వైరల్ ఫోటోస్: రానా - మిహీకాల ప్రీ వెడ్డింగ్ షూట్
టాలీవుడ్ యంగ్ హీరో రానా వివాహ వేడుకకు ఘనంగా ఏర్పాట్లు జరుగుతన్నాయి. ఇప్పటికే రొకా కార్యక్రమం పూర్తి కాగా ఆగస్టు 8న పెళ్లికి ఏర్పాట్లు చేస్తున్నారు కుటుంబం సభ్యులు. అందులో భాగంగా తాజాగా ప్రీ వెడ్డింగ్ షూట్ను నిర్వహించారు.
టాలీవుడ్ మ్యాన్లీ హంక్ రానా దగ్గుబాటి త్వరలో పెళ్లి పీటలెక్కనున్న సంగతి తెలిసిందే. చాలా కాలంగా పెళ్లి మాటను వాయిదా వేస్తూ వచ్చిన ఈ యంగ్ హీరో ఇటీవల తన మనసుకు నచ్చిన అమ్మాయిని కుటుంభ్యులకు, అభిమానులకు పరిచయం చేశాడు. హైదరాబాద్కే చెందిన మిహీకా బజాజ్ను పెళ్లాడబోతున్నాడు రానా.
రానా చెప్పిన వెంటనే పెళ్లి ఏర్పాట్లలో మునిగిపోయారు కుటుంబ సభ్యులు. త్వరలో పెళ్లి భాజాలు మోగనున్నాయి. ఆగస్టు 8న వీరి వివాహం జరగనుంది. అయితే పెళ్లి ఏర్పాట్లలో భాగంగా ప్రీ వెడ్డింగ్ ఫోటోషూట్ను నిర్వహించారు. అందుకు సంబంధించిన మిహికా ఫోటోలు ఇప్పుడు సోషల్ మీడియాలో వైరల్గా మారాయి.
సెలబ్రేషన్స్ కొనసాగుతాయంటూ మిహికా ఈ ఫోటోలను షేర్ చేసింది. గార్జియస్ లుక్లో మిహికాను చూసిన రానా అభిమానులు పొంగిపోతున్నారు. ఈ సందర్భంగా తనను ఇంత అందంగా తయారు చేసిన డిజైనర్లకు ఆమె కృతజ్ఞతలు తెలియజేశారు. మిహికా షేర్ చేసిన ఫోటోలపై అభిమానులతో పాటు సెలబ్రిటీలు కూడా స్పందిస్తున్నారు.
కొంత కాలంగా ప్రేమించుకుంటున్న రానా - మిహికాలు ఇటీవల తమ ప్రేమ విషయాన్ని వెల్లడించారు. ఇరు కుటుంబాలు వీరి వివాహ వేడుకను ఘనంగా నిర్వహించేందుకు ఏర్పాట్లు చేస్తున్నారు. ఇప్పటికే రోకా కార్యక్రమాన్ని నిర్వహించగా.. ఆగస్టు 6, 7 తేదిల్లో మెహందీ, సంగీత్ కార్యక్రమాల్ని నిర్వహించబోతున్నట్టు సమాచారం.
తెలుగు, మార్వాడీ సాంప్రధాయం ప్రకారం పెళ్లి వేడుక జరగనుందని తెలుస్తోంది. హైదరాబాద్లోని ఫలక్నుమా ప్యాలెస్లో ఈ వేడుక జరగనుందని తెలుస్తోంది. ఇప్పటికే రానా నటించిన అరణ్య సినిమా రిలీజ్కు రెడీ అవ్వగా మరికొన్ని సినిమాలు నిర్మాణ దశలో ఉన్నాయి.
మిహికా బజాజ్
మిహికా బజాజ్