రహస్యం చెప్పిన రజినీకాంత్, తన ఆరోగ్యం గురించి ఏమన్నాడంటే..?

రజనీకాంత్ తమిళ చిత్రసీమలోనే కాకుండా మొత్తం  ఇండియన్ ఫిల్మ్ఇండస్ట్రీకే ఐకాన్ యాక్టర్ గా నిలిచారు. అన్ని భాషల్లో రజినీకాంత్ కు భారీగా ఫ్యాన్స్ ఉన్నారు. దాదాపు 45 ఏళ్లుగా సూపర్‌స్టార్‌గా ఫిల్మ్ ఇండస్ట్రీలో  కొనసాగుతున్న రజనీకి తమిళనాడులోనే కాకుండా భారతదేశంలోనే కాకుండా ప్రపంచ వ్యాప్తంగా కోట్లాది మంది అభిమానులు ఉన్నారు.

ప్రస్తుతం 71 ఏళ్ల వయసులో ఉన్న రజనీకాంత్..  ఇప్పటికీ అదే ఊపు.. అదే  స్టైల్‌ మెయింటేన్ చేస్తూ.. ఫ్యాన్స్ ను.. కామన్ ఆడియన్స్ ను అలరిస్తున్నారు. తన సినిమాలతో  ఆకట్టుకుంటున్నాడు. మధ్యలోకోన్ని ప్లాప్ లు ఎదురయినా.. రజినీకాంత్ పని అయిపోయిందని కొంత మంది విమర్షించినా.. జైలర్ సినిమాతో ఆ విమర్షలకు గట్టిగా సమాదానం చెప్పాడు తలైవా. 
 

సూపర్ స్టార్ రజినీకాంత్  దాని ప్రకారం రజనీ గత చిత్రం జైలర్ విడుదలైంది. నెల్సన్ దర్శకత్వం వహించిన ఈ చిత్రం బాక్సాఫీస్ వద్ద భారీ విజయాన్ని సాధించింది.దీని తర్వాత రజనీ జ్ఞానవేల్ దర్శకత్వంలో వేడియాన్‌లో నటించారు. ఈ చిత్రాన్ని వచ్చే దీపావళి పండుగకు విడుదల చేయాలని భావిస్తున్నారు. దీని తర్వాత రజనీకాంత్ ప్రస్తుతం లోకేష్ కనగరాజ్ దర్శకత్వంలో కూలీ చిత్రంలో నటిస్తున్నారు. 
 

ఈ నేపథ్యంలో రజనీకాంత్ తన ఆరోగ్యం గురించి మాట్లాడిన పాత వీడియో ఇంటర్నెట్‌లో వైరల్ అవుతోంది. ఈ వీడియోలో రజనీ మాట్లాడుతూ.. ''ఒకసారి నేను, నా భార్య పెళ్లికి వెళ్లాం. ఆ పెళ్లిలో వడ్డించిన భోజనం చాలా బాగుంది. వంట మనిషి ఎవరని ఆరా తీశాం. అతని పేరు నారాయణన్. అప్పటికే మా ఇంట్లో ఉన్న వంటమనిషికి ఆరోగ్యం బాగోలేదని వండడానికి వస్తావా అని అడిగాము. తాను కూడా వస్తానని చెప్పి ఇంటికి రాగానే వంట చేయడం ప్రారంభించాడు.
 

అతను వండిన వంటలన్నీ చాలా రుచిగా ఉన్నాయి. ఇంత రుచిగా మనం ఎప్పుడూ తినలేదు. ఒకానొక సమయంలో నాకు  నా భార్యకు అధిక రక్తపోటు వచ్చింది. అప్పుడు మేము ఇంట్లో తినడానికి  ఫ్రెండ్స్ ను కూడా ఇన్ వైట్ చేశాము..అప్పుడు వాళ్లు ఏమన్నారంటే..

ఇంత ఉప్పగానూ, నూనెతో ఫుడ్  ఎలా తింటావు అని అడిగాడు ఆ మిత్రుడు. అప్పుడు.. వెంటనే  చెఫ్‌ని మార్చేసి, వంట మార్చేసి.. కాస్త క్రమశిక్షణ అలవాటు చేసుకున్నాము...వెంటనే  బీపీ తగ్గిందని తెలిపారు రజినీకాంత్.