మాజీ ప్రియుడు మోసం చేశాడన్న ఐటెమ్‌ బాంబ్‌ రాఖీ సావంత్‌.. ఘాటుగా స్పందించిన ఎక్స్ లవర్‌
మోస్ట్ కాంట్రవర్షియల్‌ నటి, హాట్‌ అందాల భామ రాఖీ సావంత్‌ చాలా సందర్బాల్లో ప్రియుడు అబిషేక్‌ అవస్థీ మోసం చేశాడని ఇటీవల `బిగ్‌బాస్‌14` హౌజ్‌లో ఆరోపించిన విషయం తెలిసిందే. ఈ నేపథ్యంలో తాజాగా మాజీ ప్రియుడు అభిషేక్‌ అవస్థీ స్పందించారు. ఆమె ఆరోపణలు ఖండించారు.
టీవీ నటుడు అభిషేక్‌ అవస్థీ.. రాఖీ సావంత్‌ ఆరోపణలపై తాజాగా జాతీయ మీడియాతో మాట్లాడారు. ఆమె ఆరోపణలు నిరాధారణమైనవని స్పష్టం చేశారు. తప్పుడు ఆరోపణలు చేస్తుందన్నారు.
రాఖీ ఆరోపణలతో తన భార్య అంకితా గోస్వామి కలత చెందుతుందని, ఆమె చాలా ఇబ్బంది పడుతుందని వాపోయారు. బిగ్‌బాస్‌ 14 హౌజ్‌లో తోటి కంటెస్టెంట్‌ రాహుల్‌ వైద్యతో జరిగిన కన్వర్జేషన్‌లో పదే పదే తనపై ఆరోపణలు చేసిందని ఆయన గుర్తు చేశారు. ఆమె చెప్పేదంతా అబద్దమన్నాడు. తాను ఎప్పుడూ రాఖీ గురించి మాట్లాడలేదని, ఎవరైనా రాఖీ గురించి నా వద్ద తప్పుగా మాట్లాడినా, ఇది మాట్లాడే సమయం కాదు, ఇక్కడ మాట్లాడకూడదని చెప్పే వాడినని అభిషేక్‌ అవస్థి చెప్పారు.
నిజానికి రాఖీ చాలా భిన్నమైన వ్యక్తి. మేమిద్దరం కలిసి చాలా తిరిగాం. చాలా మెమరీస్‌ పంచుకున్నారు. ఆమెతో చాలా ఉన్నన్ని రోజులు గొప్ప సమయంగా భావిస్తున్నా. కానీ ఆమె నాపై ఇలా ఆరోపణలు చేయడం, ఫ్రెండ్స్ ప్రస్తావన తేవడం ఏంటో అర్థం కావడం లేదు. ఇంతకి వాళ్లెవరో నాకు తెలియదు.
అభిషేక్‌ ఇంకా స్పందిస్తూ, ఆమెని మోసం చేసే దైర్యం నాకు లేదు. నిజం చెప్పండి, నాతో రాఖీ ఉందని తెలిసి ఏ అమ్మాయి అయినా నాతో డేట్ చేస్తుందా. అంత ధైర్యవంతురాలైన అమ్మాయి ఎవరూ లేరు. రెండు కంటే ఎక్కువ సార్లు నన్ను రెడ్‌ హ్యాండెడ్‌గా పట్టుకున్నట్టు రాఖీ చెప్పింది. ఎవరైనా తన బాయ్‌ఫ్రెండ్‌ తనని మోసం చేస్తున్నాడంటే అంత ఈజీగా వదిలేస్తారా? అని ప్రశ్నించారు.
రాఖీ ఆరోపణలతో నా భార్య చాలా కలత చెందింది. దీన్ని క్లీయర్‌ చేయమని చెప్పింది. తనని ఎందుకు ఇందులోకి లాగుతుందని ప్రశ్నించింది. తానెప్పుడూ ఆమె గురించి ఎలాంటి వ్యాఖ్యలు చేయలేదు. మరి ఆమెందుకు నాపై బురద జల్లుతుందో చెప్పాలంటోంది. అందుకు నా వద్ద సమాధానం లేదు. నాకు పెళ్లైంది. ఇప్పుడు నా గత గాసిప్ ల గురించి మాట్లాడుకోవడానికి సిద్ధంగా లేను. నాకు అందమైన భార్య ఉంది. సమాధానం చెప్పడానికి రెండు కుటుంబాలున్నాయి. ఇలాంటి సమయంలో ఓ జాతీయ టీవీలో ఇలాంటి తప్పుడు ఆరోపణలు చేయడం సరికాదు. పైగా ఆమె గురించి నేను ఎలాంటి వ్యాఖ్యలు చేయలేదు. కానీ ఆమె చాలా చెడ్డగా మాట్లాడటం కరెక్ట్ కాదు` అని చెప్పాడు.
ఈ సందర్భంగా బిగ్‌బాస్‌ నిర్వహకులకు కూడా పలు సూచనలు చేశాడు అభిషేక్‌. ఇలాంటి వాదనలను ప్రసారం చేయడానికి ముందు బిగ్‌బాస్‌ నిర్వహకులు తమ ప్రతిష్ట గురించి ఆలోచించాలన్నారు. ఒక వ్యక్తి ఏదో చెప్పడం తప్పు. ప్రపంచం మొత్తం దీన్ని నమ్ముతుంది. మీరు టీవీతో ఆటలాడుకుంటారు. ఇది నా ప్రతిష్టకి హాని చేస్తుంది. నా జీవితాన్ని కష్టాల్లో పడేస్తుంది` అని చెప్పాడు.
ఇది జరిగిన అనంతరం హోస్ట్ సల్మాన్‌.. రాఖీని హౌజ్‌లోకి పిలిచి ఆమెపై మండిపడ్డారు. ఇతరులపై ఆమె ప్రవర్తన సరిగా లేదని, మార్చుకోవాలని స్పష్టం చేశారు. అంతేకాదు ఆమెని వెంటనే షో నుంచి వైదొలగాలని చెప్పాడు. మరి ఇది ఎలాంటి పరిణామాలకు దారి తీస్తుందో చూడాలి. ప్రస్తుతం ఇది హిందీ మీడియాలో హాట్‌ టాపిక్‌గా మారింది.
ఇదిలా ఉంటే ప్రస్తుతం రాఖీ సావంత్‌ `బిగ్‌బాస్‌ 14` లో కంటెస్టెంట్‌గా ఉన్నారు. ఆమె ఓ టాస్క్ లో భాగంగా తోటి కంటెస్టెంట్‌ రాహుల్‌ వైద్యతో తనని అభిషేక్‌ అవస్థీ చాలా సార్లు మోసం చేశాడని, తన ఫ్రెండ్స్ తో కలిసి మోసం చేశారని ఆరోపణలు చేసింది. ఇది దుమారం రేపాయి. ఈ నేపథ్యంలో తాజాగా నటుడు అభిషేక్‌ అవస్థీ స్పందించి క్లారిటీ ఇచ్చారు. ఆమెపై మండిపడ్డారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
