అంత పెద్ద ఎదురుదెబ్బ తగిలాక..రిలీజ్ కి ముందు డిసప్పాయింట్ చేసిన పూరి జగన్నాధ్, ఛార్మి మాత్రం..

డాషింగ్ డైరెక్టర్ పూరి జగన్నాధ్, రామ్ పోతినేని కాంబినేషన్ లో వస్తున్న చిత్రం డబుల్ ఇస్మార్ట్. ఐదేళ్ల క్రితం వచ్చిన ఇస్మార్ట్ శంకర్ చిత్రానికి సీక్వెల్ గా డబుల్ ఇస్మార్ట్ ని తెరకెక్కించారు. ఈ చిత్రంపై మాస్ ఆడియన్స్ లో భారీ అంచనాలు ఉన్నాయి. రామ్ పోతినేని క్యారెక్టర్ ని పూరి మాస్ ఆడియన్స్ కి కనెక్ట్ అయ్యేలా తీర్చి దిద్దారు. 

Puri Jagannadh

ట్రైలర్ కూడా ఆకట్టుకుంది. సినిమా సినిమా ఎలా ఉండబోతోంది..పూరి జగన్నాధ్ కంబ్యాక్ ఇస్తారా అనే ఉత్కంఠ అందరిలో ఉంది. పూరి జగన్నాధ్ చివరగా తెరకెక్కించిన లైగర్ చిత్రం దారుణమైన డిజాస్టర్ గా నిలిచింది. బయ్యర్లకు ఈ చిత్రం కోలుకోలేని నష్టాలు మిగిల్చింది. పూరి, ఛార్మి కూడా బాగా నష్టపోయారు. ఇంత పెద్ద ఫ్లాప్ తర్వాత పూరి జగన్నాధ్ కంబ్యాక్ ఇవ్వడానికి కచ్చితంగా డబుల్ ఇస్మార్ట్ చిత్రాన్ని కసితో చేసి ఉంటారు. అందులో డౌట్ లేదు. 

డబుల్ ఇస్మార్ట్ ప్రమోషన్స్ లో పూరి జగన్నాధ్ ఆ విషయాన్ని ఆడియన్స్ కి తెలియజేస్తారు అని అంతా భావించారు. కానీ ఇంతవరకు ఒక్క ఇంటర్వ్యూ కూడా రాలేదు. కనీసం ప్రీ రిలీజ్ ఈవెంట్ లో అయినా పూరి స్పీచ్ అదిరిపోతుంది అని భావించారు. కానీ పూరి ప్రసంగం చాలా చప్పగా సాగింది. రొటీన్ గా మాట్లాడిన పూరి ఈ మూవీ ఎలా ఉండబోతోంది.. విశేషాలు ఏంటి.. ఎంత పెద్ద హిట్ అవుతుంది లాంటి మాటలేవీ మాట్లాడలేదు. 

Double iSmart

విజయేంద్ర ప్రసాద్ ఫోన్ చేసిన విషయాన్ని మాత్రం ప్రస్తావించలేదు. పూరి జగన్నాధ్ స్పీచ్ లో హిట్ కొడుతున్నాం అనే కసి, కాన్ఫిడెన్స్ ఎక్కడా కనిపించలేదు అని కామెంట్స్ మొదలయ్యాయి. సినిమా తప్పకుండా బ్లాక్ బస్టర్ అనే కాన్ఫిడెన్స్ ఆడియన్స్ కి ఇవ్వడం అవసరం. ఎందుకంటే భారీ కాంపిటీషన్ నడుమ ఈ చిత్రం రిలీజ్ అవుతోంది. 

Puri Jagannadh

డబుల్ ఇస్మార్ట్ రిలీజ్ అవుతున్న రోజే రవితేజ మిస్టర్ బచ్చన్, విక్రమ్ తంగలాన్ లాంటి చిత్రాలు విడుదలవుతున్నాయి. పూరి బిజినెస్ పార్ట్నర్ ఛార్మి కూడా సినిమా గురించి ఏమి మాట్లాడలేదు. కానీ ఒక్క డైలాగ్ తో జోష్ నింపే ప్రయత్నం చేసింది. 

ఈ చిత్రంతో హిట్ కొట్టాకే మాట్లాడుతా అంటూ బిగ్గరగా చెప్పింది ఛార్మి. ఓవరాల్ గా చూస్తే మిస్టర్ బచ్చన్ తో పోల్చుకుంటే డబుల్ ఇస్మార్ట్ టీం ప్రమోషన్స్ లో కాస్త వెనుకబడ్డారు.