- Home
- Entertainment
- Puri Jagannadh: ''పోకిరి'' హిట్టవుతుందని పూరీ నమ్మలేదట.. ఫస్ట్ రష్ చూసి హీరో కృష్ణ అన్నమాటతో!
Puri Jagannadh: ''పోకిరి'' హిట్టవుతుందని పూరీ నమ్మలేదట.. ఫస్ట్ రష్ చూసి హీరో కృష్ణ అన్నమాటతో!
Puri Jagannadh: తెలుగు చిత్రపరిశ్రమలో పూరి జగన్నాథ్ డేరింగ్‌ అండ్‌ డాషింగ్‌ డైరెక్టర్‌గా పేరుంది. ఈ మధ్య కాలం కలిసిరాక.. అతను తీసిన సినిమాలు ఆడట్లేదు కానీ... ఒకప్పుడు పెద్దహీరోల కెరీర్‌ను మలుపుతిప్పాడు. కొత్త హీరోలకు స్టార్‌డమ్‌ కూడా అందించారు. మహేష్, ప్రభాస్‌, చరణ్‌, ఎన్టీఆర్‌, రవితేజ ఇలా అనేక మందికి ఇండస్ట్రీ హిట్‌లను అందించిన దర్శకుడు పూరి. ముఖ్యంగా మహేష్‌తో పూరి రెండు సినిమాలు చేసి రెండూ బిగ్‌ హిట్లు అయ్యాయి. అయితే.. పోకిరీ అంత పెద్ద హిట్ అవుతుందని పూరీ జగన్నాథ్ అసలు ఊహించనేలేదంటా.. ఓ ఇంటర్వ్యూలో పోకిరీ సినిమా గురించి పలు షాకింగ్‌ విషయాలు పంచుకున్నారు.
- FB
- TW
- Linkdin
Follow Us
 "Mahesh Babu")
Mahesh Babu
పూరీ జగన్నాథ్ దృష్టిలో పోకిరి ఫ్లూక్‌ సినిమా అంట.. తన దగ్గర ఉన్న వందల చెల్ల కథలతో దీన్ని సినిమాగా తీద్దామని అనుకున్నారంట పూరీ. ఏదోఒక సినిమా తీద్దాము అనే పోకిరి ప్రారంభించారంట. కానీ పోకిరి సినిమా ఫస్ట్ రష్ చూసిన మహేష్‌బాబు తండ్రి సూపర్‌స్టార్‌ కృష్ణ ఈ సినిమా ఇండస్ట్రి హిట్ అవుతుంది అన్నారంట. అయితే.. దీన్ని పూరి అసలు నమ్మలేదంట.
pokiri movie scene
పోకిరి హిట్ అవుతుందని కృష్ణ చెప్పగానే.. మీ అబ్బాయి హీరో కాబట్టి అలా చెబుతున్నారా అని పూరి అడిగారాంట. అలాంటిది ఏమీ లేదు.. సినిమాలో కొత్తదనం కనిపిస్తుంది.. ఫోకస్‌ చేసి తీస్తే ఇండస్ట్రీ హిట్ అని కృష్ణ ధైర్యాన్ని ఇచ్చారంట. నిజమే కదా.. 350 సినిమాలకు పైగా నటించి, నిర్మాత, దర్శకుడి ఇలా అనే కోణాల్లో సినిమా చూసిన వ్యక్తికి ఆ మాత్రం అర్థంకాదా. అయితే... ప్రయత్నం అందరూ ఒకేలా చేస్తారు, కానీ తీసుకునే జాగ్రత్తలు సినిమాని ముందుకి తీసుకెళతాయి అన్న సూక్తి పోకిరి పనికొస్తుందట.
Puri Jagannadh
పోకిరికి ముందు తర్వాత అనేలా తెలుగు సినిమాని పూర్తిగా మార్చేశాడు పూరీ జగన్నాథ్. అప్పటి వరకు మూస సినిమాలకన్నా పోకిరి చాలా భిన్నంగా ఉంది. ఇంగ్లీష్‌ సినిమాలలా పోకిరిలోని సీన్లు చాలా ఫాస్ట్‌గా నడుస్తుంటాయి. ఇది ఆడియన్స్‌ని కట్టిపడేసింది. దీంతోపాటు సినిమా నిడివి తక్కువే.. అంతేకాకుండా పాటలు కూడా సందర్భానికి తగట్టుగానే ఉండేవి. బలవంతంగా చొప్పించినవి లేవు. ఒక్కడు తరువాత ఫుల్ మాస్ సినిమా మహేష్‌కి ఇదే కావడం మరో ప్రాధాన్యం ఇచ్చింది.
director Puri Jagannadh
అతడు సినిమాకే మహేష్‌కు మంచి నటుడిగా గుర్తింపురాగా.. పోకిరి సినిమాతో మరో పది మార్కులు దక్కాయి. పోకిరీ స్టోరీ విషయానికి వస్తే.. ప్రియురాలు వదిలేసినా అండర్ కవర్ కాప్ గానే హీరో ఉంటాడు.. ఎక్కడా డ్రామా కనిపించదు. ఇక అలీ, బ్రహ్మానందం, ప్రకాష్ రాజ్, నాజర్, మాస్టర్ భరత్, షాయాజీ షిండే, సుబ్బరాజు ఇలా ప్రతీ పాత్రని ఒక్కొక్కటి పరిచయం చేసుకుంటూ సినిమా వెళుతుంది. లాజిక్ మిస్ అయిన సీన్ ఒక్కటి కూడా ఉండదు. దీంతో మణిశర్మ, పూరీ, మహేష్, ఇలియానా, ఫైట్ మాస్టర్ విజయ్, ఇలా ప్రతి ఒక్కరి కష్టానికి తగిన ఫలితం ఇచ్చిన సినిమాగా నిలిచింది.
Puri Jagannadh speech
వాస్తవానికి థ్రిల్లర్ లేదా యాక్షన్ సినిమాలలో ట్విస్ట్ ఒకసారి తెలిసిన తర్వాత ఎవరికీ చూడాలి అనిపించదు. కానీ పోకిరి ట్విస్ట్ మొదటిసారి థ్రిలింగ్‌గా అనిపిస్తుంది. అంతేకాకుండా ట్విస్ట్ సీన్‌ని ఆడియన్స్‌ మళ్లీ మళ్లీ చూసేలా చిత్రీకరణ చేయడం పూరి ప్రత్యేకత అని చెప్పవచ్చు. ఇక సినిమాలో భారీ సెట్స్ లేకుండా చిన్న చిన్న ప్రాంతాల్లో తీయడం కూడా కలిసొచ్చింది. రిపీట్ వాల్యూ బాగా ఎక్కువ ఉన్న సినిమాగా నిలిచింది. మహేష్ తరం నటులు అప్పటివరకు చేసిన సినిమాలకన్నా ఎక్కువ ఆదాయం తెచ్చిన సినిమా. అందులో 75 ఏళ్ల వజ్రోత్సవ వేడుకలు, అప్పటికి హీట్ లో ఉన్న సినిమా, సమ్మర్ సెలవులు, ముందే ఆడియో హిట్, మహేష్ లుక్ ఇలా అన్నీ అంశాలు కలిసి హిట్ చేశాయని దర్శకుడు చెప్పుకొచ్చారు.
Puri Jagannadh
పూరీ జగన్నాథ్‌కు ఇటీవల లైగర్‌, డబుల్‌ ఇస్‌మార్ట్‌ డిజాస్టర్లు కావడంతో కొంత గ్యాప్‌ వచ్చింది. తాజాగా ఆయన తమిళనటుడు విజయ్‌సేతుపతికి కథను చెప్పి ఒప్పించారు. ప్రస్తుతం ఈ సినిమాపై పూరి దృష్టి సారించినట్లు తెలుస్తోంది.
