అక్షయ్ కుమార్ బ్యాడ్ టైమ్.. అఖండ హీరోయిన్ కూడా బలైందిగా..  

 ఖిలాడీ హీరో అక్షయ్ కుమార్ కి టైం అసలు బాగాలేదు. ఆయన నటించిన చిత్రాలు గతంలో లాగా బాక్సాఫీస్ వద్ద రాణించడం లేదు. గతంలో అక్షయ్ కుమార్ సినిమా రిలీజ్ అయిందంటే 100 కోట్లు గ్యారెంటీ అనుకునేవాళ్లు. కానీ ఇప్పుడు పరిస్థితి అలా లేదు. 

గత కొన్ని చిత్రాలుగా అక్షయ్ కుమార్ కి వరుస ఫ్లాపులు ఎదురవుతున్నాయి. బడే మియా చోటే మియా చిత్రం భారీ బడ్జెట్ లో తెరకెక్కిన యాక్షన్ మూవీ. ఈ చిత్రం డిజాస్టర్ గా నిలిచింది. సూర్య సూపర్ హిట్ మూవీ ఆకాశం నీ హద్దురా చిత్రాన్ని హిందీలో అక్షయ్ కుమార్ సర్ఫిరా పేరుతో రీమేక్ చేసారు. 

ఈ చిత్రం అత్యంత దారుణంగా డిజాస్టర్ అయింది. ఇటీవల మరో చిత్రం రిలీజ్ అయింది. రీసెంట్ గా అక్షయ్ కుమార్ నటించిన ఖేల్ ఖేల్ మే చిత్రం ఆగష్టు 15న లాంగ్ వీకెండ్ అడ్వాంటేజ్ తో రిలీజ్ అయింది. ఈ చిత్రంలో అక్షయ్ కుమార్ హీరో కాదు కానీ కీలక పాత్రలో నటించారు. 

ఈ మూవీ పరిస్థితి కూడా బాక్సాఫీస్ వద్ద అంతంత మాత్రంగానే ఉంది. అక్షయ్ కుమార్ తో పాటు ఈ చిత్రం తాప్సి, అఖండ హీరోయిన్ ప్రగ్యా జైస్వాల్ నటించారు. ప్రగ్యా జైస్వాల్ పరిస్థితి తెలుగులో అంతంత మాత్రంగానే ఉంది. హిందీలో అయినా అదృష్టం పరీక్షించుకుందాం అనుకుంటే ఖేల్ ఖేల్ మే చిత్రం డిజాస్టర్ దిశగా పయనిస్తోంది.