స్టయిల్‌ కా బాప్‌ అంటోన్న రకుల్ ప్రీత్ సింగ్‌.. ప్రియుడు వచ్చాక జోరు మామూలుగా లేదుగా..

రకుల్ ప్రీత్‌ సింగ్‌.. టాలీవుడ్‌లో స్టార్‌ హీరోయిన్‌గా రాణిస్తుంది. ఇటీవల తెలుగు సినిమాలు తగ్గించిన ఈ బ్యూటీ బాలీవుడ్‌లో వరుస ఆఫర్లతో దూసుకుపోతుంది. మరోవైపు త్వరలో పెళ్లికి సిద్ధమవుతుంది. ఇటీవల తన ప్రియుడిని పరిచయం చేసి ఫ్యాన్స్ ని సర్‌ప్రైజ్‌ చేసిన విషయం తెలిసిందే. 

రకుల్‌ ప్రీత్‌సింగ్‌(Rakul Preet Singh) దాదాపు పదేళ్లపాటు ఆడియెన్స్ ని అలరిస్తుంది. గ్లామర్‌తో మైమరపిస్తుంది. ముఖ్యంగా కమర్షియల్‌ సినిమాలకు బెస్ట్ ఆప్సన్‌గా నిలిచిన రకుల్ కి సక్సెస్‌లు తగ్గిపోయాయి. అదే సమయంలో ఆమె తెరపై కనిపించిన సందర్భాలు కూడా చాలా తక్కువే. కేవలం లవ్ ఇంట్రెస్ట్ గా కనిపించడంతో అవకాశాలు తగ్గిపోయాయి. 

దీంతో బాలీవుడ్‌పై ఫోకస్‌ పెట్టింది రకుల్‌. అక్కడ బ్యాక్‌ టూ బ్యాక్‌ సినిమాలతో దూసుకుపోతుంది. అయితే అక్కడ కూడా రకుల్ కి సక్సెస్‌ ఆమడ దూరంగా ఉండిపోతున్నాయి. ఇటీవల ఆమె నటించిన `మర్జావాన్‌`, `సిమ్లా మిర్చి`, `సర్దార్‌ కా గ్రాడ్సన్‌` చిత్రాలు పరాజయం చెందాయి. ప్రస్తుతం ఐదు హిందీ సినిమాల్లో నటిస్తుంది Rakul Preet Singh. ఈ సినిమాల రిజల్ట్ రకుల్‌ కెరీర్‌ ఆధారపడి ఉందని చెప్పొచ్చు. 

ఇదిలా ఉంటే ఇటీవల తన ప్రియుడిని అనౌన్స్ చేసి షాక్‌ ఇచ్చింది రకుల్. బాలీవుడ్‌ నటుడు, నిర్మాత జాకీ భగ్నానితో ప్రేమలో ఉన్నట్టు వెల్లడించింది. త్వరలో పెళ్లి కూడా చేసుకోబోతున్నట్టు వార్తలొస్తున్నాయి. ఇదిలా ఉంటే తాజాగా టైమ్స్ ఫ్రెష్‌ ఫేస్‌ సీజన్‌ 13 నేషనల్‌ గ్రాండ్‌ ఫినాలేలో పాల్గొంది. 

ముంబాయిలో సోమవారం సాయంత్రం ఈ ఈవెంట్‌ జరగ్గా ఇందులో రకుల్‌ ప్రీత్‌ సింగ్‌ పాల్గొని సందడి చేశారు. అంతేకాదు ఈ ఈవెంట్‌కి జడ్జ్ గా వ్యవహించింది. ఫైనలిస్ట్ ని నిర్ణయించింది. అయితే ఇందులో రకుల్‌ లుక్ మాత్రం హైలైట్‌గా నిలిచింది. ఆమె టాప్‌ టూ బాటమ్‌ రెడ్‌ డ్రెస్‌లో మెరిసిపోయింది. ఫ్యాషన్‌కి కేరాఫ్‌గా నిలిచింది. ప్రస్తుతం సోషల్‌ మీడియాలో ట్రెండింగ్ అవుతుంది. 

టైమ్స్ ఫ్రెష్‌ ఫేస్‌ సీజన్‌ 13 నేషనల్‌ గ్రాండ్‌ ఫినాలేలో ఫోటోలకు పోజులిచ్చింది రకుల్‌. ఫస్ట్ రన్నర్స్‌ అప్‌ దిగ్వేజ్‌ మోర్, అక్షిత, సెకండ్‌రన్నరప్‌ క్రిష్ణ, అంచల్‌లతో కలిసి రకుల్‌ ఫోజులిచ్చింది. ఫ్రెష్‌ ఫేస్‌లను మించిన అందంతో అందరిని కట్టిపడేసింది. ఆయా పిక్స్ ఇప్పుడు నెట్టింట చక్కర్లు కొడుతున్నాయి. ఇందులో కంటెస్టెంట్లు కూడా రకుల్‌ ఫ్యాషన్‌కి ఫిదా అయిపోవడం విశేషం. 

రకుల్‌ చివరగా తెలుగులో `చెక్‌` చిత్రంలో నటించింది. నితిన్‌ హీరోగా, ప్రియా ప్రకాష్‌ వారియర్‌ మరో కథానాయికగా నటించిన ఈ చిత్రానికి చంద్రశేఖర్‌ ఏలేటి దర్శకత్వం వహించారు. ఈ సినిమా బాక్సాఫీసు వద్ద పరాజయం చెందింది. దీంతో మళ్లీ మరే తెలుగు సినిమాకి కమిట్‌ కాలేదు రకుల్‌. కానీ ప్రస్తుతం `అక్టోబర్‌ 31 లేడీస్‌ నైట్‌` అనే తెలుగు, తమిళం బైలింగ్వల్‌ చిత్రం చేస్తుంది. 

ఇక హిందీలో ఏకంగా ఐదు సినిమాలు చేస్తుంది. `ఎటాక్‌`, `మేడే`, `థ్యాంక్‌ గాడ్‌`, `డాక్టర్‌ జీ`, `మిషన్‌ సిండెరెల్లా` చిత్రాలు చేస్తుంది. ఈ సినిమాలన్నీ భారీ కాస్టింగ్‌తో, భారీ బడ్జెట్‌తో రూపొందుతున్న చిత్రాలు కావడం విశేషం. వీటితో రకుల్‌ కెరీర్‌ మరో మలుపు తీసుకోబోతుందని చెప్పొచ్చు.