బీస్ట్ మోడ్ ఆన్ అంటున్న రాంచరణ్.. ఈసారి ఎలా కనిపిస్తాడో

మెగా పవర్ స్టార్ రాంచరణ్ నటిస్తున్న గేమ్ ఛేంజర్ చిత్రం ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. రాంచరణ్ తదుపరి చిత్రం చాలా ప్రతిష్టాత్మకంగా తెరకెక్కబోతోంది. బుచ్చిబాబు దర్శకత్వంలో రూపొందబోయే ఈ చిత్రానికి సంబంధించిన ప్రీ ప్రొడక్షన్ కార్యక్రమాలు ఆల్రెడీ మొదలయ్యాయి. 

అయితే రాంచరణ్ ఎప్పుడెప్పుడు షూటింగ్ మొదలు పెడతాడా అని అంతా ఎదురుచూస్తున్నారు. తాజాగా రాంచరణ్ ఈ చిత్రానికి సంబంధించి క్రేజీ అప్డేట్ ఇచ్చాడు. ఆర్సీ 16 చిత్రం కోసం రామ్ చరణ్ మేకోవర్ మార్చుకునే పనిలో ఉన్నారు. 

దీని గురించి కామెంట్ చేస్తూ సోషల్ మీడియాలో రాంచరణ్ పోస్ట్ పెట్టారు. బీస్ట్ మోడ్ ఆన్ అంటూ చరణ్ పోస్ట్ చేశారు. ఈ పిక్ లో రాంచరణ్ వర్కౌట్స్ కోసం రెడీ అవుతుండగా ఎదురుగా అతని ట్రైనర్ ఉన్నారు. విలేజ్ బ్యాక్ డ్రాప్ స్పోర్ట్స్ డ్రాగా తెరకెక్కే ఈ చిత్రంలో రాంచరణ్ లుక్ చాలా కీలకం అట. 

విజయనగరం బ్యాక్ డ్రాప్ లో ఈ చిత్రం ఉండబోతున్నట్లు తెలుస్తోంది. కథకి తగ్గట్లుగా రాంచరణ్ రగ్గడ్ లుక్ లో కనిపించాల్సి ఉంటుంది. ఇలాంటప్పుడు రంగస్థలం తో పోలికలు వస్తాయి. కనై రంగస్థలం చిత్రానికి దీనికి ఏమాత్రం సంబంధం లేదట. అదే విధంగా లుక్ కూడా ఊహించని విధంగా ఉండబోతున్నట్లు తెలుస్తోంది. 

మొత్తంగా రాంచరణ్ ఫ్యాన్స్ కోసం పెద్ద సర్ప్రైజ్ ప్లాన్ చేస్తున్నారు. ఈ చిత్రాన్ని మైత్రి మూవీ మేకర్స్ వాళ్ళు నిర్మిస్తున్నారు. రాంచరణ్ ధృవ, వినయ విధేయ రామ చిత్రాల్లో సిక్స్ ప్యాక్ లుక్ లో కనిపించారు. ఆర్ఆర్ఆర్ మూవీలో రాంచరణ్ ఫిజిక్ హైలైట్ గా నిలిచింది. రంగస్థలం చిత్రంలో బియర్డ్ లుక్ లో కనిపించాడు.