Rashmika mandanna:సౌత్ ఇండియాలోనే అత్యంత రిచ్ యాక్ట్రెస్ గా రష్మిక మందాన, ఆస్తుల విలువ తెలిస్తే మైండ్ బ్లాకే!

అతి తక్కువ కాలంలో టాప్ హీరోయిన్ గా ఎదిగారు రష్మిక మందాన. ఈ కన్నడ భామ చేతిలో Pushpa వంటి పాన్ ఇండియా చిత్రంతో పాటు రెండు బాలీవుడ్ చిత్రాలు, ఓ టాలీవుడ్ మూవీ ఉన్నాయి.   

మంచి నటిగా నిరూపించుకున్న Rashmika mandanna రెండు సైమా అవార్డ్స్ సైతం అందుకున్నారు. డియర్ కామ్రేడ్ చిత్రంలోని నటనకు క్రిటిక్స్ విభాగంలో ఉత్తమ నటి అవార్డు అందుకున్నారు. అలాగే కన్నడ చిత్రం యజమానా చిత్రానికి మరో అవార్డు దక్కింది.

లక్కీ హీరోయిన్ బ్రాండ్ నేమ్ తెచ్చుకున్న రష్మిక, అత్యధిక హిట్ పర్సెంటేజ్ కలిగి ఉన్నారు. అందుకే దర్శక నిర్మలతో పాటు స్టార్ హీరోలు ఆమె వెనుక పడుతున్నారు. ఐదేళ్ల కెరీర్ లో కిరాక్ పార్టీ, చెలో, గీత గోవిందం, సరిలేరు నీకెవ్వరు, భీష్మ వంటి హిట్ చిత్రాలు ఆమె ఖాతాలో ఉన్నాయి. 

మిషన్ మజ్ను, గుడ్ బై రష్మిక చేస్తున్న రెండు భారీ బాలీవుడ్ చిత్రాలు. ఇండియా వైడ్ ఫేమ్ రాబట్టిన రష్మిక పలు బ్రాండ్స్ కి అంబాసడర్ గా వ్యహరిస్తున్నారు. ప్రచార కర్తగా తన సంపాదన అధికం చేసుకున్నారు రష్మిక. 

మరి ఇంతటి డిమాండ్ ఉన్న హీరోయిన్ గా రష్మిక సంపాదన కూడా మాములుగా లేదు. ఆమె ఆస్తుల చిట్టా తెలిస్తే కళ్ళు తిరగాల్సిందే. దేశంలోని అనేక నగరాల్లో రష్మిక ఇళ్ళు, స్థలాలు కొనుగోలు చేస్తున్నారట. హైదరాబాద్, కూర్గ్, గోవా నగరాల్లో రష్మిక విలాసవంతమైన ఇళ్ళు కొనుగోలు చేశారట. 

బాలీవుడ్ లో సినిమాలు చేస్తూ అక్కడే వారాల తరబడి ఉండాల్సి వస్తున్న నేపథ్యంలో ముంబైలో ఓ ఇంటిని కొనుగోలు చేశారట. ముంబైలో ఇల్లు కొన్నాక, ఆమెకు కంఫర్ట్ గా అనిపిస్తుందట, అలాగే హోటల్స్ లో ఉండాల్సిన బాధ తప్పిందట. 

ఇక రష్మిక ఇటీవల మెర్సెడెజ్ బెంజ్ సి కారును కొనుగోలు చేశారు. దీని ఖరీదు రూ. 50లక్షలు అని సమాచారం. అలాగే ఆమెకు రూ. 40లక్షల విలువ చేసే ఓ ఆడి కారు ఉంది. వీటితో పాటు టొయోట ఇన్నోవా, హ్యుందాయ్ క్రెటా కార్లు ఉన్నాయట. 

Rashmika Mandanna

అలాగే ఒక్కో సినిమాకు రెమ్యూనరేషన్ గా రూ. 3కోట్లకు పైగా ఛార్జ్ చేస్తున్నారట రష్మిక. మొత్తంగా రష్మిక ప్రస్తుత ఆస్తుల విలువ వందల కోట్లలో ఉందని తెలుస్తుంది. ఆమె పరిశ్రమకు వచ్చి కేవలం ఐదేళ్లు అవుతుంది, మరి ఇంత తక్కువ సమయంలో అంత సంపాదించారంటే మాములు విషయం కాదు. 

మరో విశేషం ఏమిటంటే 2020 జనవరిలో రష్మిక మందానపై ఐటీ రైడ్స్ జరిగాయి. ఈ దాడిలో లెక్కలలో చూపని రూ. 25 లక్షల నగదు, రూ. 4 కోట్ల విలువైన ఆస్తులను అధికారులు సీజ్ చేశారు. ఆ సమయంలో రష్మిక రూ. 250 కోట్ల విలువైన ఆస్తులు కలిగి ఉన్నారని కథనాలు చక్కర్లు కొట్టాయి.