- Home
- Entertainment
- రకుల్ ప్రీత్ సింగ్కి గిఫ్ట్ గా హైదరాబాద్ ఇళ్లు? తండ్రి సీరియస్.. హీరోయిన్ అదిరిపోయే కౌంటర్
రకుల్ ప్రీత్ సింగ్కి గిఫ్ట్ గా హైదరాబాద్ ఇళ్లు? తండ్రి సీరియస్.. హీరోయిన్ అదిరిపోయే కౌంటర్
రకుల్ ప్రీత్ సింగ్ తనపై వచ్చిన వింత రూమర్పై స్పందించింది. హైదరాబాద్ ఇంటిని ఒకరు గిఫ్ట్ గా ఇచ్చారట. దీంతో ఆమె తండ్రి చాలా సీరియస్ అయ్యాడట.
బాలీవుడ్కి పరిమితమైన రకుల్ ప్రీత్ సింగ్
ఒకప్పుడు తెలుగులో స్టార్ హీరోయిన్గా రాణించింది రకుల్ ప్రీత్ సింగ్. కానీ ఇప్పుడు బాలీవుడ్కే పరిమితమయ్యింది. ఇంకా చెప్పాలంటే అక్కడ కూడా చాలా తక్కువగానే సినిమాలు చేస్తుంది. అజయ్ దేవగన్ ప్రోత్సాహంతో బాలీవుడ్లో బాగానే సినిమాలు చేసిన ఆమె ఇప్పుడు ఆయనతోనే ఓ మూవీ చేస్తుంది. ఈ క్రమంలో రకుల్ లేటెస్ట్ కామెంట్స్ వైరల్ అవుతున్నాయి.
రకుల్ ఫేస్ చేసిన వింత రూమర్
రకుల్ ప్రీత్ సింగ్ తాజాగా బాలీవుడ్లో ఓ మీడియాలో ముచ్చటించింది. ఇందులో భాగంగా ఇటీవల కాలంలో మీరు ఫేస్ చేసిన వింత రూమర్ ఏంటి? అని ప్రశ్నించారు యాంకర్. దీనికి రకుల్ ప్రీత్ సింగ్ స్పందించింది. హైదరాబాద్ ఇళ్లు విషయంలో ఒక వింత, విచిత్రమైన రూమర్ వచ్చిందని తెలిపింది.
రకుల్కి గిఫ్ట్ గా హైదరాబాద్ ఇళ్లు
హైదరాబాద్లో ఉన్న తన ఇంటిని ఒకరు గిఫ్ట్ గా ఇచ్చారనే రూమర్లు వ్యాపించాయని తెలిపింది. ఇది చాలా పెద్ద వింత రూమర్ అని చెప్పిన రకుల్ ప్రీత్ సింగ్, ఈ విషయం తన తండ్రికి తెలిసిందని, ఆయన చాలా సీరియస్ అయ్యాడని, పెద్ద రచ్చ చేశాడని, దీనికి గట్టి కౌంటర్ ఇవ్వాలని అగ్గిమీద గుగ్గిలం అయ్యాడని చెప్పింది రకుల్.
రూమర్పై రకుల్ ఫాదర్ సీరియస్
తాను చిన్నప్పట్నుంచి కష్టపడి, ఒక్కో రూపాయి పోగు చేసి ఈ ఇళ్లుని కొన్నానని, కానీ తన ఇంటిపై ఇలాంటి రూమర్ రావడం ఏంటి అని ఫాదర్ ఫైర్ అయ్యాడని చెప్పింది. దీనికి రకుల్ స్పందిస్తూ ఇలాంటి చెత్త రూమర్స్ వస్తుంటాయి, వాటిని పట్టించుకోవద్దని తండ్రికి చెప్పినట్టు వెల్లడించింది. మనం రియాక్ట్ అయితే వాళ్లు హైలైట్ అవుతారని, సైలెంట్గా ఉండటమే బెటర్ అని తండ్రిని కూల్ చేసిందట.
రకుల్ ప్రీత్ సింగ్ తెలుగు సినిమాలు
ప్రస్తుతం ఈ వీడియో క్లిప్ సోషల్ మీడియాలో వైరల్ అవుతుంది. `అన్ప్లగ్గుడ్ శుభాంకర్`కి ఇచ్చిన ఇంటర్వ్యూలో రకుల్ ఈ విషయాన్ని వెల్లడించింది. ఇక `కెరటం` సినిమాతో టాలీవుడ్లోకి ఎంట్రీ ఇచ్చిన ఢిల్లీ నటి రకుల్ తెలుగులో `వెంకటాద్రి ఎక్స్ ప్రెస్`తో విజయాన్ని అందుకుంది. వరుసగా `రఫ్`, `లౌక్యం`, `కరెంట్ తీగ`, `పండగ చేస్కో`, `కిక్ 2`, `బ్రూస్ లీ`, `నాన్నకు ప్రేమతో`, `సరైనోడు`, `ధృవ`, `విన్నర్`, `రారండోయ్ వేడుక చూద్దాం`, `జయ జానకి నాయక`, `స్పైడర్`, `మన్మథుడు 2`, `చెక్`, `కొండపొలం` వంటి చిత్రాల్లో నటించింది. ప్రస్తుతం హిందీలో `దే దే ప్యార్ దే 2`లో అజయ్ దేవగన్కి జోడీగా చేస్తుంది రకుల్.
ప్రియుడు జాకీ భగ్నానీని పెళ్లి చేసుకున్న రకుల్
ఇదిలా ఉంటే రకుల్ తన ప్రియుడు జాకీ భగ్నానీని ప్రేమించి పెళ్లి చేసుకుంది. 2021 నుంచి ప్రేమలో ఉన్న ఈ ఇద్దరు 2024 ఫిబ్రవరి 21న మూడు ముళ్ల బంధంతో ఒక్కటయ్యారు. గోవాలో హిందూ సాంప్రదాయం ప్రకారం పెళ్లి చేసుకున్నారు. ఇప్పుడు ఫ్యామిలీ లైఫ్ని లీడ్ చేస్తూనే సెలక్టీవ్ గా సినిమాలు చేస్తుంది రకుల్ ప్రీత్ సింగ్.
