- Home
- Entertainment
- Chiranjeevi: రామ్ చరణ్ ను చూసి చిరంజీవి గర్వపడ్డ మొదటి క్షణం ఏదో తెలుసా? మెగాస్టార్ శభాష్ అని ఎప్పుడన్నారంటే
Chiranjeevi: రామ్ చరణ్ ను చూసి చిరంజీవి గర్వపడ్డ మొదటి క్షణం ఏదో తెలుసా? మెగాస్టార్ శభాష్ అని ఎప్పుడన్నారంటే
ఫిల్మ్ కెరీర్ లో తండ్రికి తగ్గ తనయుడు అనిపించుకున్నాడు మెగా పవర్ స్టార్ రామ్ చరణ్. నటన విషయంలో చిరంజీవిని కూడా మించిపోయాడు. రామ్ చరణ్ ను చూసి చిరంజీవి గర్వంగా శభాష్ అని అనుకున్న సదర్భం గురించి మీకు తెలుసా?
చిరంజీవిని మించిపోయిన రామ్ చరణ్..
మెగా పవన్ స్టార్ రామ్ చరణ్ తండ్రికి తగ్గ తనయుడు అనిపించుకుంటున్నాడు. కొన్ని విషయాలలో తండ్రిని మించిపోయాడు చరణ్. నటనలో ఎన్నో వేరియేషన్లు చూపిస్తూ.. సినిమా కోసం ఎన్నో సాహసాలు చేస్తూ.. అభిమానులను అలరించడం కోసం ఎంతో కష్టపడుతున్నాడు మెగా పవర్ స్టార్. వారసత్వంగా ఇండస్ట్రీలోకి వచ్చినా.. తన సొంత కష్టంతో స్టార్ గా ఎదిగాడు చరణ్. మగధీర, రంగస్థలం, ఆర్ఆర్ఆర్, పెద్ది లాంటి సినిమాల్లో చరణ్ కష్టం ఏంటో తెలుస్తుంది. ముఖ్యంగా పెద్ది సినిమాలో రామ్ చరణ్ నటన, పాత్రల కోసం ఆయన చేసిన శ్రమ, తీసుకున్న రిస్క్ అంతా ఇంతా కాదు.
చిరంజీవి రామ్ చరణ్ ను చూసి గర్వపడ్డ క్షణం..
మెగాస్టార్ చిరంజీవి ఎటువంటి బ్యాక్ గ్రౌండ్ లేకుండా ఇండస్ట్రీలోకి వచ్చాడు. డ్యాన్స్ లో, యాక్షన్ సీన్స్ లో వేరియేషన్లు చూపించి మాస్ ఆడియన్స్ పల్స్ ను పట్టగలిగాడు. కోట్లలో అభిమానులను సంపాదించుకున్నాడు. ఆయన బాటలో నడిచిన రామ్ చరణ్ ప్రస్తుతం తండ్రిని మించిన తనయుడు అనిపించుకుంటున్నారు. పెద్ది సినిమా చూసి చిరంజీవి ఎంతో మురిసిపోతున్నారు. చరణ్ చేసిన నటన, ఆసినిమా కోసం అతను పడ్డ కష్టాన్ని తలుచుకుని ఎంతో గర్వపడుతున్నాడు. అయితే రామ్ చరణ్ ను చూసి చిరంజీవి, ఆయన భార్య సురేఖ గర్వంతో సంతోషించిన మొదటి క్షణం మరోకటి ఉంది. ఈ విషయం గురించి చిరంజీవి ఓ ఇంటర్వ్యూలో వెల్లడించారు.
రామ్ చరణ మొదటి సినిమా టైమ్ లో ఏం జరిగింది?
ఆచార్య సినిమా రిలీజ్ టైమ్ లో జరిగిన ఓ ఇంటర్వ్యూలో చిరంజీవి రామ్ చరణ్ గురించి, అతని నటన, డెడికేషన్ గురించి మాట్లాడాడు. చరణ్ ను చూసి తాను గర్వపడ్డ మొదటి క్షణం గురించి వెల్లడించారు. చిరు మాట్లాడుతూ..'' చరణ్ ఫస్ట్ సినిమా షూటింగ్ జరుగుతున్నప్పుడు నేను సురేఖ స్పాట్ కు వచ్చాం.. ఆరోజు చరణ్ బర్త్ డే. షూటింగ్ లో చరణ్ ను చూస్తే నల్లగా కమిలిపోయి ఉన్నాడు.. మాడిపోయి ఉన్నాడు. చరణ్ అలా ఉండటం చూసి, ఎండలో మాడిపోవడం చూసి, నలిగిపోవడం చూసి.. సురేఖ తట్టుకోలేకపోయింది.. అయ్యో పాపం బిడ్డా అంది. నేను మాత్రం వా.. శభాష్.. కష్టపడుతున్నాడు. అన్నీ నేర్చుకుంటున్నాడు. ఇలా కష్టపడితేనే రేపు ఓ స్థాయికి వస్తాడు అని మొదటిసారి గర్వపడ్డాను'' అని అన్నారు. మెగాస్టార్ మొదటిసారి చరణ్ ను చూసి గర్వపడ్డ క్షణం అదే.
పెద్దిలో విశ్వరూపం చూపించిన రామ్ చరణ్..
రామ్ చరణ్ రీసెంట్ గా పెద్ది’ సినిమాతో అభిమానుల ముందుకు వచ్చాడు. ఈ సినిమా మొదటి షో నుంచే పాజిటివ్ టాక్‌ను సొంతం చేసుకుని దూసుకెళ్తోంది. థియేటర్లలో హౌస్ ఫుల్ కలెక్షన్స్ లో రన్ అవుతోంది. ముఖ్యంగా సినిమాలో రామ్ చరణ్ నటనకు ప్రేక్షకుల నుంచి భారీగా స్పందన లభిస్తోంది. సినిమా అంతా తన భుజాలపై మోశాడు మెగా పవర్ స్టార్. సెకండ్ హాఫ్ తో పాటు క్లైమాక్స్‌లో ఆయన చూపించిన ఎమోషనల్ సీన్స్,అభిమానులను కదిలించింది. చరణ్ ఈసినిమా కోసం చాలా కష్టపడ్డాడు. తన బాడీని మూడు పాత్రలకు తగ్గట్టుగా మార్చుకున్నాడు. చరణ్ కష్టం అంతా పెద్ది సినిమాలో కనిపించింది. సినిమా కోసం ఎంత సాహసం చేయడానికి అయినా ఆయన వెనకాడటంలేదు.
