జీవితని ప్రేమించి కారులో మరో అమ్మాయితో రాజశేఖర్.. పెళ్లి వద్దని ఏడ్చేస్తూ, లవ్ స్టోరీలో షాకింగ్ ట్విస్ట్

యాంగ్రీ హీరో రాజశేఖర్, ఆయన సతీమణి జీవిత తరచుగా వార్తల్లో కెక్కడం చూస్తూనే ఉన్నాం. తమ లవ్ స్టోరీ గురించి జీవిత షాకింగ్ ఫ్యాక్ట్స్ రివీల్ చేసింది. ఇద్దరికీ పరిచయం అయ్యాక కొన్ని రోజులకు రాజశేఖర్ గారు ఒక అమ్మాయిని పెళ్లి చేసుకోవాలని డిసైడ్ అయ్యారు.

యాంగ్రీ హీరో రాజశేఖర్, ఆయన సతీమణి జీవిత తరచుగా వార్తల్లో కెక్కడం చూస్తూనే ఉన్నాం. ఒక రకంగా రాజశేఖర్ గరుడవేగ చిత్రంతో సెకండ్ ఇన్నింగ్స్ ప్రారంభించారు. ప్రస్తుతం ఆయన ఎక్కువగా థ్రిల్లర్ చిత్రాలపై ఆసక్తి చూపుతున్నారు. 

టాలీవుడ్ కి సంబంధించిన కార్యక్రమాల్లో జీవిత, రాజశేఖర్ వివాదాలతో హాట్ టాపిక్ అవుతుంటారు. మా అసోసియేషన్ ఎన్నికలు, ఇతర కార్యక్రమాల్లో రాజశేఖర్ చేసే హంగామా ఎలా ఉంటుందో తెలిసిందే. అయితే రాజశేఖర్ ముక్కుసూటి వ్యక్తిత్వం కాబట్టి ఏది దాచుకోకుండా మాట్లాడేస్తారని అంటుంటారు. జీవిత, రాజశేఖర్ ఇద్దరూ నటులే. వీరిద్దరూ ప్రేమించుకుని 1991లో వివాహం చేసుకున్నారు. 

అంకుశం, ఆహుతి, మగాడు లాంటి చిత్రాల్లో జీవిత, రాజశేఖర్ కలసి నటించారు. వీరిద్దరూ అన్యోన్య దాంపత్యం సాగిస్తూ తమ పిల్లలు శివాని, శివాత్మిక లని ఇండస్ట్రీలో స్టార్స్ గా తీర్చిదిద్ధేందుకు ప్రయత్నిస్తున్నారు. తాజాగా జీవిత, రాజశేఖర్.. కమెడియన్ వెన్నెల కిషోర్ హోస్ట్ గా చేస్తున్న అలా మొదలయింది అనే షోలో పాల్గొన్నారు. 

ఈ ఎపిసోడ్ కి సంబంధించిన ప్రోమో విడుదలయింది. ఈ ప్రోమో చూస్తుంటే.. వెన్నెల కిషోర్.. వీరిద్దరి జీవితంలో ఎవరికి తెలియని ఫ్యాక్ట్స్ ని బయటపెట్టినట్లు తెలుస్తోంది. జీవిత, రాజశేఖర్ లవ్ స్టోరీ గురించి ఈ ప్రోమోలో ఆశ్చర్యపోయే నిజాలు ఉన్నాయి. 

అసలు మీ ఇద్దరి స్టోరీ ఎలా మొదలయింది అని వెన్నెల కిషోర్ అడగగా.. పాతికేళ్ల క్రితం అడగాల్సిన ప్రశ్న ఇప్పుడు అడుగుతావా అంటూ రాజశేఖర్ సరదాగా బదులిచ్చారు. జీవిత మాట్లాడుతూ నా రెండవ చిత్రంలోనే రాజశేఖర్ గారు హీరోగా చేయాలి. కానీ కొన్ని కారణాలవల్ల ఆయన చేయలేదు. వెంటనే రాజశేఖర్ మాట్లాడుతూ.. కొన్ని కారణాలు కాదు.. హీరోయిన్ బాగాలేదు మార్చండి అని చెప్పా. 

ఆ తర్వాత పేపర్ లో చూస్తే హీరోనే మార్చేశారు అని న్యూస్ వచ్చింది అంటూ నవ్వులు పూయించారు. ఆ తర్వాత జీవిత రాజశేఖర్ ని ఇమిటేట్ చేయడం, రాజశేఖర్ ఆమెకి ప్రపోజ్ చేయడం లాంటి సరదా సన్నివేశాలు ఈ కార్యక్రమంలో చోటు చేసుకున్నాయి. ఇద్దరూ పూల దండలు కూడా మార్చుకున్నారు. 

అయితే చివర్లో తమ లవ్ స్టోరీ గురించి జీవిత షాకింగ్ ఫ్యాక్ట్స్ రివీల్ చేసింది. ఇద్దరికీ పరిచయం అయ్యాక కొన్ని రోజులకు రాజశేఖర్ గారు ఒక అమ్మాయిని పెళ్లి చేసుకోవాలని డిసైడ్ అయ్యారు. నాకు చాలా బాధ అనిపించింది. చాలా డిప్రెషన్ ఫీల్ అయ్యా. ఏడ్చేశాను. ఆయనకి అంబాసిడర్ కారు ఉండేది. అదే కారులో ఆయన పక్కన ఆ అమ్మాయి కూర్చుంది. నేను వెనుకాల కూర్చోవలసి వచ్చింది. 

ఆ తర్వాత జీవిత రాజశేఖర్ ని పట్టుకుని.. పెళ్లి చేసుకోకపోయినా పర్వాలేదు.. నేను మీతోనే ఉంటాను అని చెప్పి ఏడ్చేసిందట. ఆయనతో ప్రేమలో నేను నిజాయతీగా ఉన్నా. అదే మా ఇద్దరిని కలిపింది జీవిత అన్నారు. వీరిద్దరి పూర్తి లవ్ స్టోరీ గురించి తెలుసుకోవాలంటే అలా మొదలైంది షో పూర్తిగా చూడాల్సిందే. ఈ ఎపిసోడ్ ని ఏప్రిల్ 11న టెలికాస్ట్ చేయనున్నారు.