నిజమే చాలా మందితో రిలేషన్ లో ఉన్నా, సీరియల్ డేటర్ ని..సందీప్, సాయి ధరమ్ తేజ్ ప్రస్తావన తెస్తూ నటి బోల్డ్ గా

పర్సనల్ లైఫ్ విషయాలని సెలెబ్రిటీలు వీలైనంతవరకు మీడియా ముందు బయట పెట్టరు. దానివల్ల మరిన్ని రూమర్స్ వస్తాయనే ఉద్దేశంతో అలా చేస్తారు. ముఖ్యంగా హీరోయిన్లు తమ రిలేషన్, లవ్ లాంటి వ్యవహారాల గురించి మాట్లాడడానికి ఇష్టపడరు. కానీ కొందరు బోల్డ్ హీరోయిన్లు మాత్రం మొహమాటం లేకుండా తమ పర్సనల్ లైఫ్ గురించి ఓపెన్ అవుతుంటారు. అలాంటివారిలో రెజీనా కాసాండ్రా ఒకరు. 

రెజీనా తెలుగులో పిల్లా నువ్వులేని జీవితం, సుబ్రహ్మణ్యం ఫర్ సేల్, ఎవరు లాంటి సక్సెస్ ఫుల్ చిత్రాల్లో నటించింది. ఇటీవల ఆమె శాకినీ డాకిని అనే చిత్రంలో కూడా నటించింది. త్వరలో రెజీనా నటించిన ఉత్సవం చిత్రం రిలీజ్ కి రెడీ అవుతోంది. సెప్టెంబర్ 13న ఈ చిత్రాన్ని ఆడియన్స్ ముందుకు తీసుకువస్తున్నారు. ఈ సందర్భంగా రెజీనా ప్రమోషన్స్ మొదలు పెట్టింది. ఓ ఇంటర్వ్యూలో సినిమా విశేషాలు చెబుతూనే తన పర్సనల్ లైఫ్ గురించి కూడా ఓపెన్ అయింది. 

రెజీనాపై గతంలో చాలా లవ్ ఎఫైర్ రూమర్స్ వచ్చాయి. దీని గురించి యాంకర్ ప్రశ్నించారు. రెజీనా బదులిస్తూ.. నేను నా వ్యక్తిగత జీవితాన్ని దాచిపెట్టను. నిజమే గతంలో చాలా మందితో రిలేషన్ లో ఉన్నా. ఒకరకంగా చెప్పాలంటే నేను సీరియల్ డేటర్ ని అని చెప్పొచ్చు.కానీ ప్రస్తుతం రిలేషన్ షిప్ నుంచి కాస్త బ్రేక్ తీసుకుని సింగిల్ గా ఉంటున్నా అని పేర్కొంది. నేను ఇలా ఓపెన్ గా మాట్లాడడం వల్ల చాలా విమర్శలు వస్తున్నాయి. కానీ నా పర్సనల్ లైఫ్ ని హైడ్ చేయడం ఇష్టం లేదు అని రెజీనా పేర్కొంది. 

సందీప్ కిషన్ తో చాలా సార్లు మ్యారేజ్ రూమర్స్ వచ్చాయి కదా అని అడగగా.. అవును వచ్చాయి. అయితే మేమిద్దరం మంచి ఫ్రెండ్స్. టామ్ అండ్ జెర్రీ లాగా ఉంటాం. పోట్లాడుకుంటాం .. మళ్ళీ కలసిపోతాం అని తెలిపింది. సాయిధరమ్ తేజ్ తో కూడా అలాంటి రూమర్స్ వచ్చాయి. అయితే తేజు చాలా సైలెంట్ గా ఉండే వ్యక్తి అని రెజీనా పేర్కొంది. 

అదే విధంగా తన పేరు వెనుక ఉన్న సీక్రెట్ కూడా రెజీనా రివీల్ చేసింది. మా అమ్మ క్రిస్టియన్, నాన్న ముస్లిం. ఇద్దరూ డివోర్స్ తీసుకున్నారు. నా చిన్న తనంలోనే ఇది జరిగింది. అమ్మ నాన్న కలసి ఉన్నంత వరకు ముస్లిం లాగే పెరిగాను. విడిపోయాక అమ్మ నన్ను క్రిస్టియన్ లాగా పెంచాలని అనుకుంది. తన ఇష్టమైన ఒక నవలలో క్యారెక్టర్ కాసాండ్రా. అందుకే ఆ పేరు పెట్టింది అని రెజీనా తెలిపింది.