Brahmamudi: భార్యని రౌడీల చెరనుంచి కాపాడిన రాజ్.. కళ్యాణ్ ను ఆట ఆడుకుంటున్న అనామిక?

Brahmamudi: స్టార్ మా లో ప్రసారం అవుతున్న బ్రహ్మముడి సీరియల్ మంచి రేటింగ్ తో టాప్ సీరియల్స్ సరసన స్థానం సంపాదించుకుంటుంది. కోడలు తనకి ఎదురు మాట్లాడిందని పనిష్మెంట్ ఇచ్చిన ఒక అత్త కథ ఈ సీరియల్. ఇక ఈరోజు ఆగస్టు 26 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో నేను సెవెన్ హిల్స్ హాస్పిటల్ దగ్గర మీకోసం వెయిట్ చేస్తూ ఉంటాను అక్కడికి మీరు వచ్చేయండి మంచి గిఫ్ట్ ఇస్తాను అంటుంది అనామిక. సరే అని ఫోన్ పెట్టేస్తాడు కళ్యాణ్. మరోవైపు ఆటో కోసం ఎదురు చూస్తూ ఉంటుంది కావ్య. అయితే ఆమెని ముగ్గురు రౌడీలు ఏడిపిస్తూ ఉంటారు. అప్పుడే రాజ్ కారులో అటువైపు వెళుతూ ఆ సీన్ చూసి కారు ఆపుతాడు. ఇంట్లో నామీద నోరు వేసుకొని పడిపోతుంది. వాళ్ళని ఏమీ అనటం లేదు ఏంటి? దద్ధిలాగా వింటుంది అని మనసులో అనుకుంటాడు రాజ్.

నన్ను భార్యగా ఒప్పుకోనున్నారు కదా చూద్దాము ఆయనలోని భర్త నన్ను కాపాడుతాడో లేదో అనుకుంటుంది కావ్య. రౌడీల చేష్టలు మితిమీరటంతో వాళ్లని కొట్టి కావ్యని తన కారులో తీసుకువస్తాడు రాజ్. కార్లో కూర్చున్న కావ్య నన్ను మీ భార్యగా యాక్సెప్ట్ చేయను అన్నారు కదా మరి ఎందుకు ఒక భర్తగా నన్ను వాళ్ళ దగ్గర నుంచి సేవ్ చేశారు అని అడుగుతుంది. కావ్యతో మాట్లాడడం ఇష్టం లేక ఫోన్లో మాట్లాడుతున్నట్టుగా మాట్లాడుతూ ఎందుకు అలా తల తింటావు కాముగా నోరు మూసుకొని కూర్చో అని హెచ్చరిస్తాడు  రాజ్.

బయటికి కోపం ప్రదర్శిస్తున్నా మనసులో నా మీద ప్రేమ ఉంది. ఏదో ఒక రోజు దాన్ని బయటికి తీసుకు వస్తాను అనుకుంటుంది కావ్య. మరోవైపు కళ్యాణ్ అప్పుతో కలిసి అనామిక దగ్గరికి బయలుదేరుతాడు. దారిలో కళ్యాణ్ బండి పాడైపోతుంది. దాన్ని తోసుకుంటూ నడుచుకొని వస్తూ ఉంటారు కళ్యాణ్, అప్పు. అనామికని కలవాలి లేటైపోతుంది ఇప్పుడు ఎలాగా అని తెగ బాధ పడిపోతాడు కళ్యాణ్. ఇలోగా క్యాబ్ ఒకటి వస్తే అప్పుని అక్కడే వదిలేసి క్యాబ్ ఎక్కి వెళ్ళిపోతాడు కళ్యాణ్.

ఆ కార్ డ్రైవ్ చేస్తున్నది అనామిక కానీ కళ్యాణ్ గుర్తుపట్టడు. ఎందుకు సార్ అంత కంగారు పడుతున్నారు. ఇంటర్వ్యూ కి వెళ్తున్నారా అని అడుగుతుంది అనామిక. లేదు నా అభిమాన రాక్షసిని కలవడానికి వెళ్తున్నాను అంటాడు కళ్యాణ్. అంత తిట్టుకుంటూ ఆవిడని కలవడం ఎందుకు అంటుంది అనామిక. ఆ అమ్మాయి మీద కోపం లేదు కాకపోతే నన్ను తిప్పిస్తుంది ఆ ఫ్రస్టేషన్ అంతే అంటాడు కళ్యాణ్. కళ్యాణ్ మాటలకి నవ్వుకుంటుంది అనామిక. నేరుగా హోటల్ దగ్గర కళ్యాణ్ ని దింపేసి తను ముందుకు వెళ్ళిపోతుంది.

హోటల్ లోకి వెళ్లిన కళ్యాణ్ కి బ్లూ సారీ లో ఒక అమ్మాయి కనిపిస్తుంది. నేనే అనామిక త్వరగా మాట్లాడేసి వెళ్ళిపోదాం లేదంటే మా ఆయన చూస్తారు అంటుంది ఆమె. ఒక్కసారిగా షాక్ అవుతాడు కళ్యాణ్. మీకు పెళ్లయిందా అని అడుగుతాడు. ఏం మీ అభిమానులు పెళ్లి చేసుకోకూడదా అయినా ఇదిగోండి మీకోసం గిఫ్ట్ తీసుకొచ్చాను అని ఇవ్వబోతుంది. ఆమె. నాకెందుకు మీ ఆయనకే ఇవ్వండి అంటాడు. ఆయనకి ఆల్రెడీ ఇచ్చేసాను ఇప్పుడు నేను ప్రెగ్నెంట్ ని అంటుంది ఆమె.

కళ్యాణ్ డిసప్పాయింట్మెంట్ బయట నుంచి చూస్తూ ఎంజాయ్ చేస్తూ ఉంటుంది అనామిక. బలవంతంగా గిఫ్ట్ కళ్యాణ్ చేతిలో పెట్టి మీ కోసమే తెచ్చాను తీసుకోండి అనడంతో మొఖం మాడ్చుకొని బయటకు వెళ్ళిపోతాడు కళ్యాణ్. ఆ తర్వాత ఫ్రెండ్ దగ్గరికి వస్తుంది అనామిక. ఇద్దరూ బాగా నవ్వుకుంటారు. ఎందుకు అతన్ని అలా ఏడిపిస్తావు అంటుంది ఫ్రెండ్. నాకోసం ఒక అబ్బాయి అలా తిరుగుతూ ఉంటే నచ్చింది అంటుంది అనామిక. బయటికి వచ్చిన కళ్యాణ్ అప్పుని అక్కడే వదిలేసాను ఏం చేస్తుందో అంటూ కంగారుగా బయలుదేరుతాడు.

మరోవైపు ఇంట్లో అందరికీ స్ట్రాంగ్ వార్నింగ్ ఇస్తుంది అపర్ణ. ఇప్పుడు ఆ మట్టి మనిషి వచ్చే టైం అయింది తనతో ఎవరు మాట్లాడకూడదు అని చెప్తుంది. ఇంతలో రాజ్ తో పాటు కావ్య కారు దిగడం చూసి షాక్ అవుతుంది అపర్ణ. మేమందరం కాదు ముందు నీ కొడుకే నీ మాట వినేలాగా లేడు అని రెచ్చగొడుతుంది రుద్రాణి. ఆ తరువాత కావ్య కాపీ కలిపితే ఎవరూ తీసుకోరు. తరువాయి భాగంలో కావ్యతో నీకు రెండు ఆప్షన్లు ఉన్నాయి ఒకటి నీ అత్త కాలి కింద బానిసలాగా పడి ఉండడం లేదంటే నీ పుట్టింటికి వెళ్లి మట్టి పిసుక్కోపోవడం అంటుంది రుద్రాణి.