Priyamani : ‘అలాంటి పాత్రల్లో నటించాలని ఉంది’.. మనసులోని మాట బయటపెట్టిన ప్రియమణి!

సీనియర్ హీరోయిన్ ప్రియమణి గురించి తెలుగు ప్రేక్షకులకు ప్రత్యేక పరిచయం అవసరం లేదు. నాగార్జున, జగపతి బాబు,ఎన్టీఆర్, నితిన్ వంటి హీరోల సరసన నటించి మెప్పించింది. 
 

తెలుగులో ఈ ముద్దుగుమ్మ చేసినవి కొన్ని సినిమాలే అయినా.. గుర్తుండిపోయేలా పెర్ఫామ్ చేసింది. ప్రస్తుతం ప్రియమణి కెరీర్ లో సెకండ్ ఇన్నింగ్స్ ను ప్రారంభించింది. ఈ సందర్భంగా కీలక పాత్రల్లో నటిస్తున్నారు. 
 

మరోవైపు లేడీ ఓరియెంటెడ్ చిత్రాల్లోనూ నటిస్తోంది. ఇదిలా ఉంటే.. ప్రియమణి నటించిన హిందీ చిత్రం ‘ఆర్టికల్ 360’ Article 360 త్వరలో ప్రేక్షకుల ముందుకు రానుంది. ఈ మూవీ ప్రమోషన్స్ లో ప్రియమణి బిజీగా ఉన్నారు. 

ఈ సందర్భంగా తన గురించిన కొన్ని విషయాలను రీసెంట్ ఇంటర్వ్యూలో బయట పెట్టింది. ఫ్యూచర్ లో తనకు ఇష్టమైన రోల్స్ లో నటించాలని ఉందంటూ చెప్పుకొచ్చింది. అలాంటి పాత్రల కోసమే ఎదురుచూస్తున్నానని చెప్పింది. 

గతంలో ఆయా క్యారెక్టరైజేషన్ ఉన్న పాత్రల్లో నటించిన ప్రియమణి.. మున్ముందు మాత్రం కామెడీ, ఎంటర్ టైన్ మెంట్.. అలాగే విలన్ పాత్రలు పోషించాలని కోరుకుంటున్నారంట... ఆ రోల్స్ కోసం ఎదురుచూస్తున్నానని చెప్పింది. 

ఇప్పటికే విరాట పర్వంలో నక్సలైట్ గా కనిపించి, యాక్షన్ సీన్లతో అలరించింది. ఇక విలన్ గానూ మెప్పించగలదనే నమ్మకం కలిగించింది. ఇక  ప్రస్తుతం ‘భామా కలాపం 2’, ‘కొటేషన్ గ్యాంగ్’, ‘ఖైమార’, ‘మైదాన్’ వంటి సినిమాల్లో నటిస్తూ బిజీగా ఉంది.