాత మళ్లీ సినిమాల షూటింగ్‌లో పాల్గొనబోతున్నారు పవన్‌. రేణు దేశాయ్‌ గతేడాది `టైగర్‌ నాగేశ్వరరావు` చిత్రంలో మెరిశారు. మంచి పాత్రల్లో నటించేందుకు ఆమె సిద్ధంగానే ఉన్నారు.