Prakash Raj Controversy: చిక్కుల్లో ప్రకాశ్ రాజ్, వివాదాస్పద వ్యాఖ్యలపై కోర్టులో క్రిమినల్ కేసు

నటుడు ప్రకాశ్ రాజ్ చిక్కుల్లో పడ్డారు. ఆయనపై కోర్టులో క్రిమినల్ కేసు నమోదైంది. అసలు ఈసారి ప్రకాశ్ రాజ్‌పై ఎందుకు ఫిర్యాదు చేశారు? ఏంటీ ఈ కేసు? పూర్తి వివరాలు ఇక్కడ చూడండి.

Image Credit : klf 2026

ప్రకాశ్ రాజ్ పై క్రిమినల్ కేసు

బెంగళూరులో జరిగిన 'కాక్రోచ్ జనతా పార్టీ' నిరసనలో ప్రకాశ్ రాజ్ పాల్గొన్నారు. అక్కడ యువతను ఉత్సాహపరిచారు అద్భుతమైన స్పీచ్ కూడా ఇచ్చారు. ఆ కార్యక్రమం తర్వాత  ప్రకాశ్ రాజ్‌కు  కొత్త చిక్కులు మొదలయ్యాయి. తిరుపతి కోర్టులో ఆయనపై క్రిమినల్ కేసు ఫైల్ చేశారు.

Image Credit : Getty

ఫిర్యాదుకు కారణం ఏంటి?

ప్రకాశ్ రాజ్‌పై కేసు పెట్టడానికి ఆయన చేసిన వ్యాఖ్యలే కారణం. ఇటీవల కేరళ సాహిత్య ఉత్సవంలో రాముడు, లక్ష్మణుడు, రామాయణంపై ఆయన చేసిన కామెంట్స్ వివాదానికి దారితీశాయి. రాముడు, లక్ష్మణుడు ఉత్తర భారతీయులని, వాళ్లు దక్షిణంపై దాడి చేశారని అన్నారు. దక్షిణాదికి వచ్చి రావణుడి తోటలోని పండ్లు దొంగిలించారని ఓ కథ అల్లారు. రామాయణాన్ని హాస్యాస్పదంగా చిత్రీకరించారు. ఈ వ్యాఖ్యలపైనే కోర్టులో కేసు వేశారు.

Image Credit : Prakash Raj/ Instagram

ప్రకాశ్ రాజ్‌పై ఫిర్యాదు చేసింది ఎవరు?

ఆంధ్రప్రదేశ్‌లోని తిరుపతి కోర్టులో ఈ క్రిమినల్ కేసు నమోదైంది. కట్టుకథలు చెప్పి హిందూ మత విశ్వాసాలను ప్రకాశ్ రాజ్ దెబ్బతీశారని ఫిర్యాదులో పేర్కొన్నారు. సనాతన ధర్మాన్ని అవమానించారని ఆరోపిస్తూ తిరుమల తిరుపతి దేవస్థానం (టీటీడీ) ట్రస్ట్ సభ్యుడు, బీజేపీ నేత జి. భానుప్రకాశ్ రెడ్డి ఈ ఫిర్యాదు చేశారు.

Image Credit : @Prakash Raj

ఆర్య-ద్రావిడ సిద్ధాంతంతో విభేదాలు

ఆర్య-ద్రావిడ సిద్ధాంతాన్ని ప్రచారం చేస్తూ ఉత్తర, దక్షిణ భారత దేశాల మధ్య ప్రకాశ్ రాజ్ విభేదాలు సృష్టిస్తున్నారని ఆరోపించారు. మతపరమైన మనోభావాలను దెబ్బతీయడం (సెక్షన్ 299), వర్గాల మధ్య విద్వేషాలు రెచ్చగొట్టడం (సెక్షన్ 196) వంటి పనులు చేశారని ఫిర్యాదులో ఉంది. అందుకే నటుడికి సమన్లు జారీ చేయాలని కోరారు.

Image Credit : Youtube print shot/@teamprashna

ప్రకాశ్ రాజ్ ఇచ్చిన క్లారిటీ

కేరళ సాహిత్య ఉత్సవంలో ప్రకాశ్ రాజ్ మాట్లాడిన వెంటనే పెద్ద వివాదం చెలరేగింది. దీనిపై ఆయన అప్పుడే స్పష్టత ఇచ్చారు. పిల్లల కోసం నిర్వహించిన ఒక థియేటర్ వర్క్‌షాప్‌లోని కథను మాత్రమే తాను చెప్పానని అన్నారు. అది కేవలం సృజనాత్మక కథ మాత్రమేనని, మత విశ్వాసాలను కించపరిచే ఉద్దేశం తనకు లేదని వివరించారు.

Image Credit : instagram

మళ్లీ మొదలైన బాయ్‌కాట్ ప్రచారం

తాజాగా బీజేపీ నేత కోర్టులో కేసు వేయడంతో ఈ వివాదం మళ్లీ తెరపైకి వచ్చింది. ప్రకాశ్ రాజ్ సినిమాలను బాయ్‌కాట్ చేయాలంటూ సోషల్ మీడియాలో ప్రచారాలు మొదలయ్యాయి. కోట్లాది భక్తుల నమ్మకాలను, మనోభావాలను గౌరవించని నటుడి సినిమాలను బహిష్కరించాలనే డిమాండ్ పెరుగుతోంది.