ఆ మణిరత్నం సినిమా ఇప్పుడు వస్తే థియేటర్లు తగలబడిపోతాయి.. సినిమాటోగ్రాఫర్‌ సంచలన కామెంట్స్

లెజెండరీ దర్శకుడు మణిరత్నం రూపొందించిన చిత్రాల్లో సెన్సిబులిటీస్‌ ఉంటాయి. అదే సమయంలో ఆయన పలు పొలిటికల్‌ సెటైర్లు కూడా తెరకెక్కించారు. ఒకప్పుడు జరిగిన కొన్ని రాజకీయ పరిణామాలపై ఆయన సినిమాలు తీసి సంచలనం సృష్టించారు. ఆయా మూవీస్‌ సంచలన విజయాలు కూడా సాధించాయి. కానీ ఆయన తీసిన ఒక సినిమా ఇప్పుడు విడుదలైతే, దాన్ని ఇప్పుడు తీస్తే దేశం అల్లకల్లోలం అవుతుందని, థియేటర్లు తగలబడిపోతాయని అన్నారు ప్రముఖ సినిమాటోగ్రాఫర్‌. ఆ కథేంటో చూద్దాం. 

రాజీవ్ మేనన్ బాంబే సినిమాపై వ్యాఖ్యలు : అరవింద్ స్వామి, మనీషా కొయిరాలా నటించిన 'బాంబే' సినిమా విడుదలై 30 ఏళ్లు పూర్తవుతున్న సందర్భంగా O2 ఇండియాకు ఇచ్చిన ఇంటర్వ్యూలో, ఈ సినిమాను నేడు విడుదల చేస్తే థియేటర్లకు కొందరు నిప్పు పెట్టేవారని రాజీవ్ మేనన్ అన్నారు.

30 ఏళ్ల క్రితం 'బాంబే' విడుదలైనప్పుడు ఉన్నదానికంటే ఇప్పుడు భారతదేశంలో సహనం తగ్గిందని రాజీవ్ మేనన్ ఇంటర్వ్యూలో తెలిపారు. ప్రజలు సినిమాపై తీవ్ర వ్యతిరేకత వ్యక్తం చేయవచ్చు, కొందరు థియేటర్‌కు నిప్పు పెట్టినా ఆశ్చర్యం లేదన్నారు. 

బాంబే సినిమా

బాంబే సినిమాను ఇప్పుడు తీయలేము

“ప్రస్తుత పరిస్థితుల్లో 'బాంబే' లాంటి సినిమా తీయడం కష్టం. ఎందుకంటే భారతదేశ వాతావరణం చాలా అల్లకల్లోలంగా ఉంది. ప్రజలు చాలా తీవ్రమైన వైఖరిని తీసుకుంటున్నారు. మతం పెద్ద సమస్యగా మారింది. 'బాంబే' లాంటి సినిమా తీసి థియేటర్‌లో విడుదల చేస్తే థియేటర్‌కు నిప్పు పెట్టవచ్చు. గత 25-30 ఏళ్లలో భారతదేశంలో సహనం తగ్గిపోయింది” అని రాజీవ్ మేనన్ అన్నారు.

మణిరత్నం

మణిరత్నం తీసిన రాజకీయ చిత్రాలు

1995 మార్చి 10న విడుదలైన 'బాంబే' విమర్శకుల ప్రశంసలు, వాణిజ్యపరంగా విజయం సాధించింది. అదే పేరుతో హిందీలో కూడా సినిమా విడుదలైంది. 1992 డిసెంబర్ నుండి 1993 జనవరి వరకు జరిగిన ముంబై అల్లర్లలో చిక్కుకున్న ప్రేమ జంట కథను ఈ చిత్రం చెప్పింది.

భారత రాజకీయాలను కేంద్రంగా చేసుకుని మణిరత్నం తీసిన మూడు చిత్రాల్లో రెండో చిత్రం 'బాంబే'. 1992లో విడుదలైన 'రోజా', 1998లో విడుదలైన 'దిల్ సే' మిగిలిన రెండు చిత్రాలు కావడం విశేషం. 

థగ్ లైఫ్

మణిరత్నం తదుపరి చిత్రం థగ్ లైఫ్

ప్రస్తుతం కమల్ హాసన్ నటిస్తున్న కొత్త చిత్రానికి మణిరత్నం దర్శకత్వం వహిస్తున్నారు. 'థగ్ లైఫ్' పేరుతో తెరకెక్కుతున్న ఈ చిత్రం జూన్ 5న థియేటర్లలో విడుదల కానుంది. 38 ఏళ్ల తర్వాత కమల్ హాసన్, మణిరత్నం కలిసి పనిచేస్తున్న చిత్రమిది.

ఇంతకుముందు 'నాయకుడు' చిత్రంలో ఇద్దరూ కలిసి పనిచేశారు. కమల్ హాసన్ రాజ్ కమల్ ఫిల్మ్స్, మణిరత్నం మద్రాస్ టాకీస్, ఉదయనిధి స్టాలిన్ రెడ్ జెయింట్ మూవీస్  ఈ మూడు సంస్థలు కలిసి ఈ చిత్రాన్ని నిర్మిస్తున్నాయి.

జయం రవి, త్రిష, దుల్కర్ సల్మాన్, అభిరామి, నాజర్ వంటి పెద్ద తారాగణం ఈ చిత్రంలో నటిస్తున్నట్లు మొదట ప్రకటించారు. అయితే డేట్స్  సమస్య కారణంగా దుల్కర్ సల్మాన్, జయం రవి చిత్రం నుండి తప్పుకున్నారు. దుల్కర్ సల్మాన్ స్థానంలో సింబు, జయం రవి స్థానంలో అశోక్ సెల్వన్ నటించారు. ఇటీవలే ఈ చిత్రంలోని మొదటి పాటని విడుదల చేశారు.