Brahmamudi: ఇల్లు గురించి కనకం కఠిన నిర్ణయం తీసుకోనుందా.. కావ్య ప్రాబ్లం క్లియర్ చేసిన రాజ్!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి కంటెంట్ తో మంచి రేటింగ్ ని సంపాదించుకుంటుంది. తల్లిదండ్రులు కష్టంలో ఉన్నారని తెలుసుకొని సాయం చేయలేక ఇబ్బంది పడుతున్న ఒక కూతురి కథ ఈ సీరియల్. ఇక ఈరోజు ఆగస్టు 2 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో దిగులుగా గదిలోకి వచ్చిన కావ్యని ఏం జరిగింది అని అడుగుతాడు రాజ్. ఏం లేదు అని చెప్పి ముభావంగా వెళ్ళిపోతుంది కావ్య. తను ఎందుకు అలా ఉంది కళ్యాణ్ ని అడిగి తెలుసుకుందాం అని చెప్పి కళ్యాణ్ ద్వారా నిజం తెలుసుకుంటాడు రాజ్. నేను సాయం చేస్తానంటే ఒప్పుకోవటం లేదు నువ్వు ఎలాగైనా వదినకి సాయం చెయ్యు అంటాడు కళ్యాణ్.

ఏం..నాకు చెప్పొచ్చు కదా, మనమే కష్టం తెలుసుకొని సాయం చేయాలా అంటూ కోపంగా అక్కడి నుంచి వెళ్ళిపోతాడు రాజ్. ఈగో ఇద్దరి చుట్టూ వైఫై లాగా తిరుగుతుంది అని బాధపడతాడు కళ్యాణ్. ఆ తర్వాత రాజ్ నిద్రపోతాడు కానీ కావ్య డిజైన్స్ గీయటానికి కూర్చుంటుంది. కానీ తల్లిదండ్రులకి ఎలా హెల్ప్ చేయాలి అని ఆలోచనతో డిజైన్స్ సరిగ్గా వేయలేకపోతుంది. అదే సమయం లో మెలకువ వచ్చిన రాజ్ కావ్య పరిస్థితిని గమనించి డిజైన్స్ గురించి ఐడియా రాకపోతే పడుకో అలా డిస్టర్బ్ అవ్వకు అంటాడు.

 నీకు వచ్చిన కష్టం ఏమిటో చెప్తే వీలైతే తీరుస్తాను అంటాడు. భర్తకి చెప్పటం ఇష్టం లేక పడుకుంటున్నాను అంటూ పడుకుండిపోతుంది కావ్య. పొగరు అని కావ్యని తిట్టుకొని తను కూడా పడుకుంటాడు. తెల్లారి లేచిన తర్వాత డిస్టబెన్స్ గా ఉన్న కావ్య  పనులు సరిగ్గా చేయలేకపోతోంది. అపర్ణ చేత తిట్లు తింటుంది. ఇంత చిన్న విషయానికే ఎందుకు కోప్పడతావు అంటూ భార్యని మందలిస్తాడు సుభాష్. ఇదంతా డాబా మీద నుంచి గమనిస్తాడు రాజ్. తను ఆఫీస్ కి బయలుదేరుతుంటే కావ్య డిజైన్స్ తీసుకొని వచ్చి భర్తకి ఇస్తుంది. చాలా బాగున్నాయి అని చెప్పి ఆమెకి 50,000 ఇవ్వబోతాడు రాజ్.

 కావ్య తీసుకోవటానికి ఇష్టపడదు కానీ నువ్వు డబ్బులు తీసుకోకపోతే నాకు ఈ డిజైన్స్ వద్దు అని చెప్పడంతో ఆ డబ్బులు తీసుకుంటుంది. ఆనందంగా భర్తకి వీడ్కోలు చెప్తుంది. ఇదంతా చూసిన కళ్యాణ్ ప్రాబ్లమ్స్ సాల్వ్ అయినట్లుగా ఉంది అని కావ్యతో అంటాడు. అంతా దేవుని దయ అంటుంది కావ్య. కష్టం నీది క్రెడిట్ ఆ దేవుడిదా అంటాడు కళ్యాణ్. మరోవైపు ఇల్లు సీతారాం కే అమ్మడానికి నిశ్చయించుకుంటాడు  కృష్ణమూర్తి. వాడు మరి తక్కువకి అడుగుతున్నాడు అయినా నువ్వు మనస్ఫూర్తిగానే వీళ్ళు నమ్ముతున్నావా అని బాధగా భర్తని అడుగుతుంది కనకం.

ఈ ఇంటిని నేనెప్పుడూ ఇల్లు లాగా చూడలేదు. మన కుటుంబ సభ్యులలో ఇది కూడా ఒకటి అనుకున్నాను అని ఎమోషనల్ అవుతాడు కృష్ణమూర్తి. అయినా ఇప్పుడు ఇల్లు అమ్మక తప్పడం లేదు. ఇప్పుడు మన పరిస్థితి బస్తీలో అందరికీ తెలుసు. ఎవరైనా ఇలాగే అడుగుతారు ఇంకో పది రోజులు పోతే ఇంట్లో ఉండడం వల్లే వాళ్లకి ఇన్ని కష్టాలు అని చెప్పి పుకార్లు పుట్టిస్తారు. అప్పుడు వచ్చిన డబ్బు కూడా రాదు అని చెప్పి సీతారాంని రమ్మనటానికి ఫోన్ చేస్తాను అని చెప్పి లోపలికి వెళ్తాడు కృష్ణమూర్తి.

లాభం లేదు, నేనే ఏదో ఒకటి చేయాలి. ఈ ఇల్లు అమ్మటానికి ఒప్పుకోను అని మనసులో అనుకుంటుంది కనకం. మరోవైపు కళ్యాణ్ కోసం అభిమాన పాఠకురాలు అనే పేరుతో ఒక కొరియర్ వస్తుంది. నా కొడుకు అప్పుడే పెద్ద సెలబ్రిటీ అయిపోయాడు అని పొంగిపోతుంది ధాన్య లక్ష్మి. కొరియర్ తీసుకున్న కావ్య కవి గారికి అప్పుడే ఫ్యాన్స్ మొదలయ్యారు. ఈ లెటర్ లో ఏముందో చదువుతాను అంటుంది. వద్దు అందులో ఏం రాసిందో ఏమిటో అంటూ వదిన దగ్గర లెటర్ తీసుకోవటానికి ప్రయత్నిస్తాడు కళ్యాణ్.

కానీ కళ్యాణ్ కి అందకుండా అటు ఇటు పరిగెడుతుంది కావ్య. తరువాయి భాగంలో సీక్రెట్ గా ఏదో కొరియర్ అందుకుంటుంది స్వప్న. తన గదిలోకి తీసుకువెళ్లి కొరియర్ లో వచ్చిన టాబ్లెట్స్ వేసుకుంటుంది.  అది చూసిన రుద్రాణి ఎందుకు ఇంత సీక్రెట్ గా ఈ టాబ్లెట్స్ వేసుకుంటుంది అంటే దీనికి ప్రెగ్నెన్సీ రాలేదా అనుకుంటుంది. అబద్ధం చెప్పి పెళ్లి చేసుకున్నావా అంటూ రాహుల్ రుద్రాణి  రుద్రాణి ఇద్దరూ స్వప్నని నిలదీస్తారు.