Rashmika Mandanna: తన టాటూ సీక్రెట్‌ రివీల్‌ చేసిన రష్మిక.. అర్థం తెలిస్తే నోరెళ్ల బెట్టాల్సిందే
రష్మిక మందన్నా.. ఇప్పుడు నేషనల్‌ క్రష్‌. హీరోయిన్‌గా ఎంట్రీ ఇచ్చిన అనతి కాలంలోనే శాండల్‌వుడ్‌ నుంచి టాలీవుడ్, వయా కోలీవుడ్‌ టూ బాలీవుడ్‌కి చెక్కేసింది. నేషనల్‌ క్రష్‌గా మారింది. అభిమానుల డ్రీమ్‌ గర్ల్ గా మారిన రష్మిక మందన్నా ఓ సీక్రెట్‌ని బయటపెట్టింది.
రష్మిక మందన్నా(Rashmika Mandanna) తెలుగులో ఐకాన్‌ స్టార్ అల్లు అర్జున్‌తో కలిసి `పుష్ప`(Pushpa)లో నటిస్తుంది. ఈ సినిమా డిసెంబర్‌17న విడుదల కాబోతుంది. చిత్ర ప్రమోషన్‌ కార్యక్రమాలు షురూ చేశారు. రాత్రి ఈవెంట్‌లో బ్లాక్ శారీలో క్లీవేజ్‌ అందాలతో మతిపోగొట్టింది రష్మిక. లేటెస్ట్ గా గోదుమ కలర్‌ శారీలో హోయలు పోయింది. లేటెస్ట్ పిక్స్ వైరల్ అవుతున్నాయి. అంతేకాదు ప్రమోషన్‌లో భాగంగా ఆమె చెప్పిన ఇంట్రెస్టింగ్ విషయాలు కూడా ఆకట్టుకుంటున్నాయి.
అందులో భాగంగా ఓ బిగ్గెస్ట్ సీక్రెట్‌ రివీల్‌ చేసింది Rashmika Mandanna. తన ఎడమ చేతికి ఉన్న టాటూ సీక్రెట్‌ బయటపెట్టింది. `irreplacable` అని టాటూ వేయించుకుందట. దీన్ని అర్థాన్ని చెప్పింది రష్మిక. తనని ఎవరూ రీప్లేస్‌ చేయలేరని, తన కళ్లుగానీ, తన ఫేస్‌గానీ, యాక్టర్‌గా తనని కానీ ఎవరూ రీప్లేస్‌ చేయలేరనే అర్థంతో ఈ టాటూ వేయించుకుందట. ఈ విషయాన్ని తాను మాత్రమే కాదు, తన ఫ్రెండ్స్ కూడా నమ్ముతారని చెప్పింది రష్మిక.
బన్నీ గురించి ఓ బిగ్గెస్ట్ విషయాన్ని తెలియజేసింది. `గీతగోవిందం` సినిమా టైమ్‌లో అల్లు అర్జున్‌తో కలిసి ఒక్క సీన్‌లో అయినా స్క్రీన్‌ షేర్‌ చేసుకుంటే చాలని భావించాడట. కానీ ఏకంగా `పుష్ప`లో హీరోయిన్‌గా నటించే అవకాశం వచ్చిందని, అది గొప్పగా భావిస్తున్నట్టు తెలిపింది రష్మిక.
మొదటి రోజు షూట్‌లో ఆయనతో కలిసి నటించేటప్పుడు చాలా భయపడ్డానని, నర్వస్‌ ఫీలయ్యానని తెలిపింది. అయితే అదే విషయాన్ని అల్లు అర్జున్‌తో చెప్పిందట రష్మిక. దీనికి బన్నీ.. స్పందిస్తూ ఇంటలిజెన్స్ కాదు, నీ టాలెంట్‌ వల్ల ఇక్కడకు వచ్చావు, ఆ విషయంలో భయపడాల్సిన అవసరం లేదని, ప్రతిభని నమ్మి ముందుకు సాగాలని తెలిపినట్టు పేర్కొంది రష్మిక.
అంతేకాదు అల్లు అర్జున్‌తో కలిసి నటించడం గొప్ప అనుభూతినిచ్చిందని, ఆయనతో ఇంకో వంద సినిమాలైనా చేస్తానని తెలిపింది. బన్నీ బెస్ట్ కోస్టార్‌ అని పేర్కొంది. ఆయనతో `నా స్వామి`.. పాటలో డాన్సు చేశాననంటే తనని తానే నమ్మలేకపోతున్నానని, అది నేనేనా చేసింది ఆశ్చర్యపోతుంటానని పేర్కొంది రష్మిక. ఆయన ఎనర్జీ మరో లెవల్ అని, ఇందులో మాస్‌ లుక్‌లో అదరగొడతారని, సినిమా కోసం చాలా కష్టపడ్డారని తెలిపింది రష్మిక.
ఇందులో రష్మిక.. శ్రీవల్లి అనే పూర్తి `రా`, డీ గ్లామర్ రోల్‌ చేస్తుంది. పుష్పరాజ్‌ క్రష్‌గా కనిపించబోతుంది. అందరు పుష్ప వెంటపడుతుంటే పుష్ప మాత్రం శ్రీవల్లి వెంటపడుతుంటాడట. సినిమా కథ తనకు తెలియదని, తన పాత్ర గురించి కూడా పూర్తిగా తెలియదని, సుకుమార్‌ సర్‌ సినిమా, ఆయన పిలుపుతో మరో ఆలోచన లేకుండా ఈ చిత్రం చేసేందుకు ఒప్పుకున్నానని, సినిమా కథ ఎలా ఉంటుందో రిలీజ్‌ రోజు ఆడియెన్స్ తో కలిసి చూస్తేనే తెలుస్తుందని చెప్పింది రష్మిక. కాకపోతే సుకుమార్‌ ఓ ప్రపంచాన్నే సృష్టించారని చెప్పింది రష్మిక.
తన పాత్ర కన్నింగ్‌గా ఉంటుందని, కాకపోతే అది ఫన్నీగా ఉంటుందని చెప్పింది. తాను ఇందులో డీ గ్లామర్ పాత్రలో కనిపిస్తానని, లుక్‌ కోసం మూడు సార్లు లుక్‌ టెస్ట్ చేసినట్టు చెప్పింది రష్మిక. ఈ సినిమా తనలోని మరో కొత్త యాంగిల్‌ని ఆవిష్కరిస్తుందని చెప్పింది.
బాలీవుడ్‌ సినిమాల గురించి చెబుతూ, అక్కడ `మిషన్‌ మజ్ను`, `గుడ్‌ బై` చిత్రాలు చేస్తున్నాని, `గుడ్‌బై`లో ఓ సాంగ్‌ బ్యాలెన్స్ ఉందని చెప్పింది. బాలీవుడ్‌ షూటింగ్‌ టైమ్‌లో చాలా మంది `పుష్ప` గురించి అడిగేవారని తెలిపింది. బిగ్‌బీతో వర్క్ చేయడం గొప్ప అనుభూతి అని, ఆయన తనకు ఓ తండ్రిలా కనిపించారని, చాలా బాగా చూసుకుంటారని తెలిపింది.
వర్కౌట్స్ గురించి చెబుతూ, వర్కౌట్స్ ప్రతి ఒక్కరికి అవసరం అని, అది స్ట్రెస్‌ నుంచి రిలీఫ్‌నిస్తుందని చెప్పింది. స్ట్రెస్‌ బస్టర్‌గా వర్కౌట్స్ ఉంటాయని తెలిపింది. అల్లు అర్జున్‌ `పుష్ప` షూటింగ్‌లో తనని రష్మిక బదులు క్రష్మిక అంటూ పిలిచే వారని, అది గౌరవంగా భావిస్తున్నట్టు చెప్పింది రష్మిక.
రష్మిక ప్రస్తుతం `పుష్ప`తోపాటు తెలుగులో `ఆడవాళ్లు మీకు జోహార్లు` చిత్రంలో నటిస్తుంది. దీంతోపాటు మరో సినిమాకి కమిట్‌ అయ్యిందట. ఆ వివరాలు త్వరలో వెల్లడించనున్నట్టు చెప్పింది. హిందీలోనూ `మిషన్‌ మజ్ను`, `గుడ్‌బై`తోపాటు మరో సినిమా చేస్తున్నట్టు చెప్పింది రష్మిక.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
