నేను హీరోయిన్ల ముఖం వంక చూడను, ఎవ్వరూ అందంగా ఉండరు.. రాజమౌళికి రాఘవేంద్ర రావు ఇచ్చిన సలహా 

దిగ్గజ దర్శకుడు రాఘవేంద్ర రావు టాలీవుడ్ లో ఒక ట్రెండ్ సెట్టర్ అనే చెప్పాలి. కమర్షియల్ చిత్రాలతో ఆయన ఒక సంచలనం సృష్టించారు. సీనియర్ ఎన్టీఆర్, చిరంజీవి, వెంకటేష్, శోభన్ బాబు, నాగార్జున, శ్రీకాంత్ లతో రాఘవేంద్ర రావు ఎన్నో అద్భుతమైన చిత్రాలు తెరకెక్కించారు. ఇది రాఘవేంద్రరావులో ఒక కోణం మాత్రమే. 

ఆయనలో మరో కోణం కూడా దాగివుంది. హీరోయిన్లని రాఘవేంద్ర రావు చూపించినంత అందంగా మరే దర్శకుడు చూపించలేరు. హీరోయిన్ల సొగసుని పూలు పళ్లతో అభివర్ణిస్తూ అందంగా హాట్ గా చూపించడం రాఘవేంద్ర రావుకే చెల్లింది. తాజాగా ఇంటర్వ్యూలో రాఘవేంద్ర రావు హీరోయిన్లని తాను అంత అందంగా చూపించడం వెనుక నున్న కిటుకు రివీల్ చేశారు. 

రాజమౌళి కూడా ఒక సందర్భంలో రాఘవేంద్ర రావు హీరోయిన్లని అందంగా చూపించడం గురించి మాట్లాడారు. రాఘవేంద్ర రావు మాట్లాడుతూ.. రాజమౌళి, నేను మరికొంత మంది దర్శకులు చిన్న చర్చా కార్యక్రమంలో పాల్గొన్నాం. అప్పుడు రాజమౌళి నాతో పాటు చాలా మంది దర్శకులం హీరోయిన్లని అందంగా చూపించాలని ప్రయత్నిస్తాం. కానీ రాఘవేంద్ర రావు చూపించినంత అందంగా మేము చూపించలేం. ఆ సీక్రెట్ ఏంటో చెప్పండి అని అడిగారట. 

రాఘవేంద్ర రావు మాట్లాడుతూ.. నేను సరదాగా ఒక మాట అన్నా.. నేను హీరోయిన్ల ముఖం వంక చూడను అని చెప్పా. ఎందుకంటే ఏ హీరోయిన్ కూడా పూర్తిగా అందంగా ఉండదు. ఒకరి నవ్వు బావుంటుంది. ఒకరి ముక్కు బావుంటుంది.. ఒకరి కళ్ళు బావుంటాయి. అంతేకాని పూర్తిగా ఎవరూ అందంగా ఉండరు అని అన్నారు. 

వాళ్ళ మైనస్ లో దాచిపెడుతూ అందాన్ని హైలైట్ చేసి చూపించడమే దర్శకుడి పని అని చెప్పినట్లు రాఘవేంద్ర రావు వివరించారు. దివంగత నటి శ్రీదేవి నడుము గురించి మాట్లాడుతూ.. ఆమె నడుము కడవలాగా ఉంటుంది. అందులో ఎల్లువొచ్చి గోదారమ్మ సాంగ్ లో కడవ ఊగుతున్నట్లు ఆమె నడుముని చూపించా అని అన్నారు. 

నేను హీరోయిన్లని పళ్లతో పోల్చి చూపిస్తే చాలా మంది అప్పట్లో కామెంట్స్ చేశారు. కానీ ఇప్పుడు కత్రినా కైఫ్ లాంటి హీరోయిన్లని పళ్లతో పోల్చుతూ యాడ్స్ చేస్తున్నారు అని రాఘవేంద్ర రావు అన్నారు.